FM97.5 / LIVE

'წითელი ყელსახვევების საქმე' - განათლების სამინისტრომ მესამე სკოლაში მოკვლევა დაიწყო

მთავარისიახლე, განათლება 03.06.2019
რატომ ეკეთათ პირველკლასელებს წითელი ყელსახვევები „ანბანის გაცილების“ ზეიმზე - ამის გარკვევას განათლების სამინისტრო ახალციხის მეხუთე სკოლის შემდეგ, უკვე მესამე სკოლაშიც ცდილობს. წითელი ყელსახვევები, რომლებმაც საზოგადოებას საბჭოთა პიონერები გაახსენა, ახალციხის ორ სკოლაში, 27 მაისის ღონისძიებაზე გამოიყენეს.

'წითელი ყელსახვევების საქმე' - განათლების სამინისტრომ მესამე სკოლაში მოკვლევა დაიწყო
„ჩვენი წარმომადგენლები უკვე სკოლაში მუშაობენ, გასაუბრებები მიმდინარეობს პედაგოგებთან და დირექტორთან. როდესაც მოკვლევა დასრულდება საზოგადოებისთვის აუცილებლად გახდება ცნობილი“, – განმარტავენ უწყებაში.

ახალციხის მეხუთე და მესამე სკოლების ზეიმები მედიისა და საზოგადოების ყურადღების ცენტრში მას შემდეგ მოექცა, რაც ღონისძიების ამსახველი ფოტოები სოციალურ ქსელებში გავრცელდა. თეთრ მაისურებზე მოხვეული წითელ ყელსახვევები ქსელის მომხმარებელმა მაშინვე საბჭოთა სიმბოლიკასთან დააკავშირა.

მეხუთე სკოლის ადმინისტრაციაც და ბავშვების მშობლებიც ამბობენ, რომ თეთრი და წითელი საქართველოს დროშის გამო შეარჩიეს, მესამე სკოლაში კი გვპასუხობენ, რომ წითელთან ერთად მოსწავლეებს ლურჯი ყელსახვევებიც ეკეთათ და ეს ფერები თვითონ ბავშვებმა მოისურვეს.

მესამე სკოლის ღონისძიებას ესწრებოდა ახალციხის რესურსცენტრის ხელმძღვანელი, ხათუნა ხმალაძე, თუმცა „სამხრეთის კარიბჭის“ კითხვებს ის რამდენიმე დღეა არ პასუხობს.

ახალგაზრდა იურისტთა ასოციაციაში მიიჩნევენ, რომ წითელი ყელსახვევი აკრძალული საბჭოთა სიმბოლიკაა და მისი გამოყენების გამო სამინისტრომ რესურსცენტრის ხელმძღვანელს, სკოლების დირექტორებსა და პედაგოგებს პასუხი უნდა მოსთხოვოს.

ახალციხის სკოლების გარდა სამინისტრო ოზურგეთის სამრევლო სკოლის საკითხსაც სწავლობს. სააგენტო „გურიანიუსის“ ინფორმაციით, სასკოლო ღონისძიებაზე წითელყელსახვევიანმა ბავშვებმა სტალინზე სიმღერაც შეასრულეს - „ყველა სოფელი ცას ეჭიდება, სულ საოცნებო არის გურია, მაგრამ ხიდისთავს აქვს სხვა დიდება _ იქ ჯუღაშვილის ნაფეხურია”.

მოგვიანებით, სკოლის დირექტორმა განმარტა, რომ ასე საბჭოთა კავშირი გააშარჟეს.

[ლუბა გიორგაძე, ახალციხე]


18.09.2019 ლევან ბერძენიშვილი ახალციხეში საჯარო ლექციას გამართავს

18.09.2019 ახალქალაქის სკოლებში ოთხ მანდატურს დაამატებენ

17.09.2019 წითელი ყელსახვევების საქმეზე აუდიტმა დასკვნა დადო, თუმცა სკოლებისთვის ცნობილი არ არის

16.09.2019 ‘თავისუფლებაზე ორიენტირებული სწავლება’ - ახალი სკოლის მოდელი

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.09.2019 დღეს მესხეთის თეატრში წარმოდგენას მარჯანიშვილის თეატრი გამართავს

19.09.2019 ახალციხის ცენტრში ნაცემ ქალს ტვინის შერყევა აქვს

19.09.2019 ახალციხეში სოციალურად დაუცველ ოჯახს ადგილობრივები დაეხმარნენ

18.09.2019 ნაცემ ქალს გამოკვლევები უტარდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

19.09.2019 მზეთამზიელი გულნაზი

17.09.2019 სოფელი გულსუნდა – 'წინ კლდეები, უკან მტკვარი' [ფოტო]

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

მსგავს თემაზე

სამინისტრო წითელი ყელსახვევების საკითხს ახალციხის კიდევ ერთ სკოლაში შეისწავლის
წითელი ყელსახვევების საქმეზე აუდიტმა დასკვნა დადო, თუმცა სკოლებისთვის ცნობილი არ არის
პირველკლასელების ზეიმი წითელი ყელსახვევებით
‘ბოლომდე ჩავყვებით ამ ამბავს’ – განათლების სამინისტრო  წითელ ყელსახვევებზე
მძლეოსნობაში საქართველოს პირველობა ახალციხის მესამე და მეხუთე სკოლების გუნდებმა მოიპოვეს
განათლების სამინისტრომ საჯარო სკოლებს დირექტორობის კანდიდატები წარუდგინა
ახალციხის მესამე სკოლაში სომხური ენის დღე აღნიშნეს