FM97.5 / LIVE

სხვილისში დაწყებული სამეზობლო დავა სასამართლოში გაგრძელდება

მთავარისიახლე, სამართალი 24.04.2019
ახალციხეში, სოფელ სხვილისში მცხოვრები ხაჩიკ გრიგორიანი საკუთარ მიწის ნაკვეთამდე შემოვლითი გზით მიდის. ამბობს, რომ გზა, რომლითაც წლების განმავლობაში გადაადგილდებოდა, მეზობლებმა ჩაუკეტეს. რამდენიმე თვიანი დავის მიუხედავად მხარეები ვერ მორიგდნენ, ამიტომ გრიგორიანმა სარჩელი სასამართლოში შეიტანა.

სხვილისში დაწყებული სამეზობლო დავა სასამართლოში გაგრძელდება

ხაჩიკ გრიგორიანი სხვილისში გზის პირზე ცხოვრობს. მას წლების განმავლობაში ბინა დაკეტილი ჰქონდა და ოჯახთან ერთად რუსეთში იყო წასული, სოფელში დაბრუნების შემდეგ კი საქონელი მოიშენა და ფერმაც გააკეთა. თუმცა ამბობს, რომ გზა რომელიც მის მიწის ნაკვეთს უკავშირდება და საქონელსაც ატარებდა, ახლა მეზობლებმა ქვებითა და ჯოხებით ჩაუხერგეს.

„ჩემი ეზოს გავლით მიწის ნაკევთამდე ვერ მივალ, რადგან გასავლელი წინ კიდევ რამდენიმე ადგილობრივის მიწაა, ამიტომ ცენტრალუტრი გზით უნდა მოვუარო. მეუბნებიან, ეს გზა შენ არ გეკუთვნისო. ამიტომ არც ჩემ ძროხებს ატარებენ. ამის გამო მიწევს, რომ ცენტრალური გზის შემოვლით ვატარო საქონელი იმისთვის, რომ ნახირს შეუერთდნენ“, – ამბობს გრიგორიანი.

მისი თქმით, გზა რომელიც მეზობლის ნაკვეთებზე გადის საერთოა და არავის აქვს უფლება იქ გავლა შეუზღუდოს.

გრიგორიანს დავა ორ მეზობელთან აქვს, თუმცა არცერთმა მათგანმა „სამხრეთის კარიბჭესთან“ საუბარი არ ისურვა: „რამენაირად მოვაგვარებთ საქმეს“, – გვითხრეს მათ.

საქმის მოსაგვარებლად კი გრიგორიანმა უკვე სასამართლოს მიმართა. მის ინტერესებს ადვოკატი ლარისა შელეკიძე დაიცავს.

„მეზობლებს არანაირი უფლება არ აქვთ, რომ საერთო გზით სარგებლობა შეუზღუდონ გრიგორიანს. მათ ხაჩიკს არასწორი ნახაზები უჩვენეს, რომ თითქოს ამ გზაზე ერთ–ერთი ნაკვეთი მათი საკუთრებაა და სწორედ ამიტომ აქვთ უფლება გზაზე გავლა აეკრძალათ“, – ამბობს შელეკიძე და ამატებს, რომ ვითარების უკეთ გასარკვევად კომპანია შპს „უნივერსალ პლიუსს“ ექსპერტიზის ჩატარება დაუკვეთეს – „აღნიშნულმა კომპანიამ მოახდინა აღნიშნული მიწის ნაკვეთების ვიზუალური დათვალიერება და მის გარშემო არსებული სიტუაციების შესწავლა, რომელიც შედარებულ იქნა საჯარო რეესტრის რეგისტრირებულ და წარმოებაში მყოფ მონაცემებთან. ექსპერტიზის მიხედვით, გრიგორიანის მიწის ნაკევთამდე მისასვლელი გზა, რომელიც ახლა ქვებით და ტოტებითაა ჩახერგილი, ნამდვილად დაურეგისტრირებელია და მისით სარგებლობა მომჩივანს შეუძლია“.

ახალციხის რაიონულ სასამართლოში გრიგორიანმა სარჩელი 23 მარტს შეიტანა, თუმცასხდომა ჯერ არ ჩანიშნულა.

[მარიამ ბარძიმაძე, ახალციხე]


19.06.2019 საგამოცდო ბარათების ამობეჭდვა აპლიკანტებს 20 ივნისიდან შეეძლებათ

19.06.2019 სკოლებში დასაქმებული მასწავლებლებიდან საპენსიო ასაკის მქონე 16 406 პედაგოგია

17.06.2019 17 ივნისს სკოლებში სამეურვეო საბჭოს არჩევნები გაიმართება

16.06.2019 ახალციხის N1 საბავშვო ბაღს სრული რეაბილიტაცია ჩაუტარდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.06.2019 რა პერსპექტივა აქვს მესხურ პროდუქციას ევროპულ ბაზარზე [ფოტო/ვიდეო]

26.06.2019 კახარეთის სკოლაში ახალ საპირფარეშოს ააშენებენ

26.06.2019 აწყურის ტაძრის რეაბილიტაციას ოთხი მილიონი ლარი დაემატება

26.06.2019 'ახალციხელობის' ღონისძიებების განრიგი ცნობილია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

„ფარავან ჰესის“  მშენებლობის გამო დაზარალებული თბილისის საქალაქო სასამართლოს მიმართავს
სამეზობლო დავა ავტოფარეხსა და მიწის ნაკვეთზე
სასამართლომდე მისული სამეზობლო დავა ახალქალაქში
იური ჯიმშერაძემ სასამართლოდან სარჩელი უკან გამოიხმო
ინფორმაცია მიწის რეგისტრაციის მსურველთათვის
გოდერძის გზის მშენებლობა ადიგენში 11 ადგილობრივის ნაკვეთს ეხება
ელგუჯა მაზმიშვილს დაპირებულ  მიწის ნაკვეთს არ აძლევენ