FM97.5 / LIVE

წინასაარჩევნო განწყობები აბასთუმანში

მთავარისიახლე, საზოგადოება, არჩევნები 22.04.2019
27 დღეში აბასთუმანში ადგილობრივი თვითმმართველობის შუალედური არჩევნები გაიმართება. თუმცა, ჯერ კურორტზე ისევ საპრეზიდენტო არჩევნები გეგონება, მოსაცდელებსა და გარეგანათების ბოძებზე გამოკრული სალომე ზურაბიშვილის პლაკატებია.

წინასაარჩევნო განწყობები აბასთუმანში

აბასთუმნელები ერთ თვეში ცხრა კანდიდატიდან ერთ–ერთს აირჩევენ. მიუხედავად, ადიგენის ერთადერთ უბანზე კანდიდატების სიმრავლისა, დაბას არჩევნების მოახლოება დიდად არ ეტყობა.

„რა აზრი აქვს ჩემს არჩევნებზე მისვლას და ხმის მიცემას?! ყველაფერი ისედაც გადაწყვეტილია! სხვა კანდიდატებიც რომ იყვნენ, ისიც კი არ ვიცი ვის უნდა ენდო და შემოხაზო, ან ეს არჩევნები საერთოდ რას შეცვლის“, – ამბობს ადგილობრივი სულხან თეთრუაშვილი.

აბასთუმნელების ნაწილი ღიად აცხადებს, რომ „ოცნების“ კანდიდატს ხმას არ მისცემს: „ნებისმიერ სხვას მივცემდი ხმას ოღონდ ოცნებას არა. ოღონდ ეგენი სამუდამოდ წავიდნენ და სხვა არაფერი მინდა, არც ხალხს პატრონობენ და არც ქვეყანას, ყველას საკუთარი ინტერესები აქვს“.

ნაწილი კი ამბობს, რომ იმას მისცემს ხმას, ვინც ბიძინა ივანიშვილის წარმომადგენელი იქნება: „როგორ არ მივცემთ ხმას „ოცნებას“ რამდენი კანდიდატიც უნდა ყავდეთ სხვა პარტიებს. კარმები დაგვირიგა ბატონმა ბიძინამ, ამდენი მშენებლობები მიდის, მეტი რაღა გვინდა?!“ – კითხულობს როზა იორდანიანი.

მის მოსაზრებას იზიარებს ადგილობრივი რევაზ ვაშაძე. მას სჯერა, რომ „ოცნების“ კანდიდატი გენადი ბოლქვაძე აბასთუმენლებს ყველა პრობლემას მოუგვარებს: „კურორტზე ყველა ვიცნობთ, კარგი ადამიანია პიროვნულადაც და გვჯერა რომ ჩვენს პრობლემებს მიიტანს საკრებულომდე“.

„ქართულმა ოცნებამ“ გენადი ბოლქვაძე დეპუტატობის კანდიდატად საარჩევნო ოლქში რეგისტრაციამდე რამდენიმე კვირით ადრე წარადგინა, მას კურორტზე უკვე შტაბიც გახსნილი აქვს და კამპანიასაც აქტიურდ აწარმოებს, თუმცა ჯერ წინასაარჩევნო დაპირებების შესახებ „სამხრეთის კარიბჭესთან“ სასაუბროდ ვერ მოიცალა. რაც შეეხება რეგისტრირებულ სხვა პარტიების კანდიდატებს, მათ შესახებ ცნობილი ორი დღის წინ გახდა, ამ დრომდე „სამხრეთის კარიბჭემ“ ვერცერთ მათგანთან დაკავშირება ვერ შეძლო.

ადიგენში წარმოდგენილმა ოპოზიციურმა პარტიებმა „ევროპულმა საქართველომ“ და „ნაციონალებმა“ კი თავიდანვე განაცხადეს, რომ „ტყუილად აბასთუმანში არჩევნებზე რესურსის ხარჯვას არ აპირებენ“. რაც შეეხება, კანდიდატების ერთდროულად რეგისტრაციას, პარტიის წარმომადგენლები ამბობენ, რომ ეს მხოლოდ ფორმალობაა და ასე „ოცნებას“ კონკურენტუნარიანი გარემოს შექმნა უნდა.

„იმხელა რესურსი აქვს გამოყენებული ბიძინა ივანიშვილს აბასთუმანში, რომ ჩვენი მხრიდან კანდიდატის წარდგენას აზრი არ აქვს. თუმცა, საარჩევნო პროცესებს აუცილებლად დავაკვირდებით. ახლა ერთდროულად დაარეგისტრირეს ისეთი კანდიდატები ხალხი რომ საერთოდ არ იცნობს და სურთ დემოკრატიული ფონი შექმნან “, – ამბობს „ევროპული საქართველოს“ ადიგენის რაიონული ორგანიზაციის თავმჯდომარე სიმონ პარუნაშვილი.

„ნაციონალები“ კი ეჭვობენ, რომ ცხრა კანდიდატიდან რვა წინასაარჩევნო კამპანიაში საერთოდ არ ჩაერთვება: „აგერ წარმოადგინეს ცხრა კანდიდატი და ვნახოთ, საერთოდ ჩაერთვებიან თუ არა წინასაარჩევნო კამპანიაში“ – აცხადებს ენმ–ს ადიგენის რაიონული ორგანიზაციის თავმჯდომარე დავით ოგანესიანი.

შუალედურ არჩევნებზე მონაწილე ცხრა კანდიდატიდან ყველა მათგანის ერთ დღეს დარეგისტრირება ეჭვებს უჩენს არასამთავრობო ორგანიზაციების წარმომადგენლებსაც.

„შესაძლოა ისინი ფორმალურად დარეგისტრირდნენ. საინტერესოა, ექნებათ თუ არა მათ საარჩევნო პროგრამა და ჩაერთვებიან თუ არა წინასაარჩევნო კამპანიაში“, – ამბობს „ახალგაზრდა იურისტთა ასოციაციის“ იურისტი ქეთი ბებიაშვილი.

2019 წლის 19 მაისს აბასთუმანში შუალედური არჩევნები ჩატარდება. აბასთუმანში რეგისტრირებული სულ 1 098 ამომრჩეველია.

წინასაარჩევნო განწყობები აბასთუმანში

[ლუბა გიორგაძე, ადიგენი]


14.08.2020 სკოლებში სწავლა 15 სექტემბერს დაიწყება

14.08.2020 ჯანდაცვის სამინისტრომ სკოლებისთვის ახალი რეკომენდაციები შეიმუშავა

13.08.2020 სად და რომელ ფაკულტეტებზე შეძლებთ სწავლას უფასოდ

12.08.2020 ნინოწმინდაში 3 მლნ ლარად სკოლის რეაბილიტაცია იგეგმება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.08.2020 რეგიონ ლიგაში სამცხე–ჯავახეთიდან 4 გუნდი იასპარეზებს – სეზონი იწყება

13.08.2020 ‘დავიღალეთ ასე ცხოვრებით’ - ნინოწმინდის 8 დასახლებაში გასხვისებულ საძოვრებს აპროტესტებენ

13.08.2020 რომელ კონფესიებს აფინანსებენ სამცხე-ჯავახეთში ადგილობრივი თვითმმართველობები

13.08.2020 მგფ სამცხე–ჯავახეთში 3 საჯარო სკოლას გაარემონტებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.08.2020 სიმტკიცე და სიმაგრე ციხე–ქალაქ თმოგვისა [აუდიო]

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

მსგავს თემაზე

‘ბიძინამ კარმები დაარიგა, ჩვენ ხმას ვინ მოგვცემს'– ‘ევროპელებს’ აბასთუმანში კანდიდატი არ ეყოლებათ
დეპუტატობის ‘უჩინარი’ კანდიდატები აბასთუმანში
აბასთუმანში შუალედურ არჩევნებზე კანდიდატი მხოლოდ ‘ოცნებას’ ეყოლება
აბასთუმანში ბოლო დღეს ერთდროულად ცხრა კანდიდატი დარეგისტრირდა
აბასთუმანი არჩევნებამდე ერთი დღით ადრე
აბასთუმანში დეპუტატობის კანდიდატი ‘ოცნებიდან’ გენადი ბოლქვაძეა
შუალედურ არჩევნებზე არალში მხოლოდ ერთი კანდიდატი იქნება