FM97.5 / LIVE

ერთ–ერთი დაკავებული საკრებულოს დეპუტატის შვილია

მთავარისიახლე, სამართალი 13.06.2019
ბორჯომში, ავტოგასამართი სადგურის ძარცვისა და წაღვერთან მოკლული კაცის ავტომობილის დაზიანებისათვის ბრალდებული პირებიდან ერთი, სამცხე–ჯავახეთის ერთ–ერთი მუნიციპალიტეტის საკრებულოს დეპუტატის შვილია.

ერთ–ერთი დაკავებული  საკრებულოს დეპუტატის შვილია

შინაგან საქმეთა სამინისტრომ მკვლელობისა და ძარცვის ბრალდებით სამი პირი დააკავა, საიდანაც ერთი არასრულწლოვანი, 2002 წელს დაბადებული, სამცხე–ჯავახეთის ერთ–ერთი მუნიციპალიტეტის საკრებულოს წევრის შვილია.

„გუშინ დააკავეს და როგორც ვიცი, 178-ე მუხლით აქვს ბრალი წაყენებული. ჩემი შვილი არასრულწლოვანია და ამიტომ ვერაფერს ვერ გეტყვით, ვიდრე გამოძიება არ დასრულდება. რა მოხდა, საერთოდ არ ვიცი“, – გვითხრა საკრებულოს დეპუტატმა.

მკვლელობასა და ძარცვაში ბრალდებული სამივე პირი ბორჯომის მუნიციპალიტეტიდან არის. როგორც „სამხრეთის კარიბჭესთან“ საუბარში ბაკურიანში მერის წარმომადგენელი გოჩა გობრონიძე ამბობს, რაიმე მსგავს ქმედებაში ახალგაზრდები შემჩნეული არ ყოფილან.

„ვიცი ეს ბავშვები, მაგრამ რა გითხრათ, ბაკურიანში არაფერი გაუფუჭებიათ, პოლიციის ან ჩვენი მეთვალყურეობის ქვეშ რომ ყოფილიყვნენ. ჩვეულებრივი ახალგაზრდები არიან. გუშინ რა მოხდა წაღვერთან, მე არაფერი ვიცი“, – ამბობს გოჩა გობრონიძე.

გამოძიებით დადგინდა, რომ გუშინ, 12 ივნისს, გამთენიისას, დაბა წაღვერის მიმდებარედ, 1960 წელს დაბადებულ აკაკი პაპიძეს, ურთიერთშელაპარაკების შემდეგ, რამდენიმე პირმა კუთვნილი ავტომობილი დაუზიანა; ერთ-ერთმა მათგანმა კი თავის არეში სიცოცხლისთვის საშიში ჭრილობა მიაყენა. აკაკი პაპიძე ადგილზე გარდაიცვალა, ხოლო თავდამსხმელები შემთხვევის ადგილიდან მიიმალნენ.

გარდაცვლილი, წარმოშობით, ახალციხის სოფელ თისელიდან არის, თუმცა ბოლო წლებში ბორჯომის გარეუბან არდაგანში ცხოვრობდა და წაღვერის მიმდებარედ ჯიხური ჰქონდა, სადაც ვაჭრობდა.

როგორც შსს–ს განცხადებაშია ნათქვამი, აკაკი პაპიძეზე თავდასხმის შემდეგ, ბრალდებულები მკვლელობის ადგილიდან რამდენიმე კილომეტრის მოშორებით, ავტოგასამართ სადგურში მივიდნენ და ძალადობის მუქარით ოპერატორი გაძარცვეს.

ნ.მ.-ს ბრალად ედება განზრახ მკვლელობა, ხოლო შ.ა. და კ.შ. წინასწარი შეთანხმებით ჯგუფის მიერ ძალადობის გამოყენების მუქარით ჩადენილ ძარცვაში არიან ბრალდებული. დაკავებულები ჩადენილ დანაშაულს აღიარებენ. მომხდარ ფაქტებთან დაკავშირებით დაინიშნა კომპლექსური ექსპერტიზა.

განზრახ მკვლელობის და ძარცვის ფაქტებზე გამოძიება სისხლის სამართლის კოდექსის 178-ე მუხლის მე-3 ნაწილის "ა" და "დ" ქვეპუნქტებით და 108-ე მუხლით მიმდინარეობს.

ჩადენილი დანაშაულები 5-დან 15 წლამდე ვადით თავისუფლების აღკვეთას ითვალისწინებს.

[ლუბა გიორგაძე, ბორჯომი]


17.06.2019 17 ივნისს სკოლებში სამეურვეო საბჭოს არჩევნები გაიმართება

16.06.2019 ახალციხის N1 საბავშვო ბაღს სრული რეაბილიტაცია ჩაუტარდება

13.06.2019 13 ივნისიდან საჯარო სკოლებში პირველკლასელთა საბუთების მიღება დაიწყო

12.06.2019 ახალციხეში საგამოცდო ცენტრი პირველ საჯარო სკოლაში გაიხსნება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.06.2019 როგორი ამინდი იქნება სამცხე–ჯავახეთში ერთი კვირის განმავლობაში

17.06.2019 ახალციხე–ასპინძის მაგისტრალზე, ავარიული მონაკვეთის მიმდებარედ, ალტერნატიული გზა გაკეთდება

17.06.2019 საპენსიო ასაკის პედაგოგებისთვის, ბიუჯეტიდან რამდენიმე ათეული მილიონი ლარი გაიცემა

17.06.2019 'ტურისტებს საკუთარ სახლში ვმასპინძლობთ' - როგორ ჩაერთნენ ახალციხელები ტურიზმში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

შსს–მ წაღვერთან მკვლელობისა და ძარცვის ბრალდებით 3 პირი დააკავა [ვიდეო]
მკვლელობისა და ძარცვის ბრალდებით  დაკავებულებს  აღკვეთის ღონსძიებად პატიმრობა შეეფარდათ
ასპინძაში შსს–მ განზრახ მკვლელობის ბრალდებით ერთი პირი დააკავა
ბაკურიანში 29 წლის კაცი მოკლეს – მკვლელობის ბრალდებით მისი ძმა დააკავეს
შსს–მ სამცხე–ჯავახთში ოჯახში ძალადობის ბრალდებით  სამი პირი დააკავა
ვარკეთილში განზრახ მკვლელობის მცდელობისათვის ბრალდებული ახალციხეში დააკავეს
სამცხე–ჯავახეთში ოჯახში ძალადობისთვის ერთი პირი დააკავეს