FM97.5 / LIVE

ახალციხეს ბრიტანეთის პარლამენტის ლორდთა და თემთა პალატის წევრები ესტუმრნენ

მთავარისიახლე, პოლიტიკა, საზოგადოება 07.05.2019
ახალციხის ციხეს დიდი ბრიტანეთიდან ელჩები, ასევე, პარლამენტის ლორდთა და თემთა პალატის წევრები ეწვივნენ. დიპლომატიური ტური გაერთიანებულ სამეფოში საქართველოს საელჩომ დაგეგმა.

ახალციხეს ბრიტანეთის პარლამენტის ლორდთა და თემთა პალატის წევრები ესტუმრნენ

30 დიპლომატის რეგიონში ვიზიტის მიზანი ქვეყნის პოპულარიზაცია, ქართული სამზარეულოსა და ღვინის, ასევე, ტურისტული ძეგლების გაცნობაა. სამცხ–ჯავახეთში მათ ჯერ ბორჯომის მინერალური წყლის ქარხანა და ისტორიული პარკი ნახეს, დღეს, შვიდ მაისს კი ახალციხის ციხე დაათვალიერეს.

დიპლომატებს შორის არიან გაერთიანებულ სამეფოში აკრედიტირებული და ყოფილი ელჩებიც. მათ შორისაა დიდი ბრიტანეთის თემთა პალატის წევრი და საქართველო-ბრიტანეთის საპარლამენტო მეგობრობის ჯგუფის წარმომადგენელი პოლ ფარლი ქალაქ ნიუკასლიდან: „ჩემთვის როგორც ინგლისის ახალციხელისთვის დიდი სიამოვნებაა ვსტუმრობდე საქართველოს ახალციხეს. იაპონიაში, ამერიკაში, კანადაში, გერმანიაში ასევე არის ახალციხეები, აქაურებს ქალაქში ფანტასტიიური ციხე გაქვთ, იმედი მაქვს, რომ ერთ დღეს ყველა ახალციხელი აქ შევიკრიბებით“.

დიდი ბრიტანეთისა და ჩრდილოეთ ირლანდიის გაერთიანებულ სამეფოში საქართველოს საგანგებო და სრულუფლებიანი ელჩის თამარ ბერუჩაშვილის თქმით, ვიზიტის მიზანი როგორც კულტურულ, ასევე, ეკონომიკურ ჭრილში საქართველოს შესახებ ცნობადობის ამაღლებაა: „ეს ტური სახალხო დიპლომატიის არაჩვეულებრივ მაგალითს წარმოადგენს, მეორეს მხრივ კი ამას სერიოზული პოლიტიკური დატვირთვაც აქვს, დიპლომატებთან ერთად საოკუპაციო ხაზსაც ვეწვევით“.

დიპლომატები საქართველოში ხუთ მაისს ჩამოვიდნენ. მათ უკვე ნახეს თბილისი, ყვარელი და ქუთაისი. ელჩები და პალატის წევრები ქვეყანაში 11 მაისამდე დარჩებიან, მანამდე კი საქართველოს პრეზიდენტს და პატრიარქსაც შეხვდებიან.

ახალციხეს ბრიტანეთის პარლამენტის ლორდთა და თემთა პალატის წევრები ესტუმრნენ

[ავთო ინასარიძე, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ბორჯომში დიდი ბრიტანეთის ელჩი იმყოფება
ბრიტანეთის ელჩის ვიზიტი ახალციხის უნივერსიტეტში
ახალი ამბები - 8 მაისი [აუდიო]
დიპლომატიური კორპუსისთვის სამცხე-ჯავახეთში შემეცნებითი ტური ეწყობა
ახალციხეს უკრაინიდან 14 ტურისტული კომპანიის წარმომადგენელი ეწვია
ახალციხელი პოლიტიკოსები ბრიტანეთის ევროკავშირიდან გასვლას აფასებენ
დიპლომატიური კორპუსის პირველი დღე სამცხე–ჯავახეთში