FM97.5 / LIVE

‘მომღერლობით ბევრად მეტი შემოსავალი მქონდა’– ზურა ხაჩიძე

მთავარისიახლე, პოლიტიკა 12.06.2019
სამცხე–ჯავახეთის რწმუნებულის ახლად დანიშნული მოადგილე ზურა ხაჩიძე, სამხარეო ადმინისტრაციაში კულტურის, სპორტის, განათლების და ტურიზმის მიმართულებას ჩაიბარებს. მისი თქმით, ერთ–ერთი მთავარი პრიორიტეტი რეგიონის პოპულარიზაცია იქნება.

‘მომღერლობით ბევრად მეტი შემოსავალი მქონდა’– ზურა ხაჩიძე

ზურა ხაჩიძე, სამცხე–ჯავახეთის რწმუნებულის მოადგილის პოსტზე დღეს, 12 ივნისს დაინიშნა.

ხაჩიძის თქმით, ამ პოზიციაზე პირველი შემოთავაზება მთავრობის ადმინისტრაციის რეგიონების ხელმძღვანელისგან სოზარ სუბარისგან მიიღო: „ჩვენ ვისაუბრეთ ამ მიმართულებით, აზრები გავცვალეთ და მითხრა, რას ვფიქრობდი სამცხე–ჯავახეთის რწმუნებულის მოადგილის პოზიციაზე, რაზეც ჩემი თანხმობა მიიღო. ერთი კვირის წინ ბესიკ ამირანაშვილსაც შევხვდი და დღეს უკვე დავინიშნე“.

ხაჩიძე ამბობს, რომ წარმოშობით სამცხე–ჯავახეთიდან, ბორჯომიდან არის და მისი თანხმობაც სწორედ რეგიონის სიყვარულმა განაპირობა: „ეს სამსახური ჩემთვის უდიდესი გამოწვევაა. ჩემი ხელფასი არ ცდება 1 500 ლარს. მომღერლობიდან ბევრად მეტი შემოსავალი მქონდა. ძალიან რთული იყო წამოვსულიყავი, მაგრამ ჩემი რეგიონის სიყვარულმა წამომიყვანა, მინდა რომ ჩემი გამოცდილება აქაურობას მოვახმარო.“

ზურა ხაჩიძე ამბობს, რომ რეგიონის კულტურულ და ტურისტულ პოტენციალს კარგად იცნობს და ფიქრობს, ამ მხრივ სამცხე–ჯავახეთს მეტი პოპულარიზაცია და რეკლამირება სჭირდება.

„იმხელა გამოხმაურება ჰქონდა ჩემს დანიშვნას, ვფიქრობ, რომ ესეც პოპულარიზაციას გაუწევს რეგიონს. ის ტურისტულ–ინფრასტრუქტურული პროექტები, რასაც თითოეულ მუნიციპალიტეტში მერები გეგმავენ, თუ განხორციელდება, მეტი ვიზიტორი ეყოლება რეგიონს. სამცხე–ჯავახეთს დიდი პოტენციალი აქვს, თუმცა ამ ყველაფრის პოპულარიზაცია არ ხდება“, – აცხადებს რწმუნებულის მოადგილე.

ზურა ხაჩიძე არ მალავს, რომ რეგიონში აქტიური კულტურული ცხოვრება არ არის. მისივე თქმით, რეგიონის კულტურულ ცხოვრებასაც კარგად იცნობს. ამიტომ ამ სფეროში 25-წლიან მენეჯერულ გამოცდილებას გამოიყენებს: „რამდენიმე დღის წინ ვეძებდი ინფორმაციას სამცხე–ჯაცვახეთის კულტურული ცხოვრების შესახებ და ძალიან ნაკლები იყო. ბევრი ჩემი მეგობარი, რომელიც ისვენებს ბორჯომში, სამ დღეში ტოვებს აქაურობას. ეს იმიტომ, რომ კულტურული ცხოვრება არ არის აქტიური, ღონისძიებებია ნაკლები“.

ხაჩიძე ამბობს, რომ მიმდინარე წელს რეგიონში ბევრი კულტურული ღონძიება, მათ შორის მუსიკალური ფესტივალები აქვს დაგეგმილი. ამიტომ საკუთარ რესურსებს გამოიყენებს იმისათვის, რომ რეგიონში ნებისმიერი პროექტი გაშუქებული იყოს.

„ამ წლების მანძილზე უამრავი მეგობარი შევიძინე, ტელევიზიები, ჟურნალისტები, სააგენტოები. ვაპირებ ღია ვიყო ჟურნალისტებისთვის. რადგან მათ გარეშე ამ პროექტებს ვერ განვახორციელებთ. ძალიან მნიშვნელოვანია ყველა ამ ინფორმაციის საზოგადოებამდე მიტანა. ამასთანავე, მაქსიმალურად უნდა ჩავრთოთ ეთნიკურად სომხური მოსახლეობა რეგიონის ცხოვრებაში, ის ადამიანები ცოტა მიტოვებულად გრძნობენ თავს“, – ამბობს რწმუნებულის ახალი მოადგილე.

ზურა ხაჩიძის თქმით, რეგიონის კულტურული თუ ტურისტული პოტენციალის შესახებ მეტი ინფორმაცია, 2016 წლის საპარლამენტო არჩევნებზე გაიგო, რადროსაც იგი ბორჯომი–ასპინძის ოლქში კანდიდატი იყო „პატრიოტთა ალიანსიდან“.

2016 წლისაგან განსხვავებით, ახლა ზურა ხაჩიძე „ქართული ოცნების“ შეხედულებებს იზიარებს და ეს 2018 წლის საპრეზიდენტო არჩევნებზე მისი აქტიურობიდანაც ჩანდა: „სალომე ზურაბიშვილთან ერთად, 2007 წლიდან, ყველა მიტინგზე ვიდექი და, როგორც პრეზიდენტობის კანდიდატს, ჩემი მხარდაჭერა ჰქონდა. გარდა ამისა, დღევანდელი პოლიტიკური გუნდის შეხედულებებს ვიზიარებ. ამ არჩევნებზე ვაქტიურობდი და ამით თუ ამ თანამდებობაზე დამნიშნეს, ამაში ცუდს ვერ ვხედავ“.

[ლუბა გიორგაძე, ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.05.2020 საპატრიარქომ ადიგენში სასულიერო პირს 25 წლიანი იჯარით მიწის ნაკვეთი გადასცა

28.05.2020 ახალციხის მერის მრჩეველმა იმ კომპანიის წილი დათმო, რომლითაც ტენდერებს იგებდა

28.05.2020 საქართველოს მთავრობამ ტურიზმის გახსნისთვის რეგულაციები შეიმუშავა

28.05.2020 ახალციხის მერის წარმომადგენელების ნაწილი მათთვის გამოყოფილი საწვავით ვერ სარგებლობს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სამხარეო რწმუნებულის მოადგილედ ზურა ხაჩიძე დაინიშნა
ზურა ხაჩიძე ბორჯომსა და ასპინძაში „პატრიოტთა ალიანსის“ დეპუტატობის კანდიდატია
კვირის აქცენტი: სამცხე-ჯავახეთის გუბერნატორის ახალი მოადგილე [ვიდეო]
‘არ დავუთმობ ნაცებს ჩვენს წამებას, თუნდაც ეს სისხლის ფასად დამიჯდეს!’ - ზურა ხაჩიძე
სამცხე–ჯავახეთის გუბერნატორი: 'მთავარი გამოწვევა ხალხის დასაქმებაა'
ბესიკ ამირანაშვილი: ‘ყველა მუნიციპალიტეტს შემოვივლი და პრობლემებს ადგილზე გავეცნობი’
‘პატრიოტთა ალიანსმა’ ახალქალაქი-ნინოწმინდაში დეპუტატობის კანდიდატი წარადგინა