FM97.5 / LIVE

ისტორიკოსები: პუტინის საკუთარ ვერსიას არაფერი აქვს საერთო ისტორიასთან

მთავარისიახლე, პოლიტიკა 10.07.2019
„სამეცნიერო სამყაროსთვის არასერიოზული, ქვეყნისთვის საშიში განცხადება“, „ისტორიული ფაქტების აბსოლუტური იგნორი“ – ისტორიკოსები რუსეთის პრეზიდენტის განცხადებაზე.

ისტორიკოსები: პუტინის საკუთარ ვერსიას არაფერი აქვს საერთო ისტორიასთან

რუსეთის პრეზიდენტმა რუსულ მედიასთან ინტერვიუში საქართველო დაადანაშაულა აფხაზებისა და ოსების გენოციდში, ასევე მან თქვა, რომ მე-19 საუკუნის დასაწყისში „არავითარი საქართველო არ ყოფილა“.

„1918 წელს საქართველომ აფხაზეთის ოკუპაცია მოახდინა. ოკუპანტები სასტიკად მოქმედებდნენ, 1919-1920 წლებში ოკუპანტები ოსეთში უფრო სასტიკად მოიქცნენ. რეალურად, ეს ზუსტად ისაა, რასაც დღეს გენოციდს უწოდებენ. ოსეთი რუსეთის შემადგენლობაში 1774 წელს შევიდა. მთლიანად შევიდა, სამხრეთიც და ჩრდილოეთიც, როგორც დამოუკიდებელი სახელმწიფო. 1810 წელს რუსეთის შემადგენლობაში აფხაზეთიც შევიდა, როგორც დამოუკიდებელი სახელმწიფო, როგორც ვასალი. მოგვიანებით კი სამხრეთ ოსეთი თბილისის გუბერნიაში შევიდა. მაშინ არანაირი საქართველო არ არსებობდა, იყო თბილისის გუბერნია“.

„გამიზნულად გაკეთებული განცხადებაა, სწორედ საქართველოს წინაღმდეგ მიმართული. ასეთი განცხადებები სერიოზული სამეცნიერო სამყაროსთვის არასერიოზულია, მაგრამ ქვეყნისთვის საშიშია“, – ფიქრობს ისტორიკოსი როინ ყავრელიშვილი.

„ეს არის სრულიად აცდენილი ყოველგვარ სინამდვილეს. ეს არის ისტორია, რაც თვითონ შექმნეს – ისტორიული ფაქტების აბსოლუტური იგნორი“, – ამბობს ისტორიკოსი ნიკო ახალკაცი.

როგორც ისტორიკოსები აცხადებენ, რუსეთის პრეზიდენტმა რუსულ მედიასთან საუბრისას გამიზნულად იცრუა.

„ჯერ ერთი, საქართველოს აფხაზეთის ოკუპაცია არ მოუხდენია. არსებობს არაერთი მასალა, ლიტერატურა ამის დასამტკიცებლად. თუნდაც ჯემალ გამახარიას და ლია ახალაძის წიგნი – „აფხაზეთი, საქართველოს პოლიტიკა, ისტორია და კულტურა“. ასევე ისტორიკოს ზურაბ პაპასკირს აქვს ამ თემაზე არაერთი მასალა გამოქვეყნებული“, – ამბობს როინ ყავრელიშვილი.

ნიკო ახალკაცს მიაჩნია, რომ განცხადებაში მოყვანილი ფაქტები არის სრული სისულელე.

„ისტორიის გაყალბებაა. პუტინმა თქვა, რომ 1774 წელს ოსეთი რუსეთის შემადგენლობაში იყოო. დიდი კავკასიური ომი რომ დამთავრდა საბოლოოდ, 1864 წელს, მხოლოდ და მხოლოდ მაშინ მიუერთდა ჩრდილოეთ კავკასია რუსეთს. რაც შეეხება ქართლ–კახეთის სამეფოს შეერთებას რუსეთთან, შიდა ქართლი შედიოდა ამ სამეფოში და შიდა ქართლის შემადგენლობაში ჩვეულებრივ შედიოდა სამაჩაბლო. ხოლო აფახაზეთი რუსეთის ნაწილი არასდროს არ ყოფილა, არცეთ ისტორიულ პერიოდში“, – განაცხადა ნიკო ახალკაცმა.

როინ ყავრელიშვილს მიაჩნია, რომ რუსეთის პრეზიდენტის განცხადება მხოლოდ საქართველოსთვის არ იყო გამიზნული.

[გულო კოხოძე, ახალციხე]


03.06.2020 ახალციხის ბაღებში აღსაზრდელთა რეგისტრაცია მიმდინარეობს – რა დოკუმენტებია საჭირო

01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.06.2020 ‘სოფელი არ ჩაიკეტება, იგეგმება მოსახლეობის თერმოსკრინინგი’ – სამხარეო ადმინისტრაცია

04.06.2020 ‘ინფიცირებული სოფელში ორ გასვენებაში იმყოფებოდა’ - ნინოწმინდის ჯანდაცვის ცენტრი

04.06.2020 ‘სოფლის ჩაკეტვა იგეგმება’ – ყაურმის რწმუნებული

04.06.2020 '44 წლის ნინოწმინდელ კაცს, რომელიც შეცდომით სახლში გაუშვეს კორონავირუსი დაუდასტურდა' – ჯანდაცვის ცენტრი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

'მივმართავ რუსეთის პრეზიდენტს, უნდა დამთავრდეს ოკუპაცია აფხაზეთისა და ცხინვალისა' - ილია მეორე
რუსეთის მთავრობა გადადგა
პრეზიდენტი: ტურისტებმა ჩამოსვლა უნდა გააგრძელონ, რადგან საქართველო უყვართ
საქართველოსა და რუსეთს შორის ავიამიმოსვლა შეწყდა
რუსეთ-საქართველოს სახელმწიფოებრივ ხელშეკრულებათა ისტორია და ნატოს პერსპექტივა
‘ტაო’ ოთხ აპრილს რუსეთის გუნდ ‘სლავას’ შეხვდება
აშშ: ‘შეწყდეს საქართველოს ტერიტორიის არაკანონიერი ოკუპაცია’