FM97.5 / LIVE

ტოლოშის მცხოვრებლებს აწყვიტის გზის რეაბილიტაციისას სარწყავი არხი გაუუქმეს

მთავარისიახლე, საზოგადოება 19.06.2019
ასპინძაში, სოფელ ტოლოშში, ხუთამდე ოჯახს, აწყვიტის გზის რეაბილიტაციისას, სარწყავი არხი გაუუქმეს. ერთ–ერთი ადგილობრივი არხის აღდგენას ითხოვს. მშენებელი კომპანია კი საკითხის შესწავლას ჰპირდება.

ტოლოშის მცხოვრებლებს აწყვიტის გზის რეაბილიტაციისას სარწყავი არხი გაუუქმეს

სოფელ ტოლოშის მკვიდრი ელდარ ზაზაძე ამბობს, რომ სარწყავი არხი, რომლითაც 28 წლის განმავლობაში სარგებლობდა, აწყვიტასთან დამაკავშირებელ გზაზე იყო გაყვანილი და მდინარესთან შეერთებული. ამ წყალსადენით კი, კიდევ ოთხი ოჯახი სარგებლობდა.

ზაზაძე ამბობს, რომ რამდენიმე კვირის წინ, აწყვიტის გზაზე დაწყებული სამუშაოების შემდეგ, არხი გაუუქმეს და ნათესებს ვეღარ რწყავს: „მეც და სამეზობლოს, გრუნტი გვქონდა გადაჭრილი და ასე ვსარგებლობდით სარწყავით. ახალ პროექტში არ დაიტანეს არხი და დავრჩით ასე. სხვა ალტერნატივა არ მაქვს, რომ წყალი შევიყვანო. ნათესები მიხმება“.

ელდარ ზაზაძე კომპანიისგან ექვსი მეტრის, 150 მმ–იან მილის მოწყობას ითხოვს: „იმხელა ტერიტორიიაა, რომ ეს მილი საკმარისი იქნება“.

ამ ტერიტორიაზე ადგილობრივებს დაახლოებით 15 –15 მეასედი სათესი ნაკვეთები აქვთ. არხით სარგებლობდა ადგილობრივი ემზარ დავლაშერიძეც.

„ყოველ წელს ამ არხით ვასარწყავიანებ ნაკვეთებს. მითხრეს გააუქმესო, მაგრამ რაც გზის რეაბილიტაცია დაიწყო, მე სოფელში არ ვყოფილვარ და არც არავისთვის მიმიმართავს არხი გაგვიკეთეთო“, – გვეუბნება ემზარ დავლაშერიძე.

აწყვიტისა და ტოლოშის ადმინისტრაციული ერთეულის წარმომადგენლები, „სამხრეთის კარიბჭესთან“ აცხადებენ, რომ, გზის დაპროექტებისას, ადგილზე არ ყოფილან და არც სარწყავი არხის შესახებ იციან რამე.

აწყვიტის გზის სამუშაოებს ტენდერში გამარჯვებული კომპანია შპს „ასტორია“ ახორციელებს. მისი ხელმძღვანელის მალხაზ მანველიშვილის თქმით, საკითხის შესახებ იცის და ადგილზე შეისწავლის.

„მე ადგილობრივებს დავპირდი, რომ ხვალ ავალ, 20 ივნისს და ამ ტერიტორიას ვნახავ. თუ შესაძლებლობა იქნება, გზაზე არხსაც გავიყვანთ და სარწყავი წყალი ექნებათ. როგორც საჭიროა, ისე გავაკეთებთ ყველაფერს“, – ამბობს მალხაზ მანველიშვილი.

აწყვიტაში გზის სარეაბილიტაციო სამუშაოები რამდენიმე კვირის წინ დაიწყო. აქ სამ კილომეტრამდე გზა უნდა მოასფალტდეს. ამ დროისათვის გზის მოხრეშვის სამუშაოები მიმდინარეობს.

ტოლოშის მცხოვრებლებს აწყვიტის გზის რეაბილიტაციისას სარწყავი არხი გაუუქმეს

[ლუბა გიორგაძე, ასპინძა]


10.12.2019 საფეხური: რა იცვლება საჯარო სკოლებში [აუდიო]

10.12.2019 როდის დაიწყება სკოლებში ზამთრის არდადეგები

09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.12.2019 ახალციხეში ადამიანის უფლებათა დაცვის საერთაშორისო დღე აღნიშნეს

10.12.2019 სამცხე–ჯავახეთში უნალექო ამინდია მოსალოდნელი

10.12.2019 როგორ გააფართოეს საბურთალოს სასაფლაო სუს-ის მაღალჩინოსნის სიმამრისთვის

09.12.2019 ფარეხის გზაზე, სადაც ავარიას 5 ადამიანი ემსხვერპლა კამერების დამონტაჟებას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

მსგავს თემაზე

ადიგენის მერია  ჩორჩნის სკოლის ეზოში გამავალ არხს მოაწესრიგებს
ვალეში, დაზიანებული სარწყავი არხის რეაბილიტაცია მომავალ წელს დაიწყება
მირაშხანში გზის რეაბილიტაცია იწყება
ნაქალაქევში გზის რეაბილიტაცია მიმდინარეობს
აგარების მონასტერამდე მისასვლელი გზის მშენებლობა დაიწყო
ორწლიანი ლოდინის შემდეგ კლდეში სარწყავი წყლის სისტემის რეაბილიტაცია სრულდება
ასპინძის  ცენტრალურ გზაზე  სარეაბილიტაციო სამუშაოები მიმდინარეობს