FM97.5 / LIVE

'გახარია უნდა გადადგეს' - სამცხე-ჯავახეთის სტუდენტები თბილისის აქციებს აფასებენ

მთავარისიახლე, პოლიტიკა 24.06.2019
20 ივნისიდან შინაგან საქმეთა მინისტრის გადადგომისა და არჩევნების პროპორციული წესით დანიშვნის მოთხოვით, თბილისში აქციები იმართება. სამცხე-ჯავახეთის უნივერსიტეტის სტუდენტები დედაქალაქში განვითარებულ მოვლენებს აფასებენ და ამბობენ, რომ დემონსტრანტების მოთხოვნებს იზიარებენ.

'გახარია უნდა გადადგეს' - სამცხე-ჯავახეთის სტუდენტები თბილისის აქციებს აფასებენ

“არ უნდა დაგვავიწყდეს, რომ რუსეთი ოკუპანტია, აქციაზე აუცილებლად გავიდოდი და გავაპროტესტებდი მომხდარს, მაგრამ იმ ოპოზიციური პარტიების გვერდით არ დავდგებოდი, რომლებიც უარესს უკეთებდნენ ხალხს წლების წინ,“- ამბობს სამცხე-ჯავახეთის უნივერსიტეტის მესამე კურსის სტუდენტი ნიკა ტაბატაძე.

მისივე თქმით, პროპორციული წესით არჩევნები მისასალმებელია, თუმცა ბარიერის გაუქმება არ მოსწონს: „0%-იანს 1.5 ან 2 პროცენტი სჯობს. ასე შეიძლება მმართველმა გუნდმა თითო-თითოდ შეიყვანოს თავის დეპუტატები. პირადად მე, ისევ მოვითხოვ, რომ გახარია გადადგეს, როგორც იმ ღამის ავტორი და უნდა აიღოს პოლიტიკური პასუხისმგებლობა“.

დემონსტრანტების მოთხოვნებს ჰუმანიტარული ფაკულტეტის სტუდენტი მიშო დარბაიძეც იზიარებს: „აქ [ახალციხეში] ვმუშაობ და ვსწავლობ, თორემ აქციაზე აუცილებლად ვიქნებოდი. ვთანხმდებით, რომ მთავრობა უნდა შეიცვალოს, თუმცა, ამ ეტაპზე რაც უნდა მოხდეს, ეს გახარიას გადადგომაა, რადგან მის კისერზეა ამდენი დაშავებული ადამიანი“.

ქუჩის საპროტესტო აქციები მისაღებია სამცხე-ჯავახეთის უნივერსიტეტის თვითმმართველობის პრეზიდენტის მირზა ბურძენიძისთვისაც: „მე აუცილებლად წავიდოდი იმ აქციაზე, რომელიც აპარტიული ადამიანების ორგანიზებით იმართება. რუსეთი არის ოკუპანტი და მსგავსი ქმედებები მიუღებელია“.

სტუდენტებს ვკითხეთ, აპირებენ თუ არა საპროტესტო აქციის ახალციხეში გამართვას: „ეს კი არა, საერთოდ, ახალციხეში აქცია გინახავთ? ვფიქრობ, აქ ახალგაზრდებს პოლიტიკური საკითხები არ აინტერესებთ“, - გვითხრა ნიკა ტაბატაძემ.

„მეც და ჩემს კურსელებსაც თბილისში გვინდოდა წასვლა, თუმცა აქციის ახალციხეში გამართვაზე ლაპარაკი არ ყოფილა, ვფიქრობ ამის მიზეზი ისაა, რომ ჩვენთან ხმის ამოღება და მსგავსი რამის თავის თავზე აღება არავის უნდა,“ - ამბობს იურიდიული ფაკულტეტის სტუდენტი ხატია ქველაძე.

პარლამენტთან მიმდინარე აქციების ორგანიზატორებს რამდენიმე მოთხოვნა აქვთ:

გათავისუფლდეს ყველა, ვინც სამართალდამცველებმა 20 ივნისს, საპროტესტო აქციის დარბევის პროცესში და შემდეგ დააკავეს;
დაისაჯოს ყველა სამართალდამცველი, ვინც ძალადობით გამოირჩეოდა აქციის დარბევისას;

არჩევნები ჩატარდეს პროპორციული სისტემით-ეს უკანასკნელი მოთხოვნა რამდენიმე წუთის წინ დაკმაყოფილდა, ბიძინა ივანიშვილის განცხადებით, 2020 წლის არჩევნები პროპორციული წესითა და 0%-იანი ბარიერით გაიმართება.

კახა კალაძის თქმით კი, პოლიტიკური საბჭოს სხდომაზე გახარიას გადადგომაზე არ უსაუბრიათ.

[ავთო ინასარიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.11.2019 ‘მე ვირჩევ თანასწორობას’ - საინფორმაციო კამპანია სამცხე-ჯავახეთში

20.11.2019 ბაღინაშვილის ქუჩის მოსახლეობა გზის რეაბილიტაციას ითხოვს

20.11.2019 ჯავახეთის დაცულ ტერიტორიებს ორი ახალი კოტეჯი დაემატა

20.11.2019 ახალციხის მერია საახალწლოდ ტკბილეულს შეიძენს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

სამედიცინო უნივერსიტეტის სტუდენტები აქციაზე პირველადი დახმარების აღჭურვილობით მივიდნენ
კალაძე: გახარიას გადადგომაზე საუბარი არ ყოფილა
ბიძინა ივანიშვილი - 2020 წელს არჩევნები პროპორციული წესით ჩატარდება
აქციის ორგანიზატორებმა გახარიას გადასადგომად ვადა, ორ საათამდე მისცეს
აქციაზე გიგი უგულავას ბოთლები ესროლეს
თბილისში პარლამენტთან საავტომობილო მოძრაობა აღდგენილია
რუსთაველის გამზირზე საპროტესტო აქცია განახლდა