FM97.5 / LIVE

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

მთავარისიახლე, საზოგადოება 11.07.2019
ასპინძასა და მუნიციალიტეტის სამ სოფელში ძლიერმა სეტყვამ ხეხილი და ნარგავები გააფუჭა. დაზიანდა სახლების სახურავებიც. თვითმმართველობის კომისია ზარალს ითვლის.

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

ასპინძაში, ნაქალაქევში, ფიასა და ივერიაში სტიქია დღეს, 11 ივლისს, დაახლოებით 15:00-დან 16:00 საათამდე ინტერვალში იყო. ადილობრივები ამბობენ, რომ შავი ღრუბელი და სეტყვა საყუდაბელის მთიდან წამოვიდა. ჯერ დაბა დაისეტყვა, შემდეგ კი სოფლებისკენ, ზოლად გადაინაცვლა.

სეტყვამ დაბა ასპინძის ცენტრალური გზის მიმდებარედ, ხეხილი დააზიანა. ძირს ჩამოიყარა თუთა, კაკალი, ალუბალი და ვაზის მტევანი.

„დიდი სეტყვა იყო, ხეხილი დააზიანა, ძირს დააგო ყველაფერი. რაც ხეზე დარჩა, ისიც აღარ გამოდგება. თუთა იყო ამ სეზონზე მნიშვნელოვანი და უკვე ძირს ყრია. ჩემთან ვენახი და პომიდორია ცუდ მდგომარეობაში“, - ამბობს ასპინძის მკვიდრი ნუგზარ ზედგინიზე.

ადგილობრივი თამაზ მელიქიძის თქმით, ასეთი მსხვილი სეტყვა ასპინძაში არ ახსოვს: „დავინიშნე და 12 წუთი იყო. კაკალს რომ ჩამოყრის ძირს, წარმოიდგინე რამხელა სეტყვა იქნებოდა. ნაგვის ურნა ძირს ჩამოყრილი ყურძნით გავავსე“.

დაბის შემდეგ სტიქიამ სოფლებში გადაინაცვლა. ნაქალაქევში სეტყვა დაახლოებით რვა წუთი იყო. „ჭერმის ზომის სეტყვა იყო, ზოლსა და ზოლზე გადაიარა. სიმინდი, ლობიო, კიტრი, პომიდორი - 80% აღარ არის. ხეხილიც დაზიანდა. დღეს, იმდენად არაფერი ეტყობა, მაგრამ როგორც კი ხვალ მზე მოხვდება, გახმობას დაიწყებს“, - ამბობს ნაქალაქევის მკვიდრი იაკობ ოთანაძე.

სეტყვის გარდა, ძლიერი ქარი და წვიმა იყო სოფელ ფიაშიც. ადგილობრივები ამბობენ, რომ ხიდან ჩამოყრილი მკვახე ნაყოფი და ფოთლები, წვიმის შედეგად მოსულმა ნიაღვრებმა გადარეცხა. ფიაში წვრილი სეტყვა მოვიდა, თუმცა დაზიანების მაჩვენებელი აქაც მაღალია.

„ქარიშხალმა უფრო დიდი ზარალი მოგვაყენა, ვიდრე სეტყვამ. სეტყვა წვრილი იყო და 2-5 წუთი გრძელდებოდა. ვენახი ზემოდან არის დაჩეხილი. ისეთი წყალი მოდიოდა, რომ ძირს რაც ეყარა, სულ გაასუფთავა. დააზიანა კიტრი, პამიდორი, ნესვი, საზამთრო, ნარგავები დაჩეხილია“, - ამბობს ფიას მკვიდრი ცირა ზაზაძე.

ასპინძის მერიის ინფორმაციით, დასეტყვილ დასახლებებში ზარალის დამთვლელი კომისია მუშაობს: „ყველაზე მეტი დაზიანება დაბა ასპინძაში იყო. სოფლებში, ძირითადად, ხეხილი, სასოფლო-სამეურნეო სავარგულები, ნათესები გაფუჭდა. ოთხი-ხუთი სახლის სახურავია დაზიანებული, მათგან ერთი – სოფელ ივერიაში. მნიშვნელოვანი დაზიანებები არ არის. ინფრასტრუქტურული ზარალი არ გვაქვს. კომისია ყველა სოფელში მუშაობს“, - ამბობს ასპინძის მერის მოადგილე დავით პაპაშვილი.

მერიის ინფორმაციით, სტიქიის შედეგების შესახებ, სრული სურათი თვითმმართველობას ხვალ ექნება.

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

'ჭერმის ზომის სეტყვა იყო' - ასპინძაში სტიქიამ ნარგავები დააზიანა [ფოტო]

[თაკო ფეიქრიშვილი, ასპინძა]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

სოფელ ურაველში სეტყვამ ხეხილი დააზიანა
ძლიერი სეტყვა ასპინძაში [ფოტო/ვიდეო]
ასპინძაში სამი სოფელი დაისეტყვა
ასპინძის მერის მოადგილე: ‘სტიქიამ მხოლოდ ბოსტნეული და ხეხილი დააზიანა’
ბორჯომის მუნიციპალიტეტი დაისეტყვა [ფოტო/ვიდეო]
ძლიერი სეტყვა სოფელ ანში
‘ლობიო, კიტრი და პომიდორი მიწასთანაა გასწორებული’ – სოფელი ზველი დაისეტვა