FM97.5 / LIVE

ერთწლიანი პატიმრობა ძმის მკვლელობისთვის

მთავარისიახლე, სამართალი 02.07.2019
ბაკურიანში, ძმის მკვლელობაში ბრალდებულ 20 წლის კაცს, მოსამართლე გია ბერაიამ ერთი წლით პატიმრობა მიუსაჯა.

ერთწლიანი პატიმრობა ძმის მკვლელობისთვის

პროცესი დღეს, ორ ივლისს, 14:00 საათზე ახალციხის რაიონულ სასამართლოში გაიმართა. ბრალდებულ ი.ბ.-ს ერთი წლით პატიმრობა მიესაჯა.

სხდომაზე ბრალდებისა და დაცვის მხარეებმა შესავალი და დასკვნითი სიტყვები წარმოთქვეს.

„უნდა გავითვალისწინოთ პიროვნება, მის მიერ ჩადენილი ქმედებიდან გამომდინარე. მან გარდაცვლილს, საკუთარ ძმას მიაყენა 21 ჭრილობა, აქედან ოთხი სასიკვდილო აღმოჩნდა. მოკლულის მამაც ითხოვს ბრალდებულის დასჯას. გთხოვთ, შესაბამისი სასჯელი გამოიყენოთ, ჩვენ გამამტყუნებელს ვითხოვთ“, – აღნიშნა პროკურორმა მამუკა ქომოშვილმა.

ამასთან ერთად, პროკურორმა მოსამართლეს შუამდგომლობით მიმართა და წარმოუდგინა ბრალდებულის სისხლის ქიმიურ–ტოქსიკოლოგიური ანალიზის დასკვნა, რომლის მიხედვითაც, სისხლში ი.ბ–ს ნარკოტიკული საშუალება აღმოაჩნდა. პროკურორმა, ამ დოკუმენტის მტკიცებულებათა ნუსხაზე დართვა მოითხოვა.

მოსამართლემ შუამდგომლობა დააკმაყოფილა. რა დროსაც, ბრალდებულმა განაცხადა, რომ მას მსუბუქი ნარკოტიკული საშუალება მკვლელობის დღეს არ ჰქონდა მიღებული.

„შეიძლება ერთი კვირის წინ მოვწიე და სისხლში მაინც დარჩა რამე, იმ დღეს არაფერი მქონდა მიღებული“, – განაცხადა ბრალდებულმა.

ადვოკატმა ნუგზარ სამარჯიშვილმა კი მოსამართლეს სთხოვა, ბრალდებულის წარსული გაეთვალისწინებინა. „მას ყველა დადებითად ახასიათებს, მანამდე პოლიციასთან პრობლემა არ ჰქონია, 150–ზე მეტი ადამიანი ხელს აწერს მის კარგ დახასიათებას. გარდა ამისა, მან სრულიად დაუფარავად ითანამშრომლა გამოძიებასთან. ამ ყველა მიზეზის გათვალისწინებით, გთხოვთ, შეუმსუბუქოთ სასჯელი“, – თქვა სამარჯიშვილმა.

მოსამართლემ გაითვალისწინა საქმეში არსებული ყველა შემამსუბუქებელი გარემოება და ძმის მკვლელობაში ბრალდებულს მხოლოდ ერთი წლით პატიმრობა მიუსაჯა.

ბაკურიანში მკვლელობა ექვს მარტს, საღამოს მოხდა. 29 წლის კაცი ცივი იარაღით ძმის მიერ მიყენებული ჭრილობების შედეგად გარდაიცვალა. სამართალდამცველებმა 20 წლის კაცი ცხელ კვალზე, ექვს მარტს დააკავეს.

მუხლის გადაკვალიფიცირების შემდეგ, საქმეზე გამოძიება სსკ–ს 111-ე მუხლის პირველი ნაწილით მიმდინარეობდა, რაც გულისხმობს განზრახ მკვლელობას უეცარი, ძლიერი სულიერი აღელვების მდგომარეობაში.

[მარიამ ბარძიმაძე, ახალციხე]


12.07.2019 კომპეტენციის დადასტურების გამოცდაზე 74 პედაგოგი არ გამოცხადდა

11.07.2019 აბიტურიენტები ბიოლოგიის გამოცდას აბარებენ

11.07.2019 კიკიბოს სკოლას მომავალ წელსაც ერთი მოსწავლე ეყოლება

11.07.2019 პროფესიული უნარების გამოცდაზე ახალციხეში 156 პედაგოგი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.07.2019 'კორხის ეკლესიას ფიზიკური დაცვა სჭირდება' – იურისტი უნებართვო მშენებლობაზე

12.07.2019 ახალქალაქში გაფიცულმა მუშებმა ოთხის ნაცვლად ერთი თვის ხელფასი მიიღეს

12.07.2019 ნეოლითიდან შუა საუკუნეებამდე - არქეოლოგიური ექსპედიცია და სტუდენტების მოგზაურობა დროში

12.07.2019 როგორი ამინდი იქნება 12-15 ივლისს სამცხე–ჯავახეთში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

ძმის მკვლელობაში ბრალდებულმა მოსამართლეს პატიმრობის შეფარდება სთხოვა
ახალი დეტალები ბაკურიანში ძმის მკვლელობის საქმეზე
ცოლის დაჭრაში ბრალდებულს ორი წლით თავისუფლების აღკვეთა მიესაჯა
ასპინძაში ცოლის მკვლელობაში ბრალდებულს აღკვეთის ღონისძიებად  პატიმრობა შეუფარდეს
ასპინძაში მომხდარ მკვლელობაში ბრალდებულს პატიმრობა შეეფარდა
ნიალაში 47 წლის კაცის მკვლელობის საქმის განხილვა დაიწყო
ცოლის მკვლელობაში ბრალდებულს 17–წლიანი პატიმრობა მიუსაჯეს