FM97.5 / LIVE

ახალციხის სკოლებში გათბობა გათიშეს – მოსწავლეები ამბობენ, რომ კლასებში ცივა

მთავარისიახლე, საზოგადოება 24.04.2019
ახალციხის საჯარო სკოლების ნაწილში გათბობა 15 აპრილიდან გაითიშა. მოსწავლეები ამბობენ, რომ საკლასო ოთახებში ცივა და გაკვეთილზე ქურთუკებით სხედან.

ახალციხის სკოლებში გათბობა გათიშეს – მოსწავლეები ამბობენ, რომ კლასებში ცივა

გარემოს ეროვნული სააგენტოს ინფორმაციით, აღმოსავლეთ საქართველოში ბოლო რვა დღის განმავლობაში ჰაერის მაქსიმალური ტემპერატურა დღე–ღამის განმავლობაში 13 გრადუსი იყო, ყველაზე დაბალი კი –1.

პირველი საჯარო სკოლის დაწყებითი კლასის მოსწავლეებს ნაწილი ამბობს, რომ იმ ოთახებში, სადაც მზე არ შედის ცივა, ამიტომ იძულებულები არიან გაკვეთილზე ქურთუკები ჩაიცვან: „როცა გარეთ ცუდი ამინდია კლასშიც გვცივა, ამიტომ ვუთხარი დედას, რომ უფრო თბილად ჩამაცვას“.

ახალციხის პირველი საჯარო სკოლის დირექტორის ჟუჟუნა გოგოლაურის განცხადებით, გათბობა შენობაში 10 აპრილს გათიშა, 15 აპრილამდე კი დილის საათებში ორი საათით რთავდა: „კანონის ფარგლებში ვმოქმედებ. პირველი აპრილიდან ითიშება სკოლებში გათბობა. მოდით და ნახეთ კლასებში თბილა, ფანჯრები აქვთ ღია. გაზი არის ძვირი სიამოვნება, ამიტომ ზედმეტად ვერ მოიხმარ“.

ცენტრალური გათბობა გათიშულია ახალციხის მეხუთე და მესამე საჯარო სკოლებშიც.

„ორი შვილი მყავს მესამე და მეორე კლასელი, რამდენიმე დღის წინ მითხრეს ბავშვებმა რომ გაკვეთილებზე სცივათ. გავბრაზდი და მასწავლებელსაც ვუთხარი“, – ამბობს მეხუთე სკოლის მოსწავლეების მშობელი.

მეექვსე საჯარო სკოლასა და კერძო სკოლა „მზექაში“ კლასები ამ დრომდე თბება. დირექტორები ამბობენ, რომ მანამდე იქნება გათბობა ჩართული ვიდრე ეციება.

„ამ კვირის ბოლომდე გვექნება გათბობა ჩართული, შემდეგ გავთიშავთ. თუ უამინდობა გაგრძელდება ისევ გავათბობთ კლასებს“, – ამბობს „მზექას“ დირექტორი ბელა კაპანაძე.

განათლების სამინისტროში აცხადებენ, რომ რეგულაცია როდის უნდა ჩაირთოს ან გამოირთოს გათბობა სკოლებში არ არსებობს, ამ გადაწყვეტილებას სკოლის დირექცია იღებს.

„ჩვენ აუცილებლად გავარკვევთ ამ საკითხს, თუ სკოლებში ცივა, ვეტყვით რომ ჩართონ გათბობა“, – აცხადებენ განათლების სამინისტროს საზოგადოებასთან ურთიერთობის სამსახურში.

გრძელვადიანი ამინდის პროგნოზის (amindi.ge) მიხედვით უამინდობა ახალციხეში 17 მაისამდე გაგრძელდება. მაქსიმალური ტემპერატურა 17–21 გრადუსს მიაღწევს, ღამის საათებში ტეპერატურა 5–7 გრადსამდე დაიწევს.

[თინათინ ზაზაძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.11.2019 ‘მე ვირჩევ თანასწორობას’ - საინფორმაციო კამპანია სამცხე-ჯავახეთში

20.11.2019 ბაღინაშვილის ქუჩის მოსახლეობა გზის რეაბილიტაციას ითხოვს

20.11.2019 ჯავახეთის დაცულ ტერიტორიებს ორი ახალი კოტეჯი დაემატა

20.11.2019 ახალციხის მერია საახალწლოდ ტკბილეულს შეიძენს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

მეექვსე საჯარო სკოლაში ისევ ცივა

ახალციხის მეექვსე საჯარო სკოლაში გათბობა ჩაირთო
ახალქალაქის სკოლებში ისევ შეშის ღუმელით გათბებიან
ახალციხეში 39  სკოლიდან 24  შეშის ღუმელით თბება
მესამე დღეა ახალციხის პირველ ბაგა–ბაღში გათბობა არ აქვთ
უნივერსიტეტის პირველ კორპუსში გათბობა გაითიშა