FM97.5 / LIVE

სახალხო დამცველის მწვავე შეფასების შემდეგ, ახალქალაქის N2 ბაღს გაარემონტებენ

მთავარისიახლე, საზოგადოება 03.06.2019
ახალქალაქის მერიამ N2 საბავშვო ბაღის რეაბილიტაციაზე ზრუნვა, სახალხო დამცველის რეკომენდაციის შემდეგ დაიწყო. უწყების ინფორმაციით სკოლამდელი აღზრდის დაწესებულებაში კრიტიკული მდგომარეობაა.

სახალხო დამცველის მწვავე შეფასების შემდეგ, ახალქალაქის N2 ბაღს გაარემონტებენ

სახალხო დამცველის აპარატის საქმის წარმოებისა და მონიტორინგის შედეგად დადგინდა, რომ ბაღში მდგომარეობა კრიტიკულია და ვერ პასუხობს „ადრეული და სკოლამდელი აღზრდისა და განათლების შესახებ“ საქართველოს კანონისა და „ადრეული და სკოლამდელი აღზრდისა და განათლების სახელმწიფო სტანდარტების“ მოთხოვნებს“.

ომბუდსმენი ყურადღებას ამახვილებს ფართის სიმცირესა და მოუწესრიგებელ ინფრასტრუქტურაზე: „განსაკუთრებით პრობლემურია, რომ ერთ ოთახში, ასაკის მიუხედავად (3-დან 6 წლამდე), 37 აღსაზრდელია განთავსებული. ამასთან, ეს ოთახი სარემონტოა - ჭერიდან ჩამოდის წყალი, შესაცვლელია ხის იატაკი და ჭურჭლის სარეცხი ნიჟარა. საპირფარეშოში არ არის გათბობა, ელექტოენერგია და ცხელი წყალი. ბავშვები ხელ-პირს ცივი წყლით იბანენ და განათების არარსებობის გამო, საპირფარეშოში შესვლა ეშინიათ. სააღმზრდელო ოთახი სათანადოდ ვერ ნიავდება, ავეჯი ძველი და ამორტიზებულია“.

ომბუდსმენის ინფორმაციით, ასაკობრივ ჯგუფში არ არსებობს სათამაშოები, სახელმძღვანელოები, გასართობი და შემეცნებითი ნივთები.
რეკომენდაციაში წერია, რომ სკოლამდელი განათლების ქართულ ენაზე მიღების მსურველთა რაოდენობა მაღალია, თუმცა იმის გამო, რომ ქართულენოვანი საბავშვო ბაღი არ არსებობს, მათი მოთხოვნა ვერ კმაყოფილიდება, რაც ხელს უშლის სახელმწიფო ენაზე განათლების მიღებისა და სოციალური ინტეგრაციის პროცესს: „უკიდურესად მძიმე მდგომარეობაშია საბავშვო ბაღის საერთო სარგებლობის დარბაზიც – ჭერი ავარიულია, იატაკი ერთ ადგილას ჩავარდნილია.“

სახალხო დამცველმა, რეკომენდაციით ადგილობრივ თვითმმართველობასა და სამცხე-ჯავახეთის სამხარეო ადმინისტრაციას, 29 მარტს მიმართა.

რეკომენდაციიდან დაახლოებით ორ კვირაში, 19 აპრილს ახალქალაქის მუნიციპალიტეტის მერიამ N2 საბავშვო ბაღის რემონტისთვის საპროექტო სამუშაოებზე ტენდერი გამოაცხადა.

სატენდერო დოკუმენტების მიხედვით, საბავშვო ბაღის რემონტისთვის სავარაუდო თანხად 74 820 ლარი განისაზღვრა. მის ფარგლებში, უნდა მოეწყოს შენობის გარე კიბეები, სველი წერტილები, ელექტროობა, გაგრილების სისტემა, ასევე გარემონტდეს და შეიღებოს ფასადი, შეიცვალოს სამზარეულოს სარეცხი კუთხე და მოეწყოს 70კვ.მ. ფართის საბავშვო მოედანი.

რაც შეეხება ფართის სიმცირეს, მუნიციპალიტეტის მერიაში აცხადებენ, რომ ქალაქში საკმარისი ფართი არ არის, ამიტომ მცირეწლოვნების სხვა შენობაში გადაყვანა ვერ ხერხდება.

„ამ წელს დასრულდება გარემონტება. სათამაშოების ყიდვას ჩვენ ვერ შევძლებთ. პრობლემა იყო რომ სხვადასხვა ასაკის ბავშვები ერთად ისხდნენ, მაგრამ ფიზიკურად ადგილი არ გვაქვს და ვერსად წავიყვანთ. მარტო ერთ ბაღში კი არ არის ასეთი პრობლემა, სხვა საბავშვო ბაღებშიც ასეა, ფართის სიმცირეა. სხვა შენობაში კი ადგილის გამოყოფა ვერ ხერხდება“, - აცხადებს ახალქალაქის მუნიციპალიტეტის მერი იურიკ უნანიანი.

[თაკო ფეიქრიშვილი, ახალქალაქი]


15.10.2020 უნივერსიტეტებს შეუძლიათ ლექციები 19 ოქტომბრიდანაც დისტანიურად ჩაატარონ – გახარია

13.10.2020 საფეხური: მესხეთის თეატრი – პანდემიისგან შექმნილი პრობლემები და სამომავლო გეგმები [აუდიო]

12.10.2020 ჭეჭლასა და დიდ ზანავში სწავლა საკლასო ოთახებში განახლდა

12.10.2020 ახალციხის ბაღებში სწავლა განახლდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.10.2020 ‘ბორჯომი’ მეოთხე ლიგის ჯგუფში დაწინაურდა

16.10.2020 ახალგაზრდობის სააგენტომ ბორჯომში ‘მუნიციპალური ახალაგზრდული საქმიანობა’ დაიწყო

15.10.2020 როგორ იმუშავა და რას გეგმავს DMO სამცხე–ჯავახეთში ტურიზმის განვითარებისთვის

15.10.2020 ევროპის მიმართულებით პირდაპირი ავიარეისების აღდგენა იგეგმება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

01.10.2020 SK ამბები: მინაძე [აუდიო]

მსგავს თემაზე

წყალთბილაში საბავშვო ბაღის რეაბილიტაცია იგეგმება
‘მეორე შახტაში’ ახალი საბავშვო ბაღი გაიხსნა
ადიგენში საბავშვო ბაღისთვის ფართი იქირავეს
ახალქალაქის სოფლებში ბაღის აღსაზრდელებს ტრანსპორტი მოემსახურება
ბაღი, რომლის გახსნას ხუთი წელი ელოდნენ, წყლის გარეშეა
ბოლაჯურში საბავშვო ბაღის შენობის რეაბილიტაცია მიმდინარეობს
ახალქალაქის საბავშვო ბაღებში ადგილები აღარ არის