FM97.5 / LIVE

'ძაღლებს სცემენ და მეც მომიძულეს' - ქუჩის ძაღლების გულშემატკივარი

მთავარისიახლე, საზოგადოება 09.07.2019
ახალციხეში, მარდის დასახლებაში მცხოვრები მთვარისა აჯაფხანიანი ამბობს, რომ უპატრონო ცხოველების გამოკვების გამო, მეზობლების მხრიდან ზეწოლას განიცდის.

'ძაღლებს სცემენ და მეც მომიძულეს' - ქუჩის ძაღლების გულშემატკივარი

„მეჩხუბებიან, ძაღლები მოაშორე აქედანო. მე სახლში არ მყავს ეს ძაღლები. უბრალოდ, როცა ვჭამ, მახსენდებიან, რომ ქუჩაში მშივრები არიან. თუ არ ვაჭამე, სხვანაირად ლუკმა არ გადამდის“ – ამბობს მთვარისა აჯაფხანიანი.

იგი მარდის დასახლებაში, ვაჟა ფშაველას ქუჩაზე ცხოვრობს. ძაღლები, რომლებსაც საკუთარი პენსიის ფულით კვებავს, მის სახლთან ხშირად იკრიბებიან.

მთვარისა ამბობს, რომ მისი ქმედება გამვლელებში აგრესიას იწვევს და ხშირად არც სიტყვიერ შეურაცხყოფას ერიდებიან.

„ჩემი სახლის მოპირდაპირე მხარეს მაღაზიაა. მაღაზიაში ხშირად ბავშვები მოდიან, ზოგს ეშინია, ზოგი კი ფეხებს ურტყამს. არ იციან, როგორ უნდა მოექცნენ და ფიქრობენ, რომ ძაღლი უკბენთ. იქამდე მიმიყვანეს, რომ იურისტთან გავარკვიე, მქონდა თუ არა ძაღლების გამოკვების უფლება. მითხრეს, რომ უკანონოს არაფერს ჩავდიოდი“, – ამბობს მთვარისა.

ადგილობრივებს მათ ქუჩაზე მომრავლებული ცხოველები ნამდვილად არ მოსწონთ, თუმცა იმ ფაქტს, რომ მთვარისა აჯაფხანიანს ვინმე შეურაცხყოფას აყენებს კატეგორიულად უარყოფენ.

„რვა წლის ბავშვი მაღაზიაში გავგზავნეთ და ძაღლმა ყეფით შეაშინა. ჩვენ გვინდა, რომ ეს ძაღლები აქ აღარ იყვნენ“, - გვითხრა რუბიკ გასპარიანმა.

„ჩემი სახლის კიბეებს სვრიან, მაღაზიაში და ქუჩაზე ვინც მოძრაობს, მათაც უღრენენ ხოლმე და ხალხიც ბრაზდება,“ - გვითხრა მთვარისას ერთ-ერთმა კარის მეზობელმა, რომელმაც სახელის გამხელა არ ისურვა.

მიუსაფარ ცხოველთა თავშესაფარი ახალციხეში, სოფელ ფარეხის ტერიტორიაზე, მიმდინარე წელს აშენდება, სადაც ცხოველებს უმკურნალებენ, ჩაუტარებენ აცრებს და გაუკეთდებათ სტერილიზაცია/კასტრაცია, რის შემდეგაც ისევ ქუჩაში დააბრუნებენ.

„აჭამონ ძაღლებს და აღარ იქნებიან აგრესიული. ბავშვებს უნდა ასწავლონ ცხოველის მოვლა, ეს სხვა ბევრ პრობლემასაც მოაგვარებს, რადგან ცხოველები ადამიანებს აკეთილშობილებენ“, – ამბობს მთვარისა აჯაფხანიანი.

[ავთო ინასარიძე, ახალციხე]


22.01.2020 სამცხე-ჯავახეთის საჯარო სკოლებში 39 ვაკანტური ადგილია

20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.01.2020 მესხეთის ქუჩიდან სამშენებლო ნარჩენები გაიტანეს

24.01.2020 25 იანვრიდან საქართველოში უნალექო ამინდი იქნება

24.01.2020 თოვლის გამო ბორჯომში მოძრაობა შეფერხებულია

23.01.2020 საშიში სამშენებლო ნარჩენები მესხეთის ქუჩაზე [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

მსგავს თემაზე

'მინდა ისეთი სიყვარული შემეძლოს, როგორიც ცხოველებს შეუძლიათ' – ცხოველთა მოყვარულები [ფოტო/ვიდეო]
ქუჩის და სახლის – ჩვენი ქალაქის ძაღლები [ფოტო]
ქუჩაში გაყრილი ძაღლები - ვის ეკისრება პასუხისმგებლობა?
თავშესაფრის აშენებამდე მიუსაფარ ძაღლებს სტერილიზაცია–კასტრაციას უტარებენ
ძაღლები ახალციხის მეხუთე სკოლასთან [ფოტო]
ახალციხეში მიუსაფარ ძაღლებს სტერილიზაცია-კასტრაციას უტარებენ
ტურისტები ახალციხის ციხეზე მიუსაფარ ძაღლებთან ერთად [ფოტო/ვიდეო]