FM97.5 / LIVE

ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

მთავარისიახლე, საზოგადოება 23.07.2019
სამცხე ჯავახეთში ტურიზმის საინფორმაციო ცენტრები სულ 2 ადგილზე - ბორჯომსა და ახალციხეშია. როგორ იკვალავენ გზას ტურისტები სამცხე-ჯავახეთში? როგორ არჩევენ, რა მოინახულონ და რა განაპირობებს მნიშვნელოვანი ტურისტული ადგილების ნაკლებ პოპულარობას?

ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

დასი და ოსკარი საქართველოში პირველად არიან. ისინი აქ ლატვიიდან ჩამოვიდნენ. გეზი, პირველ რიგში, ახალციხისკენ აიღეს და რაბათის ციხეს ესტუმრნენ. აქ ისინი გიდის დახმარებით ორიენტირებენ და ახალციხის მონახულებაც მისი რჩევით გადაწყვიტეს.

„ახალციხის შესახებ აქამდეც ვიცოდით. ინტერნეტში ხშირად ვათვალიერებთ საქართველოს და ყველა ცნობილი ადგილი ვიცით. ჩვენთვის საქართველო ცნობილია, როგორც მულტიკულტურული და სტუმართმოყვარე ქვეყანა, ლატვიაში ამის შესახებ ყველამ იცის. ამიტომ გადავწყვიტეთ საქართველოს მონახულება,“ - გვიყვება ოსკარი.

ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

აქედან სად წავლენ, ჯერ ზუსტად არ იციან, რადგან უამრავი არჩევანი აქვთ, დრო კი - არც ისე ბევრი. ამიტომ არჩევანის გაკეთებაშიც რომ მეტი დრო არ დახარჯონ, ისევ გიდის რჩევას გაითვალისწინებენ. შემდეგი გაჩერება, სავარაუდოდ, ვარძია იქნება.

ახალციხის ციხეზე უცხოელი ვიზიტორების რაოდენობა ყოველწლიურად იზრდება. 2018 წლის პირველ კვარტალთან შედარებით, 2019 წლის პირველ კვარტალში 28%ით გაიზარდა ვიზიტორთა რაოდენობა. ვიზიტორთა ზრდის პარალელურად, აუცილებელი ხდება ისეთი სერვისების დანერგვა, რომელიც ხელს შეუწყობს ტურისტული ნაკადების უფრო მეტ ზრდას და ასევე – დამსვენებლების კომფორტს.

გიორგი ბერიძე ახალციხის ციხის გიდია. მისი თქმით, რეგიონის ტურისტული პოტენციალის გაზრდისთვის, აუცილებელია, რომ ცნობადი გახდეს უფრო მეტი ადგილი სამცხე-ჯავახეთში. ის, ასევე, აქცენტს აკეთებს რეგიონში ისეთი ადგილობრივი ტურისტული კომპანიების არარსებობაზე, რომლებიც ვიზიტორებს შესთავაზებენ ტურებს და იმ ადგილების მონახულებას, რომლებიც ნაკლებადაა პოპულარული.

„ტურისტები მოყავთ კომპანიებს, რომლებსაც წინასწარ განსაზღვრული მარშრუტი აქვთ და ჩვენ ვერ ვთავაზობთ მათ სხვა ადგილების მონახულებას, რაც კარგი იქნებოდა ჩვენი რეგიონის ისეთი ადგილების პოპულარიზაციისთვის, რომელიც ნაკლებადაა ცნობილი ტურისტებისთვის“ - ამბობს გიორგი.
გასულ წელთან შედარებით, ვიზიტორთა რაოდენობა გაზრდილია ჯავახეთის დაცულ ტერიტორიებზეც.

ჯავახეთის დაცული ტერიტორიების დირექტორის, თამაზ კარაპეტიანის აზრით, ვიზიტორთა რაოდენიბის ზრდა ბუნებრივია, რადგან, განვითარებასთან ერთად, უფრო მეტად ცნობადი ხდება რეგიონი.

„ტურისტული კომპანიები ხშირად ერიდებიან ტურისტების ისეთ ადგილებში გადამისამართებას, სადაც მათ ორიენტირება გაუჭირდებათ. ამიტომ, სანამ გიდი-რეინჯერი გვეყოლებოდა, ნაკლებად თანამშრომლობდნენ ჩვენთან. ახლა მანქანაც გვყავს, რომელიც ტურისტებს მომსახურებას უწევს. რაც უფრო მეტად „გავიზრდებით“, ბუნებრივია, ტურისტებიც დაინტერესდებიან, რადგან აქ ძალიან ბევრი ადგილია, რომელიც ნებისმიერი ეროვნების ტურისტში ინტერესს გამოიწვევს.“ - ამბობს თამაზ კარაპეტიანი.

ახალციხის ციხის უცხოელ ვიზიტორთა რაოდენობა 2018 წლის 2 კვარტლის (იანვარი–ივნისი) მონაცემებით 27482–ს შეადგენდა. ხოლო 2019 წელს პირველ 2 კვარტალში ახალციხის ციხეს 35124 უცხოელი დამთვალიერებელი ეწვია. ბოლო 2 წლის განმავლობაში კი ახალციხის ციხე 101 ქვეყნის წარმომადგენელმა დაათვალიერა.

[რობიზონ ზარიძე, ახალციხე]


08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

07.07.2020 ახალციხის მერია შშმ პირს საცხოვრებელ კორპუსში ლიფტის დამონტაჟებას 4 წელია პირდება

07.07.2020 კაცს, რომელმაც სოფელ კლდეში დამწვრობა მიიღო, ოპერაციას გაუკეთებენ

07.07.2020 ახალციხეში 29 წლის მანანა მჭედლიძეს სასწრაფო ოპერაციისთვის თანხა სჭირდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სამცხე–ჯავახეთში უცხოელ ვიზიტორთა რაოდენობა შემცირდა
სააგენტო: დაცულ ტერიტორიებზე ვიზიტორთა რაოდენობა გაიზარდა
”ტურისტებს მარტო მშენებლობებით  ვერ მოვიზიდავთ”
ახალციხის ციხეს 2019 წელს 159 828 ვიზიტორი ესტუმრა
მარტში ტურისტული ვიზიტების რაოდენობა  4.3%-ით გაიზარდა
2018 წელს ‘ახალციხის ციხეს’ 152 752 ვიზიტორი ესტუმრა
ჯავახეთის დაცულ ტერიტორიებს 19 თვეში 7 979 ვიზიტორი ესტუმრა