FM97.5 / LIVE

ფოკის მონასტერთან ინფრასტრუქტურის მოსაწყობად ტენდერი გამოცხადდა

მთავარისიახლე, საზოგადოება 10.06.2019
ნინოწმინდაში,სოფელ ფოკაში, ფარავნის ტბის ჯებირებისა და წმიდა ნინოს სახელობის დედათა მონასტერთან, ინფრასტრუქტურის მოსაწყობად ტენდერი გამოცხადდა.

ფოკის მონასტერთან ინფრასტრუქტურის მოსაწყობად ტენდერი გამოცხადდა

იმ ტერიტორიაზე, სადაც პირველ ივნისს, პრეზიდენტმა და მთავრობის წევრებმა მორწმუნეებთან ერთად „წმინდა ნინოს გზის“ მსვლელობა დაიწყეს, მთავრობა ინფრასტრუქტურას მოაწესრიგებს. ამისთვის სახელმწიფო ბიუჯეტში 3 050 982 ლარი განისაზღვრა.

მუნიციპალური განვითარების ფონდმა ტენდერი შვიდ ივნისს გამოაცხადა.

პროექტი ითვალისწინებს წმიდა ნინოს სახელობის დედათა მონასტრის ტერიტორიასა და მის მიმდებარედ ტურისტული ინფრასტრუქტურის მოწყობას. ასევე ფარავნის ტბის ჯებირის გაკეთებას.

სატენდერო დოკუმენტების მიხედვით, დაგეგმილია შემდეგი სამუშაოები:

► ცენტრალური ტრასიდან მონასტრამდე მისასვლელ გზაზე ასფალტის რეაბილიტაცია და პარკინგის მოწყობა გზის მიმდებარედ, მონასტრის კუთვნილ მიწის ნაკვეთზე;

► ვიზიტორთა ცენტრის მოწყობა, რომელიც სამი მცირე ზომის ერთსართულიანი შენობისაგან შედგება:

- ვიზიტორთა მისაღები სივრცე მცირე მაღაზია-კაფე, სადეგუსტაციო ოთახი, სამზარეულო და დამხმარე სათავსოები;
- საეკლესიო მაღაზია;
- საზოგადოებრივი საპირფარეშო.

► დარბაზული სახლის რეაბილიტაცია;

► სამეურნეო დანიშნულების სათავსოს აშენება, არსებული სამეურნეო შენობის გვერდით;

► ობიექტების წყალმომარაგებისათვის ჭაბურღილისა და ბიოლოგიური საკანალიზაციო გამწმენდის მოწყობა;

► ტერიტორიის კეთილმოწყობა საფეხმავლო ბილიკებით, ადგილობრივი ქვის ღობეებით, გარე განათებით.

► ფარავნის ტბის ნაპირას საყოველთაო სანათლავისა და საფეხმავლო პანდუსის მშენებლობა.

► ფარავნის ტბის ნაპირას ავტოსადგომის, სანკვანძისა და გადმოსახედის მშენებლობა.

► ფარავნის ტბის წყლის სარეგულაციო ფარის მშენებლობა.

► წმ. ნინოს სახელობის სამონასტრო კომპლექსიდან საყოველთაო სანათლავამდე მისასვლელი საფეხმავლო ბილიკების მოპირკეთება და გარე განათების სისტემის მოწყობა.

ფოკის დედათა მონასტრის ტერიტორიასა და ფარავნის ტბაზე ტურისტული ინფრასტრუქტურის მოწყობის შესახებ, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა, პირველ ივნისს, ნინოწმინდაში სტუმრობისას განაცხადა.

ფოკას წმიდა ნინოს ტაძარი XI საუკუნის შუა წლების ქართული ხუროთმოძღვრების ძეგლია. მისი დაარსება საქართველოში ქრისტიანობის გამავრცელებელ წმიდა ნინო კაბადოკიელის სახელს უკავშირდება.

ტაძარი დარბაზული ტიპისაა. მას რესტავრაცია 90-იან წლებში ჩაუტარდა. ამჟამად აქ მონასტერია.

მონასტრის ტერიტორიაზე მდებარეობს დაზიანებული დარბაზული ტიპის სამეურნეო დანიშნულების შენობა - სამცხე-ჯავახეთში გავრცელებული სახლის ტიპი, სადაც საცხოვრებელი და სამეურნეო სათავსოები (დარბაზი, ოდა, ბოსელი, საბძელი, სათონე, ბეღელი, მარანი და სხვა) ერთ ჭერქვეშ იყო განლაგებული.

დარბაზული სახლის მთავარ თავისებურებას ხის მრავალსაფეხურიანი გუმბათი - გვირგვინიანი გადახურვა წარმოადგენს, რომელიც საშუქე და კვამლის ასასვლელი პატარა ერდოთი მთავრდებოდა.

[თაკო ფეიქრიშვილი, ნინოწმინდა]


08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

07.07.2020 ახალციხის მერია შშმ პირს საცხოვრებელ კორპუსში ლიფტის დამონტაჟებას 4 წელია პირდება

07.07.2020 კაცს, რომელმაც სოფელ კლდეში დამწვრობა მიიღო, ოპერაციას გაუკეთებენ

07.07.2020 ახალციხეში 29 წლის მანანა მჭედლიძეს სასწრაფო ოპერაციისთვის თანხა სჭირდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ფოკის მონასტერთან ინფრასტრუქტურის მოსაწყობად გამოცხადებულ ტენდერში მონაწილეობა არავინ მიიღო
ფოკის მონასტერთან ინფრასტრუქტურის მოსაწყობად 3 138 948 ლარი დაიხარჯება
ფოკის დედათა მონასტერთან და ფარავნის ტბაზე ტურისტული ინფრასტრუქტურა მოეწყობა
სამინისტრო: საფარის მონასტერთან ტურისტული ინფრასტრუქტურის მოწყობა დასრულების ეტაპზეა
2 მილიონ ნახევარი ზარზმის მონასტრის რეაბილიტაციისა და ტურისტული ადგილების მოწყობისთვის
პირველი ივნისი წმინდა ნინოს ხსენების დღეა
პრეზიდენტი და პრემიერი 'წმინდა ნინოს გზის' მსვლელობას შეუერთდნენ [ფოტო]