FM97.5 / LIVE

აბასთუმანი არჩევნებამდე ერთი დღით ადრე

მთავარისიახლე, არჩევნები 18.05.2019
აბასთუმანში საკრებულოს შუალედური არჩევნები, ხვალ 19 მაისს ჩატარდება. ადგილობრივები ამბობენ, რომ არჩევნებში მონაწილე ცხრა კანდიდატიდან, ისინი მხოლოდ „ქართული ოცნების“ კანდიდატს და მის საარჩევნო პროგრამას იცნობენ. დაბის ქუჩებშიც მარტო „ოცნების“ პლაკატებია გამოკრული.

აბასთუმანი არჩევნებამდე ერთი დღით ადრე
„ქართული ოცნების“ კანდიდატმა აბასთუმანში წინასაარჩევნო კამპანია გუშინ, 17 მაისს დაასრულა. ცხრა კანდიდატიდან გენადი ბოლქვაძე ერთადერთია, რომელიც კურორტის მოსახლეობასთან აქტიურ შეხვედრებს მართავდა. ამბობს, რომ გამარჯვების შემთხვევაში მისი მთავარი პრიორიტეტი, ადგილობრივებისთვის სოციალური პირობების გაუმჯობესება იქნება: „გამარჯვების მოლოდინი გვაქვს, დაველოდებით არჩევნების დღეს და აბასთუმნელების არჩევანს“.

ადგილობრივები ამბობენ, რომ აბასთუმანში ოპოზიციური პარტიების კანდიდატები ბოლო ორი კვირაში გამოჩდნენ, თუმცა ვერც მათ პარტიას და ვერც კანდიდატის ვინაობას ასახელებენ–„ვიცით რომ იყვნენ, სულ რამდენიმე წუთიანი შეხვედრები ჰქონდათ მოსახლეობასთან“.

„ერთადერთი ვინც ვიცი, ეს ოცნების კანდიდატი გენადი ბოლქვაძეა. მისმა პარტიამ ბევრი რამ გაკეთა ჩვენთვის. შეხედეთ აბასთუმანს როგორი მშენებლობები მიდის, სხვა კანდიდატები არ გვაინერესებს“,–ამბობს ადგილობრივი ჯულიეტა მელქონიანი.

საკრებულოს 2019 წლის 19 მაისის შუალედურ არჩევნებში მონაწილე ცხრავე კანდიდატი, N38 ადიგენის საარჩევნო ოლქში ერთდროულად 19 აპრილს, რეგისტრაციის ბოლო დღეს დარეგისტრირდა. ამ თარიღიდან მოყოლებული „სამხრეთის კარიბჭე“ უშედეგოდ ცდილობს მათთან დაკავშირებას. ჩვენ კანდიდატების წარმდგენ პარტიებსაც დავუკავშირდით, თუმცა ვერც კონტაქტები მოვიპოვეთ და ვერც მათი წინასაარჩევნო პროგრამები.

ერთადერთი ვისაც „სამხრეთის კარიბჭე“ არჩევნებამდე სამი დღით ადრე დაუკავშირდა პარტია „მოძრაობა ახალი საქართველოა“, რომლის კანდიდატი მედეა სოლოდკოა. „მოძრაობა ახალი საქართველოს“ წარმომადგენელმა განგვიმარტა, რომ მედეა სოლოდკოა საარჩევნო სიაში „ტექნიკურად ჩასმული“ კანდიდატია და ამიტომ კურორტში საარჩევნო კამპანია არ ჩაუტარებიათ.

„ფორმალურად ჩავსვით, რომ კანდიდატი გვყოლოდა, მოლოდინი არ გვაქვს ხალხის მხარდაჭერის, თუმცა ადგილზე ჩვენი პარტია იქნება მისი მხარდამჭერი“,–განგვიმარტეს „მოძრაობა ახალ საქართველოში“.

ახალგაზრდა იურისტთა ასოციაციის იურისტი ქეთი ბებიაშვილი გვეუბნება, რომ საარჩევნო კანონმდებლობაში ტერმინი „ტექნიკურად ჩასმული“ არ არსებობს: „პარტია თავიანთ წარდგენილ კანდიდატს რას უწოდებს და რა მიზნით წარადგენს, ეს მათზეა დამოკიდებული, მაგრამ ნებისმიერ კანდიდატს თავისი პასუხისმგებლობა უნდა ჰქონდეს, მივიდეს ამომრჩეველთან და საარჩევნო პროგრამა გააცნოს“.

კურორტ აბასთუმანში რეგისტრირებული სულ 1 098 ამომრჩეველია, აქედან 33 გადასატანი ყუთის საშუალებით დააფიქსირებს საკუთარ არჩევანს.

2019 წლის 19 მაისის აბასთუმნის საკრებულოს შულედურ არჩევნებში შემდეგი კანდიდატები მიიღებენ მონაწილეობას:

1 „მოძრაობა სახელმწიფო ხალხისთვის” გიორგი კოღუაშვილი;

4 „ქრისტიან-დემოკრატიული მოძრაობა” ზურაბ ხუციშვილი;

21 „მოძრაობა ახალი საქართველოსთვის” მედეა სოლოდკო;

23 „ახალი ქრისტიანდემოკრატები” ანიკო ბუცხრიკიძე;

27 „პოლიტიკური პლატფორმა - ახალი საქართველო” დავით ალხანაშვილი;

33 „საქართველოს ძალოვან ვეტერანთა და პატრიოტთა პოლიტიკური მოძრაობა” ცისანა მელიქიძე;

38 „ეროვნულ-დემოკრატიული პარტია (ედპ)” დავითი ბახტაძე;

39 „ქრისტიანკონსერვატორები” გრიგორი დარსანია;

41 „ქართული ოცნება - დემოკრატიული საქართველო” გენადი ბოლქვაძე;

აბასთუმანი არჩევნებამდე ერთი დღით ადრე

[ლუბა გიორგაძე, ადიგენი]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

30.03.2020 სამცხე–ჯავახეთში ტემპერატურა –5 გრადუსამდე დაეცემა

29.03.2020 რომის პაპმა წმინდა პეტრეს ცარიელ მოედანზე ლოცვა მარტომ აღავლინა

28.03.2020 1.1 მილიონი დოლარი საქართველოს ამერიკისგან

28.03.2020 რეკომენდაციები ენდოკრინოლოგისგან

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

აბასთუმანში ბოლო დღეს ერთდროულად ცხრა კანდიდატი დარეგისტრირდა
წინასწარი მონაცემებით, აბასთუმანში ‘ოცნების’ კანდიდატმა გაიმარჯვა
N2 აბასთუმნის საარჩევნო უბანი 20:00 საათზე დაიხურა
დეპუტატობის ‘უჩინარი’ კანდიდატები აბასთუმანში
აბასთუმანში 'ქართულმა ოცნებამ' ხმების 93,89% მიიღო
თვითმმართველობის არჩევნებში მონაწილე სუბიექტების საარჩევნო ნომრები ცნობილია
ცესკომ 19 მაისის არჩევნებისთვის კანდიდატების რიგითი ნომრები განსაზღვრა