FM97.5 / LIVE

'...და ცისფერი ქვა გამოჩნდა' - უნიკალური კანკელის აღმოჩენის დეტალები [ფოტო/ვიდეო]

მთავარისიახლე, საზოგადოება 10.07.2019
აწყურის ღვთისმშობლის ტაძრის სარესტავრაციო სამუშაოებისას, რვა ივლისს, მუშებმა აღმოაჩინეს კანკელის ფრაგმენტი. ფრაგმენტზე ღვთისმშობლის მიძინების ბარელიეფია ამოკვეთილი, გვერდებიდან კი, ოთხი სხვადასხვა სახის მაღალმხატვრული ჩუქურთმით არის მორთული. რესტავრატორების თქმით, ნამუშევარი მე-11 საუკუნეშია შექმნილი.

'...და ცისფერი ქვა გამოჩნდა' - უნიკალური კანკელის აღმოჩენის დეტალები [ფოტო/ვიდეო]

კანკელის ფრაგმენტი რვა ივლისს, დღისით, ტაძრის ჩრდილო-აღმოსავლეთით, წვიმის დროს ჩამოშლილი მიწის გატანისას გამოჩნდა.

„ჩვეულებრივად, ყოველდღიურ სამუშაოს ვასრულებდი. ჩამოსული მიწის აღებისას, ცისფერი განსხვავებული ქვა დავინახე. მუშაობა შევწყვიტე და ჩვენს რესტავრატორს, რამაზ კორშიას დავუძახე. შემდეგ ყველამ გავიგეთ, რაც ყოფილა“, - იხსენებს ტაძრის რესტავრაციაზე მომუშავე ჯონი ლაბაძე.

„მსგავსი კანკელი ჩვენს კულტურაში აქამდე არ გვქონია. ხომ შეეძლო, ერთი და იგივე ორნამენტი გაეკეთებინა, მაგრამ სხვადასხვა, უდიდესი სიზუსტით და ოსტატობით შექმნილი ორნამენტი და ჩუქურთმა შექმნა. კანკელზე სვეტები დგას, რომელშიც აღმოჩენილის მსგავსი ფორმებია მოქცეული, ზედა მხარეს კი ფერწერული ხატები იქნებოდა,“ - ასე გვიხატავს კანკელის თავდაპირველ განლაგებას აწყურის სარეაბილიტაციო პროექტის ერთ-ერთი რესტავრატორი.



კულტურული მემკვიდრეობის კვლევის სამსახურის უფროსი გიორგი გაგოშიძე ამბობს, რომ ღვთისმშობლის მიძინების ხატი თეძამის ტუფზეა ამოკვეთილი.

"მსგავსი კანკელი არის საფარაში, რომელიც იგივე, მე-11 საუკუნის სტილით არის შექმნილი. დეკორითა და ჩუქურთმების კვეთილობით, ჩვენს კულტურაში ამდაგვარ კანკელებს შორის ეს განსაკუთრებულად მაღალმხატვრული ნაწარმოებია“, - განმარტავს გიორგი გაგოშიძე და ამატებს, რომ აწყურში აღმოჩენილ კანკელს ადგილზე მომავალ კვირას შეისწავლის.

აწყურის სარესტავრაციო პროექტის ხელმძღვანელის, ედიშერ ჯანჯულიას თქმით, ბოლოდროინდელმა აღმოჩენებმა და მათმა სიმრავლემ გადააწყვეტინა, რომ ტაძრის ეზოში მუზეუმი მოეწყოს. ნაპოვნი კანკელიც მუზეუმში განთავსდება: „აქვე განვათავსებთ ყველა მნიშვნელოვან აღმოჩენას. რამდენიმე კვირის წინ აღმოჩენილი ჯვრის ბაზისიც იქ დაიდგმება; გუმბათისთვის კი ასლს დავამზდებთ“.

ამჟამად ღვთისმშობლის სახელობის ტაძრის თაღების სამშენებლო სამუშაოები მიმდინარეობს. მომავალ წელს კი გუმბათის მშენებლობა დაიწყება.

აწყურის ღვთისმშობლის სახელობის ტაძრის მშენებელი კომპანიის – „ივერთმშენის“ დირექტორის ედიშერ ჯანჯულიას განცხადებით, ტაძრის რესტავრაცია 2022 წელს დასრულდება.

'...და ცისფერი ქვა გამოჩნდა' - უნიკალური კანკელის აღმოჩენის დეტალები [ფოტო/ვიდეო]

[ავთო ინასარიძე, ნანა ინასარიძე, ახალციხე]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

აწყურში სავარაუდოდ, მე–11 საუკუნის კანკელი აღმოაჩინეს
აწყურის ტაძრის გუმბათის ჯვრის ბაზისი აღმოაჩინეს
აწყურის ტაძრის რესტავრაცია ორი წლის დაგვიანებით დასრულდება
აწყურის ტაძრის რესტავრაცია [Photo]
ბიძინა ივანიშვილმა აწყურის ტაძრის სარესტავრაციო სამუშაოები დაათვალიერა
აწყურის ტაძრის რეაბილიტაციას ოთხი მილიონი ლარი დაემატება
აწყურის ტაძრის აღდგენა იწყება[Video]