FM97.5 / LIVE

ხანძრისგან დამწვარი ღორთუბნისა და ორგორის სკოლები აღდგება

მთავარისიახლე, საზოგადოება, განათლება 18.07.2019
ასპინძის სოფელ ორგორაში სკოლა ხანძრიდან შვიდი წლის შემდეგ, ადიგენის სოფელ ღორთუბანში კი ოთხი წლის შემდეგ აშენდება. თითოეული სკოლის საპროექტო დოკუმენტებისა და მის საფუძველზე, სამშენებლო სამუშაოებისთვის 1 279 750 ლარია გამოყოფილი.

ხანძრისგან დამწვარი ღორთუბნისა და ორგორის სკოლები აღდგება

ორგორასა და ღორთუბანში სკოლების აშენებამდე საპროექტო დოკუმენტები მომზადდება, რომლის საფუძველზეც ტენდერში გამარჯვებული კომპანია მშენებლობასაც უზრუნველყოფს. ტენდერს მუნიციპალური განვითარების ფონდი აცხადებს. თითოეული სკოლისთვის 1 279 750 ლარი განისაზღვრა.

დოკუმენტების მიხედვით, სატენდერო მოთხოვნები ორივე სკოლისთვის ზუსტად იდენტურია. ორივე მათგანი 60 მოსწავლეზე უნდა იყოს გათვლილი და შემდეგ სივრცეებს მოიცავდეს:

• სასწავლო კორპუსი:

- რვა საკლასო ოთახი და ერთი კლასლაბორატორია;
- სამასწავლებლოს და დირექციის ოთახი;
- ბიბლიოთეკის და კომპიუტერული კლასის საერთო სათავსი;
- სანიტარული კვანძის ბლოკები მოსწავლეებისათვის, ადმინისტრაციისათვის და შშმ პირებისათვის;
- ბუფეტი;
- დამლაგებლის ოთახი სველი წერტილით და სადეზინფექციო სათავსით;
- რეკრეაცია;
- ფოიე გარდერობით, დერეფანი.

• ღია ხელოვნურსაფარიანი სპორტული მოედანი;
• საინჟინრო შენობა-ნაგებობები.


ტენდერი 17 ივლისს გამოცხადაა, წინადადებების მიღება კი 14 აგვისტოს დასრულდება.

ასპინძის სოფელ ორგორაში, საჯარო სკოლა 2012 წლის დეკემბერში დაიწვა. ცეცხლი შენობას ღამის საათებში მოედო, ამიტომ შემთხვევისგან არავინ დაშავებულა, თუმცა განადგურდა ინვენტარი. სკოლაში 85 ბავშვი სწავლობდა. სკოლის დაწვის შემდეგ, მოსწავლეების ნაწილი სასწავლებლად მეზობელი სოფლების სკოლებში გადავიდა, უმეტესობა კი - ასპინძის სკოლაში.

რაც შეეხება ადიგენის სოფელ ღორთუბნის სკოლას, აქ ხის შენობა 2008 წელს აშენდა, 2015 წლის 11 ივნისს, გამთენიისას კი ხანძრის შედეგად მთლიანად დაიწვა.

სკოლაში 37 მოსწავლე სწავლობდა. ისინი სამი სოფლიდან: ღორთუბნიდან, აფიეთიდან და ზედუბნიდან დადიოდნენ. ხანძრის შემდეგ მოსწავლეებმა საგაკვეთილო პროცესი ჯერ კერძო პირის სახლში განაგრძეს, შემდეგ კი, სოფელ ზედუბნის ადმინისტრაციულ შენობაში.

ამავე თემებზე ნახეთ მასალები:

სოფელ ღორთუბანში სკოლის შენობა მთლიანად დაიწვა

ხანძრის შედეგად დამწვარი სკოლა ღორთუბანში [Photo]

ღორთუბნელ მოსწავლეებს გაკვეთილები ზედუბნის ადმინისტრაციულ შენობაში ჩაუტარდებათ

სოფელ ორგორაში ახალი სკოლა აშენდება, თუმცა, როდის უცნობია

ორგორის დამწვარი სკოლა და ხუთი კილომეტრი მეზობელ სოფლამდე

[თაკო ფეიქრიშვილი, ახალციხე]


18.09.2020 1046 სტუდენტი სწავლის გასაგრძელებლად სომხეთში დაბრუნდება

18.09.2020 1920 წელი: მესხეთ-ჯავახეთში ახალი სკოლები არსდება

15.09.2020 საფეხური: როგორ იცავენ რეკომენდაციებს ბორჯომის სკოლებში [აუდიო]

15.09.2020 ქალაქ ახალციხის სკოლებში 366 პირველკლასელი მივიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.09.2020 როგორი ამინდია მოსალოდნელი დასვენების დღეებში სამცხე–ჯავახეთში

18.09.2020 ახალქალაქის მერიასთან სოფელ ოლავერდის მოსახლეობამ აქცია გამართა

18.09.2020 ნინოწმინდის მერიაში შვიდ პოზიციაზე 30 განაცხადი შევიდა

18.09.2020 ახალციხელი სპორტსმენი უკრაინაში საერთაშორისო ტურნირში იბრძოლებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

03.09.2020 SKამბები: თუთუნიდან – სოფლის დაცლამდე [აუდიო]

26.08.2020 SKამბები: წირელი პეტროსიანები [აუდიო]

მსგავს თემაზე

ხანძრის შედეგად დამწვარი სკოლა ღორთუბანში [Photo]
ორგორაში რვა წლის წინ ხანძრისგან დამწვარი სკოლის მშენებლობა მიმდინარეობს
სოფელ ჩუნჩხაში სკოლა აშენდება
ღორთუბნელ მოსწავლეებს გაკვეთილები ზედუბნის ადმინისტრაციულ შენობაში ჩაუტარდებათ
ახალქალაქში, სოფელ ჩუნჩხაში ახალი სკოლა აშენდება
სოფელ ორგორაში ახალი სკოლა აშენდება, თუმცა, როდის უცნობია
სოფელ ღორთუბანში გაკვეთილები საცხოვრებელ სახლში ტარდება