FM97.5 / LIVE

ძვირი სიგარეტის იაფი ალტერნატივა

მთავარისიახლე, საზოგადოება 24.07.2019
ბოლო დროს სიგარეტები იმდენად გაძვირდა, რომ მწეველების დიდი ნაწილი თუთუნის ყიდვას ამჯობინებს, რაც შედარებით იაფია. შესაბამისად, ახალციხეში თუთუნის მომხმარებლების და მაღაზიების რაოდენობა საგრძნობლად გაიზარდა.

ძვირი სიგარეტის იაფი ალტერნატივა

ახალციხეში, ორი წლის წინ, თუთუნის მაღაზიას ვერ ნახავდით. იყო მხოლოდ ერთი მაღაზია ბაზარში. დღესდღეობით კი ქალაქში, დაახლოებით, თუთუნის შვიდი მაღაზიაა.

მაღაზიებში იყიდება სხვადასხვა სახის დაფასოებული თუთუნი, რომლებიც ფასით და ხარისხით განსხვავდება. მაღაზიებში, ასევე, ნახავთ სპეციალურ ხელსაწყოებს, რითაც კუსტარულად მზადდება სიგარეტები.

სიგარეტის გაძვირების შემდეგ თუთუნის აქტიური მომხმარებელი გახდა ზაზა გულიაშვილი: „ადრე სიგარეტს ვყიდულობდი და ვეწეოდი, თუმცა ძალიან გააძვირეს, ამიტომ თუთუნს ვყიდულობ ხოლმე. რაც ერთი კოლოფი სიგარეტი ღირს, იმ ფასის თუთუნს რომ ვყიდულობ, ბევრად მეტ სიგარეტს ვახვევ,“ - ამბობს ზაზა გულიაშვილი. მან სპეციალური აპარატიც კი იყიდა თუთუნის დასატენად.

ზაზას მსგავსად, თუთუნს რეგულარულად მოიხმარს არტაშ ჩახოიანიც, თუმცა იგი უფრო შორსაც წავიდა და კოსტავას ქუჩაზე ჯიხური გახსნა და თუთუნს ყიდის. კლიენტების რაოდენობით უკმაყოფილოა: „ძლიან ბევრი თუთუნის მაღაზია გაიხსნა, ამიტომ მყიდველები ჩემთან შემცირდა.“

მასთან თუთუნის ფასები ხარისხების მიხედვითაა – 5 ლარიდან 10 ლარამდე: „18 წლამდე პირებს არ მივყიდი, არ შეიძლება,“ - ამობობს ჩახოიანი.

აშოტ ჩახოიანი სიგარეტს თუთუნს ამჯობინებს: „ჯერ ერთი, რომ ძვირია სიგარეტი. მერე კიდევ, არ იცი, შიგნით რას დებენ. მე რომ ვტენი, ვიცი რითიც ვაკეთებ. სიგარეტს არც ისე ხშირად მოვიხმარდი – დღეში ორ – სამ, ჰა, ჰა, ოთხ ღერს. სიგარეტი სუსტი იყო, თუთუნის კი – ერთი ღერი ნახევარი დღე მყოფნის.“

ჩახოიანის ჯიხურიდან რამდენიმე მეტრში, ისევ კოსტავას ქუჩაზე, შეხვდებით მეორე თუთუნის მაღაზიას, რომელშიც იყიდება როგორც თუთუნი (თურქული, სომხური, ამერიკული), ისე დასატენი ღერები. აქვე იყიდება თუთუნის დამტენი ხელსაწყოები, ჩიბუხები, ჩილიმები.

როგორც გამყიდველი ამბობს, მყიდველების რაოდენობა მატულობს: „ჩვენ არ ვუჩივით მყიდველების რაოდენობას. რაც სიგარეტის ფასი გაიზარდა, თუთუნის მომხმარებელმაც იმატა, ძირითადად ასაკიანი მომხმარებლები მოდიან. ახალგაზრდებს „უტყდებათ“, თუმცა ისინიც მოიხმარენ".

თუთუნის მაღაზიებში აკრძალულია 18 წლამდე ასაკის მომხმარებლების მომსახურება. ამის შესახებ ყველა მაღაზიაში ნახავთ გამოკრულ პლაკატებს. ასევე ყველგან დიდი ასოებით წერია: „მოწევა კლავს!“

ძვირი სიგარეტის იაფი ალტერნატივა

[ნათია გულიაშვილი, ახალციხე]


09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 საფეხური: ეთნიკურ უმცირესობებთან მძიმე მდგომარეობაა – მანანა რატიანი მასწავლებელთა სერთიფიცირებაზე

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

08.07.2020 ჯანდაცვის სამინისტრომ 117 000 სწრაფი ტესტი შეიძინა

08.07.2020 ადიგენსა და ახალციხეში მინდვრები კალიების საწინააღმდეგოდ დამუშავდა

08.07.2020 საქართველო 5 ქვეყანასთან საზღვარს ხსნის

08.07.2020 მცენარეული ნარჩენის დაწვის შემთხვევაში 1 000 ლარამდე დაჯარიმდებით

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ახალციხეში, ნინოწმინდასა და  ადიგენში უაქციზო თამბაქოს შენახვა-რეალიზაციის ფაქტები გამოავლინეს
რამდენი ლარით დაჯარიმდებით, თუ სიგარეტს იქ მოწევთ, სადაც აკრძალულია
რას ამბობენ გამათბობლების მაღაზიებში ტექნიკოსების კვალიფიკაციაზე
სად და რა ფასად შეიძენთ ახალციხეში ხელოვნურ ნაძვის ხეს
სიგარეტი გაძვირდა
ახალციხის მაღაზიებში საკვებად უვარგისი ხინკალი და პელმენი ისევ იყიდება
ახალციხეში მაღაზია ”მესხური ბრენდი” გაიხსნა