FM97.5 / LIVE

რატომ გვიანდება ხულო - ზარზმის გზის მშენებლობა

მთავარისიახლე, საზოგადოება 23.07.2019
კომპანიამ, რომელიც ხულო-ზარზმის დამაკავშირებელ გზას აკეთებს, ვადების დაგვიანების გამო, საავტომობილო გზების დეპარტამენტისგან რამდენიმე გაფრთხილება მიიღო. 47 კილომეტრიანი მონაკვეთის რეაბილიტაცია 2020 წელს უნდა დასრულდეს, თუმცა ადგილზე უშუალოდ მშენებლობა ჯერ არ დაწყებულა.

რატომ გვიანდება ხულო - ზარზმის გზის მშენებლობა

ბათუმი-ახალციხის საავტომობილო გზაზე, ხულო-ზარზმის მონაკვეთის სარეაბილიტაციო სამუშაოების ღირებულება 110 მილიონი ლარია. პროექტს იტალიური კომპანია „ტოდინი“ ახორციელებს. მან ტენდერში 2018 წლის შემოდგომით გაიმარჯვა, ამ დრომდე კი ადგილზე მხოლოდ მოსამზადებელი სამუშაოები შეასრულა.

საავტომობილო გზების დეპარტამენტში ამბობენ, რომ კომპანიას ვადებთან დაკავშირებით ჩამორჩენა აქვს, ამიტომ რამდენიმე გაფრთხილება მიიღო: „გეგმა-გრაფიკს სათანადოდ ვერ მიჰყვება კომპანია, გაფრთხილებებიც მიეცა და თუ ტემპს არ მოუმატებს დაჯარიმდება. ჯერ არ განიხილება, თუმცა თუ ვერ შეასრულებენ თავისზე დაკისრებულ მოვალეობას, მაშინ ხელშეკრულება გაწყდება“, - განმარტავენ, საავტომობილო გზების დეპარტამენტის საზოგადოებასთან ურთიერთობის სამსახურში.

2018 წლის აპრილში დეპატრამენტი აცხადებდა, რომ კონკრეტული სარეაბილიტაციო სამუშაოები მაისიდან უნდა დაწყებულიყო.

კომპანია „ტოდინის“ ინფორმაციით, ვადებში ჩამორჩენის მიზეზი გოდერძის უღელტეხილზე არსებული მკაცრი კლიმატური პირობებია. მათი თქმით, აქ სამუშაოების დაწყება მხოლოდ აპრილში გახდა შესაძლებელი. მოსამზადებელი სამუშაოები კვირის ბოლოს დასრულდება, რის შემდეგაც მშენებლობა უნდა დაიწყონ.

„მანდ გაკეთებულია გეოდეზიური სამუშაოები, ახლა მოწმდება მონაცემები გეოდეზიის, მოხდა გადაღება მთლიანად მონაკვეთის, სად რა უნდა გაკეთდეს. ახლა მოწმდება და მერე უკვე სამუშაოები დაიწყება. პრეტენზიებიც ჰქონდათ, რატომ არ მუშაობთ თებერვალშიო, მაგრამ თებერვალში იქ ამსვლელი კაცი არ იყო. ჩვენ მარტო მაღალი გამავლობის მანქანით დავდიოდით და რაღაცებს ვათვალიერებდით. ვადა მომავალ წლამდე გვაქვს, ამიტომ მის დარღვევაზე ჯერ საუბარი ადრეა“, - ამბობს კომპანია „ტოდინის“ წარმომადგენელი გიორგი კოპალეიშვილი.

მისივე თქმით, ამ დროისათვის, გეოდეზიური სამუშაოები გზის მთლიან, 47 კილომეტრიან მონაკვეთზეა შესრულებული: „ორი ბაზაა გაკეთებული, ზარზმის ზევით და ხულოსთან. საცხოვრებელი კონტეინერებიც დგას და ტექნიკის დასაყენებლი ადგილიც მზადაა. ჩვენი ვარაუდით, ამ კვირის ბოლოს ყველაფერზე მოგვცემენ თანხმობას და გვეტყვიან ყველაფერი სწორად გაქვთ ათვლილი და ამოხაზულიო და უკვე თვითონ მშენებლობას დავიწყებთ“. მისივე თქმით, თუ ვინმეს ახალციხიდან-ბათუმში გადასვლა უნდა, გზაზე მაღალი გამავლობის მანქანით გადაადგილება შესაძლებელია.

ვადების ჩამორჩენასთან დაკავშირებით, საავტომობილო გზების დეპატრამენტის მხრიდან, კომპანია „ტოდინს“ გაფრთხილება მხოლოდ ამ პროექტის შესახებ არ მიუღია. 2018 წლის აპრილში, დეპატრამენტმა კომპანიას საჯარო გაფრთხილება მისცა სამტრედია-გრიგოლეთის მე-3 მონაკვეთისა და ზესტაფონი-ქუთაისის მონაკვეთის მშენებლობის შესახებაც - „სამუშაო ჩამორჩენით მიმდინარეობს, რის გამოც კომპანიას მკაცრი გაფრთხილება მიეცა“.

ამავე წელს, გაიმარჯვა კომპანიამ ხულო-ზარზის გზის სარეაბილიტაციო სამუშაოებისათვის გამოცხადებულ ტენდერში.

შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის ხულო - ზარზმის მონაკვეთის რეკონსტრუქციის პროექტი ორ მონაკვეთადაა დაყოფილი და ჯამში რეაბილიტაცია 47 კილომეტრიან გზას და 7 ხიდს ჩაუტარდება. დეპარატმენტის ინფორმაციით, აქ ორ ზოლიანი ასფალტ-ბეტონის საფარი დაიგება.

სარეაბილიტაციო მონაკვეთი დაბა ხულოდან იწყება, გაივლის გოდერძის უღელტეხილს და ადიგენის სოფელ ზარზმამდე მიდის. გზა, სამცხე-ჯავახეთისა და აჭარის რეგიონებს უმოკლესი გზით დააკავშირებს ერთმანეთთან. ბათუმიდან ახალციხემდე მგზავრობის დრო 1.5 სთ-ით შემცირდება.

გზის რეკონსტრუქციას არაბეთის ეკონომიკური განვითარების ქუვეითის ფონდი (KFAED) აფინანსებს. პროექტის ჯამური ღირებულება 110 210 777 ლარს შეადგენს. სამუშაოების დასრულება 2020 წლის ოქტომბრისთვისაა დაგეგმილი.
ამავე თემაზე ნახეთ:

გოდერძის გზის მშენებლობა ადიგენში 11 ადგილობრივის ნაკვეთს ეხება

[თაკო ფეიქრიშვილი, ადიგენი]


23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

18.09.2020 1046 სტუდენტი სწავლის გასაგრძელებლად სომხეთში დაბრუნდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.09.2020 1 აშშ დოლარის ღირებულება 3.25 ლარი გახდა

22.09.2020 სამცხე–ჯავახეთში წვიმა და ელჭექია ნავარაუდევი – კვირის პროგნოზი

22.09.2020 GMPP–ის შესარჩევი კონკურსი რეგიონული ონლაინ მედიისთვის

21.09.2020 როცა პანდემიაა და სამცხე-ჯავახეთში ჯანდაცვის რგოლი დუმს - ვინ და რატომ არ აკეთებს კომენტარს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.09.2020 SKამბები: 'მრავალგვაროვანი' კლდე [აუდიო]

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

03.09.2020 SKამბები: თუთუნიდან – სოფლის დაცლამდე [აუდიო]

მსგავს თემაზე

ვადაგადაცილებისთვის ბათუმი-ახალციხის გზის მშენებელი კომპანია დაჯარიმდა
ხულო-ზარზმის გზის აღდგენისთვის ტენდერში გამარჯვებული გამოვლინდა
ხულო-ზარზმის გზის რეკონსტრუქციისთვის ტენდერი ხელახლა გამოცხადდა
გოდერძის გზის მშენებლობა დაიწყო
გოდერძის გზის სამშენებლო სამუშაოები გაზაფხულიდან დაიწყება
ხულო-ზარზმის გზის რეაბილიტაცია იწყება
საავტომობილო გზების დეპარტამენტი ხულო-ზარზმის გზის მშენებელ კომპანიასთან ხელშეკრულებას წყვეტს