FM97.5 / LIVE

სააგენტო ვარძიასთან უკანონო მშენებლობაზე: კომპანიამ ტერიტორიას პირვანდელი სახე უნდა დაუბრუნოს

მთავარისიახლე, საზოგადოება 23.05.2019
კულტურული მემკვიდრეობის სააგენტო კომპანია „ნიალას" ხელმძღვანელობას, რომელიც ვარძიის მოპირდაპირე მხარეს მიწისქვეშა სასტუმროს უკანონოდ აშენებდა, მშენებლობის ადგილზე მიწის საფარის მოწესრიგებას და მანამდე არსებულ ლანდშაფტთან მიახლოებას სთხოვს. კომპანიის ერთ–ერთი მფლობელი კი ამბობს, რომ ამის ვალდებულება არ აქვს.

სააგენტო ვარძიასთან უკანონო მშენებლობაზე: კომპანიამ ტერიტორიას პირვანდელი სახე უნდა დაუბრუნოს

ვარძიის ისტორიული კომპლექსის მოპირდაპირედ, 120 ადგილიან მიწისქვეშა სასტუმროს მშენებლობა კულტურული მემკვიდრეობის დაცვის სააგენტომ აპრილში შეაჩერა.

ტერიტორიის მფლობელები რუსეთში მოღვაწე ბიზნესმენი სოსო ორჯონიკიძე და ბორჯომის ყოფილი გამგებელი ემზარ ასპანიძე არიან.

სააგენტოში განმარტავენ, რომ კომპანია „ნიალა“ ვალდებულია მშენებლობის შეჩერების შემდეგ, ტერიტორია მოაწესრიგოს და ეცადოს პირვანდელი სახე დაუბრუნოს: „ადგილი გაველურებულია, საშინლად არის დატოვებული. რაც ააშენა ის უნდა მოანგრიოს და მიწის ნაშალი, რაც ტექნიკით გამოიღეს, გადაასწოროს. შეძლების მიხედვით, მანამდე არსებულ ლანდშაფტს უნდა მიუსადაგოს“.

კომპანია „ნიალას“ ერთ-ერთი მფლობელი ემზარ ასპანიძე ამბობს, რომ მის ტერიტორიაზე არაფრის შეცვლას აპირებს, ვარძიის გენგეგმის მომზადების შემდეგ კი სასტუმროს მშენებლობის გაგრძელებას გეგმავს: „ჩემს საკუთარ ტერიტორიაზე რა უნდა გავაკეთო, ამას ვალდებულებაში ვერ ჩამიდებენ. ასეთი ვალდებულების შესახებ არავითარი შეტყობინება არ მომსვლია და კიდევაც რომ მომივიდეს, მე ვაპირებ პროექტის გაგრძელებას“.

მისივე თქმით, ტერიტორიის პირველ მდგომარეობაზე დაბრუნება შეუძლებელი იქნება, რადგან აშენებული კედლის დემონტაჟი სხვა პრობლემებს გამოიწვევს.

„მე რომ ტერიტორიის პირველ სახის დაბრუნება დავიწყო, იქ არსებული საავტომობილო გზა ჩამოიშლება, თუ თვითონ აიღებენ პასუხისმგებლობას და სახელმწიფოზე მიყენებული ზარალის ანაზღაურებას არ მომთხოვენ, მაშინ კი ბატონო, პრობლემა არ არის“, - ამბობს ემზარ ასპანიძე.

სააგენტოს ინფორმაციით, ამ დროისთვის სივრცის დაგეგმარებისა და მართვის გეგმის შემუშავება მიმდინარეობს, დოკუმენტის მომზადებამდე კი ისტორიული კომპლექსის მიმდებარედ სამშენებლო ნებართვებს არ გასცემენ: „ეს არის კომპლექსური დოკუმენტი, რომელზეც მუშაობს ინფრასტრუქტურის სამინისტრო, კულტურული მემკვიდრეობის დაცვის სააგენტო, მათ შორის იუნესკოს ექსპერტების ჩართულობით. დოკუმენტის მომზადებაში ასევე გვეხმარება ამერიკის განვითარების სააგენტო“, - განმარტავენ კულტურული მემკვიდრეობის დაცვის სააგენტოში.

ამავე თემაზე:


ვარძიის პირდაპირ კომპანია 'ნიალა' მესხური სოფლის მსგავს სასტუმროს უკანონოდ აშენებდა

სამუშაოები სააგენტოს უარის მიუხედავად მიმდინარეობდა - ანთიძე ვარძიასთან სასტუმროს მშენებლობაზე

‘თუ უარს გვეტყვიან, თუთის ხეებს დავრგავ’ – ემზარ ასპანიძე ვარძიასთან სასტუმროს მშენებლობაზე

ვინ არის მოსკოველი ბიზნესმენი, რომელიც ვარძიაში სასტუმროს აშენებს

[თაკო ფეიქრიშვილი, ასპინძა]


25.02.2020 როდის დაიწყება სკოლებში საგაზაფხულო არდადეგები

24.02.2020 ახალციხის სამხატვრო სკოლაში ერთი დღით სწავლა შეწყდება

22.02.2020 პირველკლასელთა რეგისტრაცია მარტში დაიწყება

21.02.2020 სამცხე-ჯავახეთის უნივერსიტეტმა ავტორიზაცია გაიარა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

28.02.2020 ოპერატორის ვაკანსია ‘სამხრეთის კარიბჭეში’

26.02.2020 აბასთუმნის ფილტვის ცენტრში საკარანტინო მზადყოფნაა

26.02.2020 საქართველოში კორონავირუსის პირველი შემთხვევა დაფიქსირდა [პირდაპირი]

26.02.2020 გორელოვკაში ახლად გაკეთებული გარეგანათება დაზიანდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

მსგავს თემაზე

‘ნიალა’ ვარძიაში სასტუმროს მშენებლობას აღარ აპირებს
‘თუ უარს გვეტყვიან, თუთის ხეებს დავრგავ’–ემზარ ასპანიძე ვარძიასთან სასტუმროს მშენებლობაზე
ვარძიასთან სასტუმროს უკანონო მშენებლობის საქმე შესაძლოა სასამართლოში გაგრძელდეს
ვარძიის პირდაპირ  კომპანია 'ნიალა'  მესხური სოფლის მსგავს სასტუმროს უკანონოდ აშენებდა
სამუშაოები სააგენტოს უარის მიუხედავად მიმდინარეობდა-ანთიძე ვარძიასთან სასტუმროს მშენებლობაზე
სასტუმროს უკანონო მშენებლობა თუ გამწვანებისთვის მოწყობილი ტერასები - რა ხდება ვარძიასთან [Photo/Video]
მშენებლობა ვარძიაში არღვევს ისტორიულ ლანდშაფტს – ძეგლთა დაცვა გარემოს დაცვას მიმართავს