FM97.5 / LIVE

წყალი საათში 65 ლარად - შეჩერებული პროექტი და ‘მშრალზე’ დარჩენილი სოფლები [ვიდეო]

მთავარისიახლე, საზოგადოება 11.07.2019
ჭაჭარაქსა და მინაძეში ადგილობრივები ნაკვეთების მორწყვისთვის საათში 65 ლარს იხდიან. პროექტი, რომლის ფარგლებში ექვსი სოფლის გასარწყავიანება იგეგმებოდა, მათ შორის ჭაჭარაქის და მინაძის, შესაძლოა აღარ განხორციელდეს.

წყალი საათში 65 ლარად - შეჩერებული პროექტი და ‘მშრალზე’ დარჩენილი სოფლები [ვიდეო]

ახალციხეში, ჭაჭარაქში მცხოვრები კარლო ვირაბიანი კარტოფილის მოსარწყავად საათში 65 ლარს იხდის, ამბობს, რომ სათანადო რწყვის პირობებში 30 მეასედზე ხუთი ტონა კარტოფილს მოიყვანს, მაგრამ იმის გამო, რომ ფული არ აქვს, ნაკვეთს ხშირად ვერ რწყავს, შესაბამისად მოსავალიც ნაკლები აქვს.

„ღია არხით მოდის, იქაც იპარება, ნათესებს თოხით და ბარით ვადგავართ, რომ რაც შეიძლება მეტი ფართობის მორწვა მოვასწროთ“, – ამბობს კარლო ვირაბიანი.

მინაძეში მცხოვრებ ოთარ ელიოსიძეს კი ნათესები ისეთ ადგილზე აქვს, რომ იქ წყალსაქაჩით ვერ მორწყავს: „ისედაც მწირი მიწაა ჩვენთან. ვთესავთ და მერე წვიმის იმედად ვართ. თუ არ იწვიმებს, არაფერი მოვა. ძირითადად, სათიბად ვიყენებთ. რომ ირწყვებოდეს, ყველაფერი მოვიდოდა“.

ახალციხის ექვსი სოფლის მინაძის, ჭაჭარაქის, ახალშენის, ანდრიაწმინდის, წყორძისა და ღრელის გასარწყავიანების პროექტი, იაპონიის საელჩოს დაფინანსებით 2018 წელს დაიწყო, თუმცა ურაველში მცხოვრები მოსახლეობის პროტესტის გამო, მალევე შეჩერდა. ადგილობრივები შიშობენ რომ მდინარის რესურსი ექვს სოფელს არ ეყოფა და სისტემის მოწყობის შემთხვევაში სოფელი ურაველიც უწყლოდ დარჩება.

მინაძელი გიორგი გედევანიძე მიიჩნევს, რომ პროექტი განხორციელება მინაძის და მეზობელი სოფლებისთვის მნიშვნელოვანია. მისი თქმით, გასული საუკუნის 90–იან წლებამდე აღნიშნული სოფლები ურავლის წყლით, თვითდინებით ირწყვებოდა.

„კომუნისტების დროს იყო მსგავსი სისტემა და ეს სოფლები ირწყვებოდა, თუმცა ახლა 7-8 მოსახლეს აქვს საკალმახე. სარწყავი რომ გაკეთდეს, საკალმახეები ვეღარ იმუშავებს, ჩვენთვის კარგია, მაგრამ ისინი დაზარალდებიან“.



გაგრძელდება თუ არა ექვსი სოფლის გასარწყავიანების პროექტი, ახალციხის მერიაში პასუხი არ აქვთ.

„ჯერ-ჯერობით გაჩერებულია, მეტს ვერაფერს გეტყვით“, - ამბობენ მერიის საზოგადოებასთან ურთიერთობის სამსახურში.

„სამხრეთის კარიბჭე“ იაპონიის საელჩოს დაუკავშირდა, თუმცა საზოგადოებასთან ურთიერთობის სამსახურის ცნობით, უწყების თანამშრომლები მივლინებაში არიან, რის გამოც პასუხი კითხვაზე - ძალაშია თუ არა სოფლების გასარწყავიანების პროექტის დაფინანსების საკითხი – პასუხი ვერ მივიღეთ.

ხეობის ექვს სოფელში სარწყავი სისტემის მოსაწყობად სამუშაოები გასულ წელს, 30 წლის წინ მომზადებული გარემოზე ზემოქმედების შეფასების დოკუმენტზე დაყრდნობით დაიწყო.

მოსახლეობის პროტესტის შემდეგ, ახალი გზშ კავშირმა „სამყარომ“ მოამზადა, რომლის თავმჯდომარე სოფლის მეურნეობის სამინისტროს სამცხე–ჯავახეთის რეგიონული სამმართველოს უფროსი ნანა ზუბაშვილია,მაგრამ ადგილობრივებთან შეთანხმების მისაღწევად ეს არასაკმარისი აღმოჩნდა.

წყალი საათში 65 ლარად - შეჩერებული პროექტი და ‘მშრალზე’ დარჩენილი სოფლები [ვიდეო]

[ავთო ინასარიძე, ნანა ინასარიძე, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სოფელ წყორძაში სარწყავი სისტემის მოსაწყობად ტენდერი გამოცხადდა
მოსახლეობის 'დასამშვიდებლად' შექმნილი დოკუმენტი-მცდელობა ურაველში სარწყავი სისტემის მშენებლობის გასაგრძელებლად
ურავლის ხეობის ექვს სოფელს რწყვის პრობლემა აღარ ექნება
ურაველში სარწყავი სისტემის მილები მოიპარეს
წვიმაზე დამოკიდებული მოსავლიანობა
წლის ყველაზე ხმაურიანი პროექტი ურაველში ვერ განხორციელდა
ურაველში წყლის პროექტი მხოლოდ მოსახლეობის თანხმობის შემთხვევაში განხორციელდება