FM97.5 / LIVE

2 მილიონ ნახევარი ზარზმის მონასტრის რეაბილიტაციისა და ტურისტული ადგილების მოწყობისთვის

მთავარისიახლე, ეკონომიკა 24.07.2019
ადიგენში, ზარზმის სამონასტრო კომპლექსს რესტავრაცია-რეაბილიტაცია ჩაუტარდება, მის ირგვლივ კი ტურისტული ინფრასტრუქტურა მოეწყობა. ტენდერში გამარჯვებული კომპანია უკვე ცნობილია.

2 მილიონ ნახევარი ზარზმის მონასტრის რეაბილიტაციისა და ტურისტული ადგილების მოწყობისთვის

„ზარზმის სამონასტრო კომპლექსზე გადაუდებელი სარესტავრაციო სამუშაოებისა და ტურისტული ინფრასტრუქტურის მოწყობის“ პროექტს ტენდერში გამარჯვებული კომპანია შპს „არქიტესტი“ ახორციელებს. მუნიციპალური განვითარების ფონდსა და კომპანიას შორის ხელშეკრულება 19 ივნისს გაფორმდა.

სამუშაოებისათვის 2 518 961 ლარი დაიხარჯება, რომლის 20% სახელმწიფო ბიუჯეტიდანაა, 80%-ს კი მსოფლიო ბანკი დააფინანსებს.

პროექტის მიხედვით, ზარზმის სამონასტრო კომპლექსის ისტორიულ ნაგებობებს რეაბილიტაცია ჩაუტარდება; ასევე მოეწყობა მონასტრის მიმდებარედ არსებული ავტოსადგომი, ტაძრიდან 150 მეტრში არსებული „თამარის წყარო“ და წყარომდე მისასვლელი საფეხმავლო გზა.

ძირითადი სარეაბილიტაციო-სამშენებლო სამუშაოები ჩატარდება გუმბათიან ტაძარზე, სამრეკლოსა და მცირე ეკლესიებზე. სატენდერო დოკუმენტების მიხედვით, ტაძრისა და ეკლესიის კედლებიდან შეუსაბამო გარე განათება მოიხსნება. ნადებისაგან გაიწმინდება გუმბათი და კედლები, გადაიხურება სახურავი.

რაც შეეხება „თამარის წყაროს“, რომელიც ტაძრიდან რამდენიმე მეტრშია, იგი დანალექი მიწისგან და მცენარეული საფარისგან უნდა გაიწმინდოს. აღდგება წყაროს სახურავი და მისასვლელი ბაქანი მოპირკეთდება. აქვე მოეწყობა დასაჯდომი ადგილებიც.

პროექტის მიხედვით, მოპირკეთდება წყარომდე მისასვლელი გზაც, რომელიც მოიკირწყვლება და გვერდულები გაუკეთდება. დამონტაჟდება გარე განათებაც და მონასტრის გარეთ ავტოსადგომის ტერიტორიაც.

პროექტით გათვალისწინებულია ვიზიტორთა ცენტრის დაპროექტებაც. ვიზიტორთა ცენტრში გამოყოფილი იქნება ადგილი საინფორმაციო სივრცისთვის, მოეწყობა მცირე კაფე, დასასვენებელი ოთახები, სახელოსნო ტრადიციული ნაკეთობებისა და სუვენირებისთვის, სველი წერტილები;

ეზოში დაიდგმება დასავენებელი სკამები და სანაგვე ურნები, ტერიტორია შემოიღობება და გაკეთდება განათება.

პროექტი სავარაუდოდ 2020 წლისთვის უნდა დასრულდეს.

2 მილიონ ნახევარი ზარზმის მონასტრის რეაბილიტაციისა და ტურისტული ადგილების მოწყობისთვის

[თაკო ფეიქრიშვილი, ადიგენი]


30.06.2020 საფეხური: როგორ ჩატარდება ეროვნული გამოცდები [აუდიო]

27.06.2020 აბიტურიენტებს საგამოცდო ბარათის ამობეჭდვა დღეიდან შეუძლიათ

26.06.2020 სამცხე–ჯავახეთიდან აბიტურიენტები სომხეთში წასვლას შეძლებენ – სომხური მედია

26.06.2020 სომეხი აბიტურიენტები ეროვნული გამოცდების ჩასაბარებლად ერევანში ვერ მიდიან

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.07.2020 პოლიციელებს ხელფასი 125 ლარით გაეზარდათ

01.07.2020 70 წელს ზემოთ პენსიონერებისთვის პენსია 30 ლარით იზრდება

01.07.2020 შშმ პირებს პენსია 30 ლარით ეზრდებათ

30.06.2020 სარო – დევების სამფლობელო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

‘ლოდებით გადახურული სივრცე’ – აღმოჩენა ზარზმაში [ფოტო]
ფოკის მონასტერთან ინფრასტრუქტურის მოსაწყობად 3 138 948 ლარი დაიხარჯება
ფოკის მონასტერთან ინფრასტრუქტურის მოსაწყობად გამოცხადებულ ტენდერში მონაწილეობა არავინ მიიღო
ახალციხის სამ სოფელში სკვერი მოეწყობა
ფოკის მონასტერთან ინფრასტრუქტურის მოსაწყობად ტენდერი გამოცხადდა
სამინისტრო: საფარის მონასტერთან ტურისტული ინფრასტრუქტურის მოწყობა დასრულების ეტაპზეა
მესხეთის თეატრის შენობას რეაბილიტაცია ჩაუტარდება