FM97.5 / LIVE

'ბედნიერებაა, როცა საკუთარ სკოლაზე ზრუნავ'– ეკოდამცველები ლელოვნის სკოლიდან [ვიდეო]

მთავარისიახლე, საზოგადოება 24.05.2019
ათობით დარგული ხე, გადაგდებული ნივთებით შექმნილი ჩანთები, გაფერადებული სკოლის ეზო და გადარჩენილი ქართული ბზა - რატომ დააარსეს ეკოკლუბი მოსწავლეებმა?

'ბედნიერებაა, როცა საკუთარ სკოლაზე ზრუნავ'– ეკოდამცველები ლელოვნის სკოლიდან [ვიდეო]

გარემოსდაცვაზე ფიქრი 2015 წელს დაიწყეს, სკოლის ყველაზე დიდი წარმატება კი 2017 წელს ქართველი ბოტანიკოსის, ნიკო კეცხოველის სახელობის პრემიის ფინალურ ეტაპზე გასვლა იყო. სასკოლო კონკურსში გარემოსდაცვით ღონისძიებებში ჩართული სკოლები მონაწილეობენ.

ადიგენის სოფელ ლელოვნის საჯარო სკოლა 152 სკოლას შორის საუკეთესოდ დასახელდა და ფინალურ ეტაპზე გავიდა. ლელოვნის სკოლამ მწვანე სკოლის სტატუსიც მოიპოვა.

„პრემიის შესახებ ოთხი წლის წინ გავიგეთ, შევქმენით ეკოკლუბი, რომელშიც ათი წევრი ვართ, პირველივე აქტივობის შემდეგ ნიკო კეცხოველის პრემიის ფინალურ ეტაპზე მოვხვდით. მას შემდეგ ვიკვლევთ მცენარეებს, ვრგავთ და ვუვლით მათ, ჩემი როგორც დირექტორის მიზანია, გავხადო მათი ცხოვრება მრავალფეროვანი და დავტვირთო სხვადასხვა მნიშვნელოვანი საქმიანობით“, - ამბობს ლელოვნის სკოლის დირექტორი, ეთერ მეტრეველი.



ლელოვნის სკოლის მოსწავლე და ეკოკლუბის წევრი ამბობს, რომ ბზა განსაკუთრებით უყვარს, რადგან ის საქართველოსთვის ისტორიულია და ამჟამად გადაშენების პირასაა. ვანომ ყველაზე დიდი გამოცდილება ბზების მოვლით მიიღო.

ვანოს სახლში ორნაირი, კოლხური და ქართული ბზა აქვს, სკოლის ეზოში კი ბზის ათ კორომს უვლის. 2016 წელს საქართველოში ბზის ალურა მთელი ქვეყნის ბზებს მოედო, დაავადება ვანოს ბზებსაც გაუჩნდა: „ჩემს სოფელში ბზას ალურა შეეყარა, ამიტომ დავიწყე ფიქრი, თუ როგორ განმეკურნა ეს მცენარე დაავადებისგან, ვკითხე ყველას ვისაც ეხებოდა და ვიშოვე წამალი. საბოლოოდ კი როგორც სახლის, ასევე სკოლის ბზა გადავარჩინე“.

ვანოს თანასკოლელები აღნიშნავენ, რომ მისი ძალისხმევის გარეშე ქართულო ბზა ვერ გადარჩებოდა. თექვსმეტი წლის ეკოდამცველი ამბობს, რომ ბზის ალურა წელსაც საფრთხეს უქმნის მცენარეს, ამიტომ ყველას საკუთარ გამოცდილებას უზიარებს: „საქართველოში სულ ათას კორომამდე კოლხური ბზაა შემორჩენილი და ყველამ უნდა მოვუაროთ“.



ლელოვნის ეკოკლუბის წევრი, მარიამ ბოჭორიშვილი გვიყვება, რომ მცენარეების მოვლა და გავრცელება მათი ერთადერთი საქმიანობა არაა: „გადავწყვიტეთ სკოლის ინტერიერი გაგველამაზებინა და მთელი სკოლის ბავშვები ჩავერთეთ, მოვხატეთ კედელი, თუნუქის ურნები, ვეცადეთ პოლიეთილენის პარკების გამოყენება შეგვეზღუდა, ამიტო ქაღალდის, პარკისა და გამოუსადეგარი ნაჭრისგან ჩანთები დავამზადეთ და სოფლებში გავაჩუქეთ, საბურავებისგან საყვავილეები შევქმენით“.

მოსწავლეები ყოველ კვირას გასართობ შემეცნებით თამაშს„რა? სად? როდის?“ აწყობენ, ბუნებასა და ისტორიულ ადგილებში კი ქართველი პოეტებისა და პროზაიკოსების შემოქმედების გასაცნობად გადიან.



მალე ლელოვნის სკოლის ეზოს ფიჭვის, ნაძვისა და ფოთლოვანი ნერგების შემდეგ, ცაცხვის ხეებიც შეემატება. კლუბის წევრი, ლინდა მარკოიძე სკოლის ეზოს ყველა სამუშაოში მონაწილეობდა, ამის მიზეზს ასე განამრტავს: „ყველაზე სასიამოვნო პროცესია, როცა შენი ხელით აკეთებ და ქმნი სილამაზეს იმ გარემოსთვის, რომელსაც ცხოვრების უდიდეს ნაწილს ატარებ.“

'ბედნიერებაა, როცა საკუთარ სკოლაზე ზრუნავ'– ეკოდამცველები ლელოვნის სკოლიდან [ვიდეო]

'ბედნიერებაა, როცა საკუთარ სკოლაზე ზრუნავ'– ეკოდამცველები ლელოვნის სკოლიდან [ვიდეო]

'ბედნიერებაა, როცა საკუთარ სკოლაზე ზრუნავ'– ეკოდამცველები ლელოვნის სკოლიდან [ვიდეო]


[ავთო ინასარიძე, ნანა ინასარიძე, ადიგენი]


05.12.2019 წიგნიერების დონით ქართველი მოსწავლეები, 79 ქვეყანას შორის ბოლოდან მერვე ადგილზე არიან

03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.12.2019 შაბათის საკითხავი

06.12.2019 ახალციხეში სამშენებლო სამუშაოები უსაფრთხოების ნორმების დარღვევით მიმდინარეობს

06.12.2019 ბაკურიანში სასტუმროების 75% უკვე დაჯავშნილია –როგორ ხვდება კურორტი ზამთრის სეზონს

06.12.2019 6 დეკემბერს კათოლიკე ეკლესია წმინდა ნიკოლოზის ხსენების დღეს აღინიშნავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

მსგავს თემაზე

თაობა მაXიმუმი: გარემოს დამცველი მოსწავლეები ლელოვნის სკოლიდან[Video]
ლელოვნის სკოლამ 'მწვანე სკოლის’ წოდება მიიღო
ნიკო კეცხოველის პრემიის მოსაპოვებლად, სამცხე–ჯავახეთიდან ფინალურ ტურში, ორი სკოლა გადავიდა
ლელოვნის სკოლის მოსწავლეებმა დასუფთავების აქცია მოაწყეს
ლელოვნის სკოლა  – ლიდერი ნიკო კეცხოველის პრემიის გზაზე
საჯარო სკოლა, სადაც ბავშვებს ყვავილების მოვლას ასწავლიან [ვიდეო]
ნიკო კეცხოველის კონკურსის ფინალურ ტურში ადიგენის ორი სკოლა გადავიდა