FM97.5 / LIVE

არაქართულენოვანი სკოლების დირექტორები გამოცდების არათანაბარ პირობებზე საუბრობენ

მთავარისაზოგადოება » განათლება 13.09.2013
ახალციხის მუნიციპალიტეტის არაქართულენოვანი სკოლების დირექტორებმა საჯარო სკოლის დირექტორების შესარჩევი კონკურსის პირველ ეტაპი ვერ გადალახეს. კანდიდატები ენის ბარიერზე საუბრობენ და ფიქრობენ, რომ არაქართულენოვანი დირექტორებისთვის გამოცდა ცალკე, მშობლიურ ენაზე უნდა ტარდებოდეს

არაქართულენოვანი სკოლების დირექტორები გამოცდების არათანაბარ პირობებზე საუბრობენ
ახალციხის მუნიციპალიტეტში არსებული 38 სკოლიდან, გამოცდაზე ოთხი სკოლის გარდა ყველა სკოლის დირექტორი გავიდა, თუმცა მათგან გამოცდა მხოლოდ რვამ ჩააბარა.

ამ რიცხვში ვერ მოხვდნენ არაქართულენოვანი სკოლების დირექტორები. მუნიციპალიტეტის მასშტაბით არსებული 14 არაქართულენოვანი სკოლიდან გამოცდაზე ყველა მათგანი გავიდა, თუმცა, 60 პროცენტიანი ბარიერი ვერცერთმა ვერ გადალახა.
დირექტორები ამბობენ, რომ გამოცდა რთული იყო. მათ ქართულ ენაზე ტესტირების ჩაბარება გაუჭირდათ.

გამოცდაზე გასულ დირექტორებს შორის ერთ-ერთი მესამე საჯარო სკოლის დირექტორი სვეტლანა არუთუნიანია.

„100 პროცენტით უნდა გცოდნოდა ქართული, გამოცდა რომ ჩაგებარებინა. გარდა იმისა, რომ ქართულად მიჭირდა წაკითხვა, საკითხებიც რთული იყო. სახლში ლექსიკონის დახმარებით ვმეცადინებოდი, გამოცდაზე კი ამის საშუალება არ გვქონდა“, - ამბობს იგი.

სვეტლანა არუთუნიანი ფიქრობს, რომ საქართველოს განათლების სამინისტრომ არაქართულენოვანი სკოლების პერსონალის მდგომარეობა უნდა გაითვალისწინოს და დირექტორებს საშუალება უნდა ჰქონდეთ გამოცდები მშობლიურ ენაზე ჩააბარონ.
„კარგი იქნება თუ გამოცდები მშობლიურ ენაზე გვექნება. მესმის, რომ საქართველოში ყველამ, განურჩევლად ეროვნებისა, სახელმწიფო ენა უნდა ვიცოდეთ, მაგრამ ჩვენი ასაკის ხალხმა არ იცის კარგად და უკვე ვეღარც ვისწავლით. განათლების სამინისტროს თხოვნით მივმართავთ, რომ ჩვენ და ქართულენოვანი სკოლების დირექტორებს ცალ-ცალკე გვქონდეს გამოცდა“, - ამბობს იგი.

მსგავსი მოსაზრება აქვს ახალციხის მუნიციპალიტეტის სოფელ საძელის საჯარო სკოლის დირექტორა ბაგდასარ ოგანესიანს, რომელმაც გამოცდაზე 39 ქულა აიღო.

„ბევრი უცხო სიტყვა შემხვდა, რომლის მნიშვნელობაც არ ვიცოდი. ჩვენ ქართული სკოლის დირექტორების მსგავსად არ უნდა მოგვეთხოვებოდეს ქართული ენის ცოდნა, ამიტომ განათლების სამინისტრომ გამოცდა ცალკე უნდა დაგვინიშნოს, რა თქმა უნდა, სომხურ ენაზე“,- ამბობს იგი.

სოფელ ნაოხრების საჯარო სკოლის დირექტორმა ვიქტორ მურადიანმა დირექტორების სასერტიფიკაციო გამოცდაში მონაწილეობა გასულ წელსაც მიიღო, თუმცა ბარიერის გადალახვა მაშინაც გაუჭირდა.

„მაშინაც ენის პრობლემა იყო და ახლაც. სანამ ასეთი სიტემა იქნება, ალბათ სერთიფიცირებული დირექტორი ვერასოდეს გავხდები“, - ამბობს იგი.

ახალციხის საგანმანათლებლო რესურსცენტრის მონაცემებით დირექტორობის მსურველთა გამოცდების პირველი ეტაპი წარმატებით 16-მა კანდიდტმა გაიარა.

„მათში არიან ის პირები, რომლებიც არ არიან დირექტორები, მათ უბრალოდ სურვილი აქვთ, რომ ჩააბარონ გამოცდები“,-ამბობს ახალციხის საგანმანათლებლო რესურსცენტრის უფროსის მოვალეობის შემსრულებელი დიანა ინასარიძე.

მათ ვინც ბარიერი ვერ გადალახა, გასაჩივრება ერთი თვის განმავლობაში შეუძლიათ. დიანა ინასარიძის თქმით, ის დირექტორები, რომლებმაც სერთიფიცირება ვერ გაიარეს, ჩვეულებრივად გააგრძელებენ მუშაობას. ჯერ მოვალეობის შემსრულებლად დარჩებიან ის დირექტორებიც, რომლებმაც გამოცდა წარმატებით ჩააბარეს.

„გამოცდის წარმატებით ჩაბარების მიუხედავად, დირექტორები ისევ მოვალეობის შემსრულებლად დარჩებიან, სანამ გასაუბრებას არ გაივლიან. მეორე ეტაპის გავლის შემთხვევაში უკვე სერთიფიცირებული დირექტორები იქნებიან“, - ამბობს დიანა ინასარიძე.
სერთიფიცირების ორივე ეტაპის წარმატებით გავლის შემთხვევაში დირექტორობის მსურველს დირექტორობის უფლების დამადასტურებელი სერთიფიკატი გადაეცემა, რომელიც მას საშუალებას მისცემს მონაწილეობა მიიღოს დირექტორების შესარჩევ კონკურსში.

დირექტორს უფლება ექნება ნებისმიერი სკოლა აირჩიოს, სადაც მას სურს დირექტორობა. ის თავის კანდიდატურას იმავე სკოლის სამეურვეო საბჭოს წარუდგენს, თუ სამეურვეო საბჭომ ვერ აირჩია დირექტორი, მაშინ მას განათლებისა და მეცნიერების მინისტრი ნიშნავს.

[მანანა სარაშვილი, ახალციხე]


20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

19.05.2020 სამცხე-ჯავახეთის უნივერსიტეტში სწავლის საფასურის გადახდის ვადა გახანგრძლივდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.05.2020 საქართველოში კორონავირუსის 2 ახალი შემთხვევა გამოვლინდა, გამოჯანმრთელდა 13 პაციენტი

24.05.2020 მუსლიმები რამადან ბაირამის დღესასწაულს აღნიშნავენ

23.05.2020 სოფელ ორლოვკაში გაყიდული საძოვრების დაბრუნებას ითხოვენ

23.05.2020 მძღოლების ნაწილს მანქანის ტექნიკური ინსპექტირების გავლა ორი თვით გაუხანგრძლივდათ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის არაქართულენოვანი სკოლების დირექტორებმა გამოცდა ვერ ჩააბარეს
სკოლებში გამოსაშვები გამოცდები მიმდინარეობს
საჯარო სკოლის დირექტორები სერტიფიცირების მეორე ეტაპს გაივლიან
ახალციხეში 284 მეთორმეტეკლასელიდან გამოსაშვები გამოცდა 25–მა ვერ ჩააბარა
საჯარო სკოლებში მე–11 კლასის გამოსაშვები გამოცდები დასრულდა
სკოლებში საატესტატო გამოცდები დაიწყო
საჯარო სკოლის დირექტორებისთვის სასერთიფიკაციო გამოცდები ჩატარდება