FM97.5 / LIVE

ახალქალაქის საბავშვო ბაღებში ადგილები აღარ არის

მთავარისაზოგადოება » განათლება 18.09.2013
მას შემდეგ რაც საბავშვო ბაღები უფასო გახდა, ახალქალაქის სკოლამდელი აღზრდის დაწესებულებებში მოთხოვნა გაიზარდა, თუმცა, წელს ბაღების გაფართოება არ იგეგმება და არაერთი პატარა ბაღის გარეშე დარჩა.

ახალქალაქის საბავშვო ბაღებში ადგილები აღარ არის
1 სექტემბრიდან ახალქალაქში, ისევე როგორც მთელ საქართველოში, საბავშვო ბაღები უფასო გახდა. ამ ფაქტმა ბაღებზე მოთხოვნა გაზარდა.

ახალქალაქში სამი საბავშვო ბაღი მუშაობს. მესროპ მაშტოცის სახელობის პირველი საბავშვო ბაღის დირექტორის მარგარიტა გალსტიანის თქმით, მათთან ყოველთვის ბევრი ბავშვი დადიოდა, მაგრამ ბოლო დროს მსურველთა რაოდენობამ საგრძნობლად მოიმატა, ადგილის არქონის გამო კი ბევრისთვის უარის თქმა უხდება.

„ყოველდღიურად მაქვს კონფლიქტები მშობლებთან, რომელთათვისაც უარის თქმა მიწევს, ჩემთვის ყველა ბავშვი ერთია, მაგრამ ადგილი რომ არ მაქვს, რა უნდა გავაკეთო. წელს 20 ბავშვის ადგილი მქონდა, ხუთნი წავიდნენ, შემდეგ უკან დაბრუნდნენ და 15 ახალი ბავშვიც მივიღეთ. თითქმის 50 მშობელს უკვე უარი ვუთხარი. აღმზრდელებსაც ძალიან უჭირთ“, - ამბობს იგი.

პირველ საბავშვო ბაღში სამი ჯგუფი მუშაობს, ორი უფროსი და ერთი მცირე ასაკის ბავშვებისთვის. თითოეულ ჯგუფში 35-40 ბავშვია. დირექტორის თქმით, ოთახებში უფრო მეტი ბავშვი ზის, ვიდრე მათ უნდა მიეღოთ. ამიტომაც მეტი ბავშვის მიღების საშუალება აღარ აქვთ.

ეს საბავშვო ბაღი ქალაქის ცენტრში მდებარეობს და მისი გაფართოება შეუძლებელია.

მეორე საბავშვო ბაღში ოთხი ჯგუფი მუშაობს. ერთი ქართულენოვანი და სამი სომხურენოვანი, საიდანაც, ორი ჯგუფი უფროსებისთვისაა, ერთი კი პატარებისთვის.

ბაღის დირექტორის მარინა ასლანიანის თქმით, თითოეულ ჯგუფში 28-30 ბავშვი უნდა იყოს, თუმცა მათთან ჯგუფებში 40 პატარა ზის.

„მეტი საშუალება აღარ არის. ახლა ვინც მომმართავს, ვეღარ ვიღებ. მაგიდებიც არ არის საკმარისი. ყველა ჯგუფში 6-7 მაგიდა ისედაც დავამატეთ. მეტი ოთახი არ გვაქვს. 50-60 მშობელს უკვე ვუთხარი უარი. თუ შესაძლებელობა იქნება, მომავალი წლისთვის კიდევ ერთ ოთახს გავარემონტებთ და შესაძლოა კიდევ ერთი ჯგუფი დავამატოთ“, - ამბობს ასლანიანი.

ახალქალაქის საბავშვო ბაღებში ბევრი ბავშვი ახლომდებარე სოფლებიდან დადის. თუმცა დირექტორის თქმით, ისინი პირველ რიგში ქალაქში მცხოვრებ, სოციალურად დაუცველი ოჯახებისა და დასაქმებული მშობლების შვილებს იღებენ.

ამ საბავშვო ბაღში, ნორმის მიხედვით, 120 ბავშვი უნდა დადიოდეს, თუმცა ამ ეტაპზე მათი რიცხვი 150-ია. ბაღის დირექტორის თქმით, მათ შენობას გაფართოების საშუალება აქვთ და თუ მომავალ წელს რემონტის გაკეთებას შეძლებენ, ერთი ჯგუფისთვის ოთახსაც დაიმატებენ.

მესამე საბავშვო ბაღში სამი ჯგუფი მუშაობს და დამატებითი ოთახიც რემონტშია.

ახალქალაქის მუნიციპალიტეტის კულტურის, სპორტისა და განათლების სამსახურის სპეციალისტი გოარ ხაჩატრიანი არ გამორიცხავს, რომ ბაღების გადასახადის გაუქმებამ საბავშვო ბაღში ბავშვის შეყვანის მსურველი მშობლების რიცხვი მართლაც გაზარდოს.

„მესამე ბაღში კიდევ ერთი ჯგუფი ალბათ ოქტომბრის ბოლოს გაიხსნება. ახლა იქ სარემონტო სამუშაოები მიმდინარეობს. მეორე საბავშვო ბაღზე კი შემიძლია გითხრათ, რომ შენობა მართლაც ტიპურია და გაფართოების საშუალება აქვთ, თუმცა არ არის ფინანსები. თუ იქნება, რასაკვირველია გავარემონტებთ და დამატებით ჯგუფსაც გავხსნით“, - ამბობს გოარ ხაჩატრიანი.

[შუშან შირინიანი, ახალქალაქი]


08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

07.07.2020 ახალციხის მერია შშმ პირს საცხოვრებელ კორპუსში ლიფტის დამონტაჟებას 4 წელია პირდება

07.07.2020 კაცს, რომელმაც სოფელ კლდეში დამწვრობა მიიღო, ოპერაციას გაუკეთებენ

07.07.2020 ახალციხეში 29 წლის მანანა მჭედლიძეს სასწრაფო ოპერაციისთვის თანხა სჭირდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ვაჩიანის საბავშვო ბაღს გაფართოება სჭირდება
ახალქალაქში საბავშვო ბაღებზე დიდი მოთხოვნაა
ახალქალაქის საბავშვო ბაღებში ვაკანტური ადგილებია
ახალციხის საბავშვო ბაღებში სწავლა დაიწყო
რატომ არ ჰყავთ  ლოგოპედი  საბავშვო ბაღებში
ახალქალაქის სოფლებში ბაღის აღსაზრდელებს ტრანსპორტი მოემსახურება
დღის კითხვა: უნდა დასაჯონ თუ არა ბავშვი საბავშვო ბაღში? [Video]