FM97.5 / LIVE

გულო ყურაძე – ქალის მხრებზეა ყველაფერი [ფოტო/ვიდეო]

მთავარისიახლე, საზოგადოება 30.05.2019
გულო ყურაძე 51 წლისაა. ფიზიკურად შრომობს, უვლის ოჯახს და უძღვება სოფლის მეურნეობას. ჰყავს ორი შვილი – ვენერა და ფრიდონი და მოხუცი მამა.

გულო ყურაძე – ქალის მხრებზეა ყველაფერი [ფოტო/ვიდეო]

მზეს მიფიცხებული ჭრელი კატები აივანზე, ფერადი სუფრა გრძელ მაგიდაზე, ხის კიბეებზე ცალ მხარეს, სიგრძეზე დაწყობილი ყვავილები პლასტმასის ქოთნებში, ნახევრად ამოჭრილი ჭა და თხრილთან მიწოლილი ნაცრისფერი ლეკვი – ყურაძეებს ვსტუმრობთ.

გულო ყურაძე ადიგენის მუნიციპალიტეტის სოფელ აბასთუმანში ცხოვრობს. დაიბადა ყაბარდო–ბალყარეთში, რვა წლის იყო როცა მისი ოჯახი საქართველოში ჩამოვიდა და ოზურგეთის მუნიციპალიტეტის, სოფელ ნასაკირალში დასახლდა. 2011 წელს ყურაძეები სოფელ აბასთუმანში გადმოვიდნენ. იყიდეს სახლი და პატარა მიწის ნაკვეთი. სახლი ნახევრად ასაშენებელი და მოსაწესრიგებელი.

რვა წლის შემდეგ სახლს უკვე აივანი აქვს გაკეთებული, ოთახები გარემონტებული, ეზო შემოღობილი და სახლის უკანა მხარეს სათბურიცაა გამართული. ბოსტანიც მოვლილი.

„ქალი სუსტი არსებაოო რომ ამბობენ არაა სწორი, ქალის მხრებზეა ყველაფერი“,– გვეუბნება გულო ყურაძე.

სათბურს ადრიანად ამუშავებს. სამუშაო იარაღი – თოხი და ბარი. შვილებთან ერთად ბარავს, აფხვიერებს მიწას. სათბურში წელს კიტრი აქვს დათესილი. ეზოში კარტოფილი მოჰყავს. მოყვანილ პროდუქტს სეზონზე აბასთუმანში ყიდის.



„იყო მარტოხელა დედა, უვლიდე ოჯახს, უძღვებოდე სოფლის მეურნეობას, რთულია, თუმცა ადამიანი უფრო მეტს შეძლებს რომ მოინდომოს, მეც ასე ვარ“, – ამბობს ის.

პირველად 19 წლის იყო როცა გათხოვდა, სამ წელში შვილთან ერთად მარტო დარჩა.

„ახალგაზრდა ვიყავი, არეული იყო სახელმწიფოში ყველაფერი. ჩაის პლანტაციები იჩეხება, იკარგება კოლმეურნეობა, მინგრეულ–მონგრეულია სახელმწიფო. მეთქი როგორ უნდა გავზარდო შვილი და მაშინ მივხვდი გამოუვალი მდგომარეობა არ არსებობს და გავაგრძელე ცხოვრება“, – ამბობს ის.

წლების შემდეგ გულო ყურაძე მეორედაც დარჩა მარტო.

„მეორედ ისევ გავთხოვდი, ჩვენებურს გავყევი. 2006 წელს საქართველოში დეპორტით დავბრუნდი. ის არ გამომყვა. არც შვილი უნახავს. არც არაფრით დაგვხმარებია. არც მინდოდა. სხვისი იმედი არ უნდა გქონდეს, შენ უნდა დადგე მყარად ფეხზე, ესაა მთავარი – ჰოდა, ასე გავზარდე ვენერაც და ფრიდონიც“,– გვითხრა მან.

ოჯახში ქალის საქმე კაცის საქმე არ არსებობს. გულოს შვილი ვენერა მეფუტკრეობამ გაიტაცა, ინტერნეტით სწავლობს ფუტკრების მოვლას და მიუხედავად იმისა, რომ ფუტკრის რამდენიმე ოჯახი მოუკვდა, ისევ ცდილობს მათ გამრავლებას.

„ქალი სუსტი არსებაოო ამბობენ, მაგრამ მე მგონია ყველაფერი ქალი მხრებზეა, უფრო მეტად წვალობს ქალი“, – გვითხრა გულო ყურაძემ.

ის სიყვარულზეც გვესაუბრა – „სიყვარულია როცა ადამიანს შეხედავ და ხვდები როგორია ის. მოგწონს მისი ყველაფერი ცუდიც და კარგიც. სიყვარულია როცა მისი სუნიც გიყვარს“.



გულო ყურაძე – ქალის მხრებზეა ყველაფერი [ფოტო/ვიდეო]

[გულო კოხოძე, ნანა ინასარიძე, ადიგენი]


12.07.2019 კომპეტენციის დადასტურების გამოცდაზე 74 პედაგოგი არ გამოცხადდა

11.07.2019 აბიტურიენტები ბიოლოგიის გამოცდას აბარებენ

11.07.2019 კიკიბოს სკოლას მომავალ წელსაც ერთი მოსწავლე ეყოლება

11.07.2019 პროფესიული უნარების გამოცდაზე ახალციხეში 156 პედაგოგი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.07.2019 'კორხის ეკლესიას ფიზიკური დაცვა სჭირდება' – იურისტი უნებართვო მშენებლობაზე

12.07.2019 ახალქალაქში გაფიცულმა მუშებმა ოთხის ნაცვლად ერთი თვის ხელფასი მიიღეს

12.07.2019 ნეოლითიდან შუა საუკუნეებამდე - არქეოლოგიური ექსპედიცია და სტუდენტების მოგზაურობა დროში

12.07.2019 როგორი ამინდი იქნება 12-15 ივლისს სამცხე–ჯავახეთში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

აბასთუმანში თოფით მიყენებული ჭრილობებით 31 წლის ქალი გარდაიცვალა
სვირის 'რწმუნებული' 60 წლის ქალის მდგომარეობაზე: საგანგაშო საქმე არ ყოფილა
'ზამთრის' ცოლები
აბასთუმანში ხანძრის გამო სამსულიანი ოჯახი უსახლკაროდ დარჩა
სვირში 60 წლის ქალის საქმეს საია სწავლობს
ახალნამშობიარები გარდაცვლილი ქალის შვილი ისევ კლინიკაში რჩება
სოციალური სააგენტო 60 წლის ქალზე: ‘ჩააცვეს, მოუარეს, ამბობენ, ჩვენ მივხედავთო’