FM97.5 / LIVE

ქმარზე ძალადობისთვის ქალს განაჩენი გამოუტანეს

მთავარისიახლე, სამართალი 09.07.2019
ახალქალაქის სასამართლომ, ქმარზე ძალადობისთვის ქალი დამნაშავედ ცნო და მის მიმართ გამამტყუნებელი განაჩენი გამოიტანა. მსჯავრდებული სასამართლოს გადაწყვეტილების გასაჩივრებას აპირებს.

ქმარზე ძალადობისთვის ქალს განაჩენი გამოუტანეს

საბოლოო განაჩენი საქმეზე, რომელიც ცოლის მხრიდან ქმრის მიმართ განხორციელებულ ძალადობას შეეხებოდა, ახალქალაქის რაიონულმა სასამართლომ რვა ივლისს გამოიტანა. მოსამართლემ ქალი დამნაშავედ ცნო და მას 300 საათის განმავლობაში საზოგადოებისთვის სასარგებლო შრომა შეეფარდა, რაც იმას ნიშნავს, რომ მსჯავრდებულმა ს.თ-მ სახელმწიფოს სასარგებლოდ, ანაზღაურების გარეშე უნდა იმუშაოს.

დაცვის მხარე სასამართლოს გადაწყვეტილების გასაჩივრებას აპირებს: „სასამართლომ განაჩენი გუშინ გამოიტანა. არ ვეთანხმებით ამ გადაწყვეტილებას და, რა თქმა უნდა, გასაჩივრებას ვაპირებთ, დაახლოებით ერთთვიანი ვადა გვაქვს“, - ამბობს მსჯავრდებულის ადვოკატი პაატა მანველიშვილი.

ნინოწმინდელი ცოლ-ქმრის სასამართლო პროცესები, ახალქალაქის რაიონულ სასამართლოში, რამდენიმე თვის განმავლობაში მიმდინარეობდა.

ქმარი ამბობდა, რომ 30–წლიანი თანაცხოვრების განმავლობაში, ცოლი სისტემატურად სიტყვერ შეურაცხყოფას აყენებდა, რის გამოც, იძულებული იყო ღამე ხან ქუჩაში გაეთენებინა, ხან კი მეზობლებთან.

52 წლის ქალი კი ამტკიცებდა, რომ ქმარი აქეთ ემუქრებოდა და ცივი იარაღის გამოყენებით ცდილობდა მასზე ზეწოლის მოხდენას.

შინაგან საქმეთა სამინისტროს ინფორმაციით, 2018 წლის 15 მარტს პოლიციას ქალი დაუკავშირდა და ქმარი ძალადობაში დაადანაშაულა, თუმცა, გამოძიებისას, დადგინდა, რომ ძალადობის მსხვერპლი კაცი იყო. ამიტომ ბრალი ქალს წარედგინა.

საქმეს შინაგან საქმეთა სამინისტრო სისხლის სამართლის კოდექსის 126-ე მუხლით იძიებდა, რაც ძალადობას გულისხმობს.

[თაკო ფეიქრიშვილი, ახალქალაქი]


15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

13.01.2020 რომელი ფაკულტეტები იქნება უფასო სამცხე-ჯავახეთის უნივერსიტეტში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.01.2020 სამცხე–ჯავახეთში გაზრდილი პენსია 30 223 ასაკით პენსიონერმა აიღო

16.01.2020 შშმ პირთა ღონისძიება ‘ტალიტა კუმში’

16.01.2020 დავით სერგეენკოს განცხადება c ჰეპატიტის ვადაგასულ წამლებთან დაკავშირებით

16.01.2020 NDI – წინა წლებთან შედარებით ეკლესიის რეიტინგი მკვეთრად შემცირდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ქმარზე ძალადობისთვის ქალი პასუხისგებაში მისცეს
მეზობელი მამაკაცის ცემაში ბრალდებულ 68 წლის ქალს განაჩენი გამოუტანეს
16 წლის გოგონას საქმეზე სასამართლომ გამამტყუნებელი განაჩენი გამოიტანა
ზანავის ჩხუბის საქმეზე სასამართლომ გამამტყუნებელი განაჩენი გამოიტანა
ცოლის დაჭრაში მსჯავრდებულის განაჩენი სააპელაციოში გაასაჩივრეს
ქალი, რომელიც ქმარმა დაჭრა, ამბობს, რომ ეს ძალადობის პირველი შემთხვევა არ იყო
რვა ქუჩის მოასფალტების საქმეზე თამაზ პეტაშვილს განაჩენი გამოუტანეს