FM97.5 / LIVE

გარე ვაჭრობა – რა საფრთხის წინაშე არიან ახალციხელები?

მთავარისიახლე, საზოგადოება 03.07.2019
ახალციხეში, ძველი და ახალი ბაზრის მიმდებარედ, მალფუჭებადი პროდუქტები ღია ცის ქვეშ, მზის გულზე იყიდება. გარემოვაჭრეების პროდუქტების ხარისხის შესამოწმებლად კი, საკანონმდებლო რეგულაციები არ არსებობს.

გარე ვაჭრობა – რა საფრთხის წინაშე არიან ახალციხელები?

გულო გელაშვილს რძის პროდუქტები სავაჭრო ცენტრ „ახალციხეს“ ეზოში, შენობის წინ, ხის დახლზე აქვს დაწყობილი. ზაფხულის ცხელი მზისგან ყველს მხოლოდ ქოლგა იცავს.

„მზეზე დიდი ხანი არ ვტოვებთ, ქოლგის ქვეშაა და ვარიდებთ სიცხეს. დიდი ხანი არც ჩვენ არ ვართ, პირველ–ორ საათზე უკვე მივიდივართ“, – ამბობს გულო, რომელიცთამარაშვილის ქუჩაზე მდებარე სავაჭრო ცენტრის წინ, რამდენიმე წელია ვაჭრობს.

გულოს მსგავსად მალფუჭებად პროდუქტებს ქუჩაში ყიდიან სხვა მოვაჭრეებიც. ღია ცის ქვეშ იყიდება ხილი, ყველი, რძე, კვერცხი და სხვა პროდუქტი.

ახალციხის ბაზრის შენობაში, დახლების ნაწილი თავისუფალია, სადაც გამყიდველებს შეუძლიათ პროდუქცია გრილ და შესაბამისი წესების დაცვით, დახლებზე დააწყონ და ისე გაყიდონ, თუმცა ამაზე უარს ამბობენ.

„გარეთ უფრო იყიდება, ვიდრე შენობაში, ამიტომ ავირჩიეთ ბაზრის ეზო, თორემ შენობაშიც და ეზოშიც იგივე გადასახადია – ორი ლარი“, – აცხადებენ მოვაჭრეები.

მომხმარებლების ნაწილი მიიჩნევს, რომ გარეთ მალფუჭებადი პროდუქტების ყიდვა სახიფათოა. ნაწილი კი ქუჩაში ნაყიდი პროდუქტის ყოველდღიური მომხმარებელია.

„ამათგან რა ყველი უნდა ვიყიდო, ღორსაც არ შევაჭმევ, ისეთ მდგომარეობაშია“, – ამბობს ვაჟა მერაბიშვილი, რომელიც პროდუქტებს ყოველთვის ბაზრის შენობაში ყიდულობს.

ბაზრის ეზოში ყიდულობს რძის პროდუქტს ახალციხელი ბადრი პაპიძე: „ვენდობი, ვისგანაც ვყიდულობ და მჯერა, რომ ცუდს არ მომყიდის“.
ახალციხის ბაზრის ადმინისტრაცია გვიხსნის, რომ შესაბამისი რეგულაციების არარსებობის გამო, გარე მოვაჭრეების კონტროლს ვერ ახერხებენ.

„პროდუქციის ხარისხს, ბაზრის შიდა ტერიტორიაზე ექიმი აკონტროლებს, ბაზრის ეზოში კი, ვისაც სურვილი აქვს, მხოლოდ მათი პროდუქცია მოწმდება. ექიმი ყოველდღე არალაბორატორიულად ამოწმებს ყველისა და რძის პროდუქტებს, ასევე ზედაპირულად მოწმდება ხორცპროდუქტებიც. თითქმის ყოველ თვე შემოდის სურსათის ეროვნული სააგენტო ბაზრის ტერიტორიაზე, მაგრამ მას არ აქვს უფლებამოსილება, დააჯარიმოს გარე მოვაჭრეები ან აუკრძალოს მათ პროდუქციის გაყიდვა“, – განმარტავს ვახტანგ ქართველიშვილი.

მისი თქმით, რძის პროდუქტებით მოვაჭრეებისთვის, რომლებიც ბაზრის შენობის გარეთ ვაჭრობენ, ერთი ოთახია გამოყოფილი, სადაც ნაწარმს ინახავენ.

ახალციხის მუნიციპალიტეტის მერიაში აცხადებენ, რომ „გარე ვაჭრობას არეგულირებს მერია, თუმცა პროდუქტზე კონტროლი მერიის კომპეტენცია არ არის“.

სურსათის ეროვნული სააგენტო რეკომენადიებით მიმართავს მოსახლეობას იმისთვის, თუ როგორ შეამოწმოს მომხმარებელმა პროდუქტის ვარგისიანობა.

„სურსათის ეროვნული სააგენტო აკონტოროლებს რეგისტრირებულ ბიზნესოპერატორებს. გარე ვაჭრობა – ეს არის ისედაც აკრძალული საქმინობა და დაუშვებელია მაღალი რისკის სურსათის შეძენა ისეთ ადგილებში, სადაც არ არის დაცული შენახვის და რეალიზაციის პირობები,“ – გვითხრეს სურსათის ეროვნულ სააგენტოში.

ვახტანგ ქართველიშვილის განმარტებით, სამომავლოდ, ახალციხის ბაზრის ტერიტორიაზე შენდება შენობა, რომელიც დაიყოფა სექციებად და განკუთვნილი იქნება რძის, ხილის, ბოსტნეულის, ხორცისა და სხვა პროდუქციისათვის.

ბაზრის შენობის გარეთ მოვაჭრეები ახალი შენობის დასრულებას ელოდებიან, რათა იქ გადავიდნენ და გარეთ აღარ მოუწიოთ პროდუქციის გაყიდვა: „ახალ შენობაში რძის პროდუქტები ერთ სივრცეში იქნება და ეს უფრო მოსახერხებელია“.

ახალციხის ბაზრის დირექტორის ვახტანგ ქართველიშვილის განცხადებით, „2020 წლიდან ძალაში შევა რეგულაციები, რითაც საკანონმდებლო ჩარჩოში მოექცევა ყველა მოვაჭრე. ეს კი ვითარებას მნიშვნელოვნად გამოასწორებს“.

გარე ვაჭრობა – რა საფრთხის წინაშე არიან ახალციხელები?

[თორნიკე ზაზაძე, ახალციხე]


18.09.2019 ლევან ბერძენიშვილი ახალციხეში საჯარო ლექციას გამართავს

18.09.2019 ახალქალაქის სკოლებში ოთხ მანდატურს დაამატებენ

17.09.2019 წითელი ყელსახვევების საქმეზე აუდიტმა დასკვნა დადო, თუმცა სკოლებისთვის ცნობილი არ არის

16.09.2019 ‘თავისუფლებაზე ორიენტირებული სწავლება’ - ახალი სკოლის მოდელი

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.09.2019 დღეს მესხეთის თეატრში წარმოდგენას მარჯანიშვილის თეატრი გამართავს

19.09.2019 ახალციხის ცენტრში ნაცემ ქალს ტვინის შერყევა აქვს

19.09.2019 ახალციხეში სოციალურად დაუცველ ოჯახს ადგილობრივები დაეხმარნენ

18.09.2019 ნაცემ ქალს გამოკვლევები უტარდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

19.09.2019 მზეთამზიელი გულნაზი

17.09.2019 სოფელი გულსუნდა – 'წინ კლდეები, უკან მტკვარი' [ფოტო]

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

მსგავს თემაზე

რა პირობით იყიდება რძის პროდუქტები ახალციხის ბაზარში
მოვაჭრეები ძველ ბაზარში აპირებენ დაბრუნებას
სურსათის ეროვნული სააგენტო მოსახლეობას აფრთხილებს
აღდგომის დღესასწაულთან დაკავშირებით სურსათის ეროვნული სააგენტო მოსახლეობას აფრთხილებს
ახალციხის ბაზრის დირექცია ბრძანების დაუმორჩილებლობისთვის ათასი ლარით დაჯარიმდა
სურსათის სააგენტო მოსახლეობას აფრთხილებს
ახალციხეში წინასაახალწლო ვაჭრობა პიკს აღწევს