FM97.5 / LIVE

პირველკლასელების ზეიმი წითელი ყელსახვევებით

მთავარისიახლე, საზოგადოება 30.05.2019
ახალციხის მეხუთე საჯარო სკოლაში, პირველკლასელებს „ანბანის გაცილების“ ღონისძიებაზე, წითელი ყელსახვევები ეკეთათ. სკოლაში განმარტავენ, რომ მოსწავლეები საქართველოს დროშის ფერებში იყვნენ. იურისტები კი ჩაცმულობას საბჭოთა სიმბოლიკასთან და პიონერის ყელსახვევთან აკავშირებენ.

პირველკლასელების ზეიმი წითელი ყელსახვევებით

ახალციხეში, მეხუთე სკოლაში პირველკლასელებისათვის ანბანის გაცილების ღონისძიება 27 მაისს გაიმართა.

თეთრ პერანგებსა და წითელ ყელსახვევებში გამოწყობილმა მოსწავლეებმა ღონისძიებაზე პატრიოტული ლექსები წაიკითხეს.

ახალგაზრდა იურისტთა ასოციაციის იურისტი გიორგი გოცირიძე ამბობს, რომ თეთრ პერანგზე წითელი ყელსახვევი, მიუხედავად სხვა ჩანაფიქრისა, საბჭოთა რეჟიმის სიმბოლიკაა.

„ძალიან მიმსგავსებულია კომუნისტურ სიმბოლიკასთან, რაც აკრძალულია კანონით თავისუფლების ქარტიის შესახებ. ეს აშკარად გავს იმ მოსწავლის ჩასაცმელს, რაც საბჭოთა კავშირში იყო“, – განმარტავს გოცირიძე.

მისი თქმით, ამ შემთხვევაში კანონის დარღვევაზე ვეღარ ვისაუბრებთ, რადგან ბავშვებს ღონისძიება უკვე ჰქონდათ და ის ყელსახვევები აღარ უკეთიათ.

კლასის დამრიგებელი ლუიზა მღებრიშვილი ამბობს, რომ ბავშვები საქართველოს დროშის ფერებში გამოაწყვეს და ამ ღონისძიებას გარდა „ანბანის გაცილებისა“, სხვა დატვირთვა არ ჰქონდა.

„აზრადაც არ მოგვსვლია ბავშვები პიონერივით გამოგვეწყო და საბჭოთა დროინდელი დეტალი გამოგვეყენებინა. ღონისძიება 26 მაისსაც მივუძღვენით და ჩავაცვით საქართველოს დროშის ფერებში. აბა პეპლები და ფართუკები რომ არ მოუხდებოდა? ბუშტებიც თეთრ და წითელ ფერებში გვქონდა და ლექსებსაც სულ სამშობლოზე ყვებოდნენ“, – განმარტავს დამრიგებელი.

იგივეს აცხადებენ პირველკლასელების მშობლებიც.

„ყელსახვევები იმიტომ ავირჩიეთ, რომ არ აქვს ყველას საშუალება რომ შეიკერონ პიჯაკები. თეთრი მაისურები ყველას ჰქონდა, წითელი ფარდა კი მაღაზიაში ვიყიდეთ. ჩვენ, მშობლები ის თაობა ვართ, რომ საერთოდ არ ვიცით ვინ იყვნენ პიონერები“, – ამბობს მშობელი ხათუნა გელაშვილი.

მეხუთე საჯარო სკოლის დირექტორი ინგა ვარდიძე ამბობს, რომ ამ თემით აპელირება სისულელეა:„რა პიონერი?! რატომ უნდა გახსენებოდათ პიონერები?! ფორმებს რაც შეეხება დროშის ფერებში იყვნენ გამოწყობილები. 26 მაისთან დაკაშირებით ღონისძიება ჩაატარეს. როგორ კაშნეს და ბენდენას მოიხვევდნენ ნამდვილად არ ვიცოდი, თუმცა თეთრი, შავი და წითელი რომ უნდა ცმოდათ ეს ვიცოდი“, – ამბობს ვარდიძე.

[მარიამ ბარძიმაძე, ახალციხე]


23.08.2019 პირველკლასელებისთვის ჯავახეთის სკოლებს 950 კომპიუტერი გადაეცათ

23.08.2019 ვინ მოამზადებს ქართული ენის სწავლის მსურველ არაქართულენოვან პედაგოგებს

23.08.2019 აბიტურიენტებისთვის პროგრამების შეცვლის ვადა 26 აგვისტოს იწურება

23.08.2019 მასწავლებლობის მაძიებელთა პროგრამა ამოქმედდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.08.2019 ადიგენში ბავშვი ცხენიდან გადმოვარდა და დაშავდა

23.08.2019 დაავადებათა კონტროლის ცენტრი სიცხეებთან დაკავშირებით მოსახლეობას აფრთხილებს

23.08.2019 ახალციხის ციხიდან გათავისუფლებული თანამშრომლის სარჩელი არ დაკმაყოფილდა

23.08.2019 ‘ვგრძნობ, რომ ტვირთად ვიქეცი და თითქოს გამირბიან’ – გარემო, რომელიც გთრგუნავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

სამინისტრო წითელი ყელსახვევების საკითხს ახალციხის კიდევ ერთ სკოლაში შეისწავლის
'წითელი ყელსახვევების საქმე' - განათლების სამინისტრომ მესამე სკოლაში მოკვლევა დაიწყო
‘ბოლომდე ჩავყვებით ამ ამბავს’ – განათლების სამინისტრო  წითელ ყელსახვევებზე
ახალციხის ციხე ევროკავშირის დროშის ფერებში განათდა
მსოფლიოს სხვადასხვა ქალაქის ღირშესანიშნაობები საქართველოს დროშის ფერებში განათდება
მოსწავლეებმა პოლიციის ფორმებით სამმართველოს ეზოში ღონისძიება გამართეს
საქართველოში სახელმწიფო დროშის დღე აღინიშნება