FM97.5 / LIVE

როგორ შეიცვლება მართვის მოწმობის პრაქტიკული გამოცდა

მთავარისიახლე, საზოგადოება 07.06.2019
მართვის მოწმობის გამოცდაში შსს ცვლილებებს გეგმავს. კანდიდატებმა გამოცდა სამ ნაწილად უნდა ჩააბარონ. თეორიული ნაწილი უცვლელი დარჩება. მანქანის ტარების უნარი კი, როგორც დახურულ მოედანზე, ასევე ქალაქის ქუჩაში შემოწმდება.

როგორ შეიცვლება მართვის მოწმობის პრაქტიკული გამოცდა

„საგზაო მოძრაობის შესახებ“ კანონში შესატანი ცვლილებები, ძირითადად, პრაქტიკული გამოცდის ორ ეტაპად დაყოფას, გამოცდაზე გასვლის ვადებსა და საფასურს შეეხება.

შინაგან საქემთა სამინისტროს მომსახურების სააგენტოში განმარტავენ, რომ მართვის მოწმობის გამოცდის პრაქტიკული ნაწილი ორ ეტაპად დაიყოფა.

მას შემდეგ, რაც მსურველი გამოცდისთვის დარეგისტრირდება, მან თეორიული ნაწილი უკვე არსებული წესის მიხედვით უნდა ჩააბაროს, პრაქტიკული ნაწილი კი დახურულ მოედანსა და ქალაქში.

„თეორიული გამოცდა რჩება ისე, როგორც იყო. ის, ვინც ჩააბარებს გამოცდას დახურულ მოედანზე, გადადის შემდეგ ეტაპზე, ქალაქში, რეალური მართვის პირობებში. მოძრაობაში მოვახდენთ კანდიდატების შემოწმებას, რამდენად მომზადებულები არიან მართვის მოწმობის მისაღებად და იმისათვის, რომ მართონ სატრანსპორტო საშუალება“, - განმარტავს მომსახურების სააგენტოს დირექტორის მოადგილე იმედა მაკასარაშვილი.

პრაქტიკული გამოცდა ქალაქში


პრაქტიკული გამოცდის ქალაქის ქუჩებში ჩაბარებისას, მართვის მოწმობის აღების მსურველს შსს-ს მომსახურების სააგენტოს თანამშრომელი გაჰყვება.

სააგენტოში ამბობენ, რომ სწორედ ისინი იზრუნებენ უსაფრთხოების ზომებზე, რათა ქალაქში მოძრაობისას მოქალაქეებს პრობლემა არ შეექმნათ: „კანდიდატი, როცა უკვე ჩააბარებს გამოცდას დახურულ მოედანზე ანუ როცა ჩაითვლება, რომ მან იცის მართვა, შემდეგ გავა ქუჩაში. შესაბამისად, მაქსიმალურად ყურადღება მიექცევა იმ უსაფრთხოების ზომებს, რაც საგზაო მოძრაობის წესებშია გაწერილი. ჩვენი უფლებამოსილი თანამშრომელი იქნება მანქანაში და მისი მითითების შესრულება, მოძრაობის დროს, იქნება სავალდებულო“.

სააგენტოს ინფორმაციით, თანამშრომლები, რომლებიც პრაქტიკულ გამოცდას დააკვირდებიან, უკვე გადამზადდნენ: „ისინი ახლაც გადიან ტრენინგებს, გაიარეს თეორიული და პრაქტიკული მომზადებაც და ამის შემდეგ იქნებიან პრაქტიკული გამოცდის ექსპერტები“.

გამოცდის ეტაპები


ცვლილება შეეხო საგამოცდო ვადებსაც. კერძოდ, ამჟამად არსებული წესის მიხედვით, თეორიული გამოცდის ჩაბარების შემდეგ, დარეგისტრირებულ პირს პრაქტიკულ გამოცდაზე გასასვლელად 30 დღე აქვს. კანონპროექტის მიხედვით კი, ეს პერიოდი ერთ წლამდე გაიზარდა.

„ახალ პირობებში, თეორიულ გამოცდას ექნება ერთი წლის ვადა და ამ ერთ წელიწადში უნდა ჩააბაროს კანდიდატმა ორივე ეტაპი. თუ იგი გამოცდაში ჩაიჭრა, გადაბარების საშუალება ექნება. თუ კანდიდატი ვერ ჩაეტია ამ ერთ წელში და ვერ ჩააბარა, პრაქტიკული მართვა მოედანზე ან ქალაქის პირობებში, მაშინ, მან თავიდან უნდა ჩააბაროს თეორიული გამოცდა“, - ამბობს იმედა მაკასაშვილი.

გამოცდის ღირებულება


შსს-ს მიერ ინიცირებული კანონპროექტის განმარტებით ბარათში ვკითხულობთ, რომ პრაქტიკული გამოცდის ორ ეტაპად გარდაქმნა გამოცდის საფასურის გაზრდას გამოიწვევს. თეორიული ნაწილზე რეგისტრაცია 40 ლარის ნაცვლად, 20 ლარი გახდება. რაც შეეხება პრაქტიკულ ნაწილს, თითოეული ეტაპის საფასური განისაზღვრება შემდეგნაირად:

B კატეგორიის სატრანსპორტო საშუალების მართვის უფლების მისაღები პრაქტიკული გამოცდის პირველ ეტაპზე ერთჯერადად დაშვების საფასური 40 ლარი იქნება, მეორე ეტაპზე ერთჯერადად დაშვების - 90 ლარი.

A, C, D, BE, CE, DE კატეგორიის და A1, A2, B1, C1, D1, C1E და D1E ქვეკატეგორიის სატრანსპორტო საშუალების მართვის უფლების მისაღები პრაქტიკული გამოცდის პირველ ეტაპზე ერთჯერადად დაშვების საფასურია 40 ლარი იქნება, მეორე ეტაპზე ერთჯერადად დაშვების — 150 ლარი.

სიახლეა ისიც, რომ თუ ამ დრომდე B კატეგორიის შემთხვევაში, მექანიკურ გადაცემათა კოლოფის მქონე ავტომობილით გამოცდის ჩაბარების დროს მძღოლს 40 ლარის გადახდის შემდეგ, უფასოდ ხუთი გასვლის შესაძლებლობა ჰქონდა, ახალი რეგულაციით, ავტომატურ და მექანიკურ გადაცემათა კოლოფის მქონე ავტომობილით გამოცდის ჩაბარება გათანაბრდება.

მომსახურების სააგენტოში საფასურის შესახებ არ საუბრობენ: „ღირებულება მაშინ განისაზღვრება, როცა კანონი ამოქმედდება. ამ ეტაპზე, პარალმენტი მსჯელობს და შემდეგში შევძლებთ ამაზე საუბარს. საფასურის დამტკიცება პარლამენტის პრეროგატივაა“, - ამბობს მომსახურების სააგენტოს დირექტორის მოადგილე იმედა მაკასარაშვილი.

სად შეიძლება გამოცდის ჩაბარება


მართვის მოწმობის გამოცდის ჩაბარება, მსურველებს ყველა იმ ქალაქში შეეძლებათ, სადაც მომსახურების სააგენტოს სერვის-ცენტრებია განთავსებული. თუმცა, სააგენტოს ინფორმაციით, თბილისში, ზუგდიდსა და ფოთში პრაქტიკული გამოცდა არ ჩატარდება: „ფოთსა და ზუგდიდში მიმდინარეობს გზის საფარის სამუშაობი და არ გვეძლევა საშულება, რომ მოვაწყოთ პრაქტიკული გამოცდა. ასევე თბილისის მარშრუტები არ შედის პრაქტიკულ გამოცდაზე“.

მაკასაშვილის განმარტებით, გამოცდის პრაქტიკული ნაწილის ჩაბარება დარეგისტრირებულ პირებს სხვა ნებისმიერ ქალაქში შეეძლებათ: „გადამწყვეტი მნიშვნელობა არ აქვს, რამდენად ინტენსიური და არაინტენსიურია რომელიმე ქალაქში მოძრაობა. ჩვენ იმას ვაფასებთ, რამდენად იცის კანდიდატმა საგზაო მოძრაობის წესები. თუ ადამიანი სწორად ფლობს საგზაო მოძრაობის წესებს, მას ინტენსიური მოძრაობა ხელს არ შეუშლის“.

ცვლილებების მიხედვით, მოტოციკლისა და ავტომობილის მართვის მოწმობას 18 წლამდე ასაკის პირები ვეღარ აიღებენ.

ამ ეტაპზე, კანონპროექტი საკომიტეტო განხილვებზეა წარდგენილი. მისი ამოქმედების შესახებ გადაწყვეტილება პარლამენტმა უნდა მიიღოს.

[თაკო ფეიქრიშვილი, ახალციხე]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

პარლამენტი მართვის მოწმობებთან დაკავშირებული ინიციატივის განხილვას იწყებს
მართვის მოწმობის გამოცდების ბუმი საქართველოში
მართვის მოწმობის გამოცდის ჩაბარება მარტივდება
მართვის მოწმობის პრაქტიკული გამოცდისთვის ახალციხის ქუჩები დაიხაზა
რომელი კატეგორიის მართვის მოწმობებს შეუნარჩუნდება იურიდიული ძალა 2019 წლის მარტამდე
1 ნოემბრიდან იარაღის შეძენის მსურველებს გამოცდის ჩაბარება მოუწევთ
შსს–მ მართვის მოწმობის თეორიულ გამოცდას დამატებული ტესტები გამოაქვეყნა