FM97.5 / LIVE

‘საიდან იცის გამოძიების დეტალები?’– ბაღების დირექტორი ენზელ მკოიანს უჩივლებს

მთავარისიახლე, საზოგადოება 22.07.2019
ნინოწმინდის ბაღების გაერთიანების დირექტორი დეპუტატ ენზელ მკოიანს, 21 ივლისს გავრცელებული განცხადების გამო უჩივლებს. ნარინე გინოსიანი ამბობს, რომ ენზელ მკოიანი, თავის განცხადებაში, ისეთ დეტალებს აღწერს, რა ინფორმაციასაც საგამოძიებო უწყება ფლობს და ძიების დასრულებამდე, მისი გასაჯაროების უფლება არავის აქვს.

‘საიდან იცის გამოძიების დეტალები?’– ბაღების დირექტორი ენზელ მკოიანს უჩივლებს

დირექტორი ამბობს, რომ განცხადებაში მის მიმართ ბრალდებებიც არის, რაც სიმართლეს არ შეესაბამება.

„მაინტერესებს, დეპუტატმა ეს დეტალები საიდან იცის? მითუმეტეს, როცა გამოძიება არ არის დასრულებული, რატომ უნდა აკეთებდეს ასეთ განცხადებებს? ეს არის ჩემი უფლებების დარღვევა და ამისთვის აუცილებლად ვუჩივლებ“, – ამბობს ნარინე გინოსიანი.

მისი თქმით, მკოიანის განცხადება, რომ უცხო პირებს მხოლოდ სამსახურეობრივი ტრანსპორტის მოხმარებისთვის განკუთვნილი საწვავის ე.წ. ჩიპებს აძლევს, სიცრუეა: „შეიძლება, „რომპეტროლს“ მართლაც ჰქოდეს ვიდეოკადრები ამასთან დაკავშირებით, მაგრამ ეს ადამიანები არიან ჩემი თანამშრომლები, ან არის ჩემი მანქანა, რითიც მიწევს ბაღის საქმეების გამო გადაადგილება, იმიტომ, რომ ბაღების გაერთიანება ოფიცილურად არ არსებობს და არც ტრანსპორტი გვყავს და რაღაცით ხომ უნდა ვიაროთ?“.

გინოსიანი უარყოფს მკოიანის ბრალდებებს „ნაციონალური მოძრაობის“ წევრებთან ურთიერთობაზეც: „საერთოდ, არცერთ პარტიასთან არ მაქვს რაიმე სახის ურთიერთობა. მმართველ პარტიასთანაც კი არ მქონია რაიმე სახის ურთიერთობა“.

ენზელ მკოიანის განცხადებას აფასებს ახალგაზრდა იურისტთა ასოციაციის იურისტი ქეთი ბებიაშვილი. მისი თქმით, განცხადებაში ბევრი ისეთი დეტალია მოყვანილი, რაც მხოლოდ გამოძიებისთვის უნდა იყოს ცნობილი, ამიტომ გინოსიანის მიმართ უდანაშაულობის პრეზუმციის დარღვევა მართლაც იკვეთება.

„ამ განცხადების შემდეგ ჩნდება სამართლიანი ეჭვი, რატომ იცის დეპუტატმა ამდენი დეტალი ამ საქმეზე? ხომ არ აქვს მას გავლენა გამოძიებაზე და შეიძლება, გამოიკვეთოს უფლებამოსილების გადამეტება პარლამენტის წევრის მიერ. ამ მიმართულებითაც უნდა დაინტერესდნენ შესაბამისი ორგანოები“, – განმარტავს ქეთი ბებიაშვილი.

ნინოწმინდის ბაღების გაერთიანების დირექტორი და მისი ბუღალტერი, ფინანსთა სამინისტროს საგამოძიებო სამსახურმა, თანხების მითვისებასა და გაფლანგვისათვის, 19 ივლისს მისცა პასუხისგებაში, სასამართლომ კი ორივე მათგანი გირაოთი გაათავისუფლა.

ბაღების გაერთიანების დირექტორმა ნარინე გინოსიანმა, პირველად „სამხრეთის კარიბჭესთან“ განაცხადა, რომ მის წინააღმდეგ დაწყებულ ძიებას, ნინოწმინდა–ახალქალაქის დეპუტატ ენზელ მკოიანს უკავშირებდა, რადგან მკოიანი მასთან ინტიმური კავშირის დამყარებას ცდილობდა, რაზეც უარი მიიღო და დაემუქრა.

„სამხრეთის კარიბჭეში“ მასალის გამოქვეყნებიდან მეორე დღეს მკოიანმა საგანგებო განცხადება გააკეთა და გინოსიანის ბრალდებები „ნაციონალურ მოძრაობასთან“ ერთად დაგეგმილ ბინძურ კამპანიად შეაფასა.

ნარინე გინოსიანი ამბობს, რომ მკოიანის მხრიდან სექსუალურ შევიწროებაზე პროკურატურასა და გენინსპექციასაც მიმართა, თუმცა რეაგირება არ მოჰყოლია.

საქართველოს პროკურატურაში „სამხრეთის კარიბჭეს“ განუცხადეს, რომ გინოსიანის საქმეს ფინანსთა სამინისტროს საგამოძიებო სამსახური იძიებს. ამიტომ ეს განცხადებაც ფინანსთა სამინისტროს გენერალურ ინსპექციას გადაუგზავნეს. აღნიშნულ უწყებაში კი განგვიმარტეს, რომ სექსუალური შევიწროების შესახებ განცხადება მათი საქმე არ არის და შინაგან საქმეთა სამინისტროში გადაგვამისამართეს.

დაიწყო თუ არა შსს–მ მკოიანის საკითხის მოკვლევა, უწყებისგან პასუხს ველოდებით.

იურისტები კი ფიქრობენ, რომ გინოსიანისა და მისი ბუღალტერის პასუხისგებაში მიცემა და დეპუტატის მხრიდან შესაძლო სექსულური შევიწროება სხვადასხვა საქმეა. ამიტომ პროკურატურას თავად უნდა გამოეძიებინა.

[ლუბა გიორგაძე, ნინოწმინდა]


15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

13.01.2020 რომელი ფაკულტეტები იქნება უფასო სამცხე-ჯავახეთის უნივერსიტეტში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.01.2020 სამცხე–ჯავახეთში გაზრდილი პენსია 30 223 ასაკით პენსიონერმა აიღო

16.01.2020 შშმ პირთა ღონისძიება ‘ტალიტა კუმში’

16.01.2020 დავით სერგეენკოს განცხადება c ჰეპატიტის ვადაგასულ წამლებთან დაკავშირებით

16.01.2020 NDI – წინა წლებთან შედარებით ეკლესიის რეიტინგი მკვეთრად შემცირდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ბაღების გაერთიანების დირექტორისა და დეპუტატის საქმეს სახალხო დამცველი სწავლობს
ენზელ მკოიანის წინააღმდეგ პროკურატურას ძიება არ დაუწყია
დეპუტატის და დირექტორის დაპირისპირებაში ორგანიზაცია ‘საფარი’ ერთვება
ნინოწმინდის ბაღების გაერთიანებას ახალი ხელმძღვანელი ჰყავს
'მკოიანს სექსუალური კონტაქტის დამყარება უნდოდა, უარის გამო სამაგიერო გადამიხადა' - ბაღების დირექტორი პასუხისგებაში მისცეს
'ჩემს წინააღმდეგ ბინძური ბრალდებები გაჟღერდა' – ენზელ მკოიანი განცხადებას ავრცელებს
'ნინოწმინდაში სექსუალური შევიწროების ბევრი ფაქტია' - ნარინე გინოსიანი