FM97.5 / LIVE

ახალციხეში, ორსართულიანი კორპუსის ერთადერთი მცხოვრები მერიას დახმარებას სთხოვს

მთავარისიახლე, ეკონომიკა, საზოგადოება 16.04.2019
ახალციხეში, კლდიაშვილის 29–ში, ორსართულიანი კორპუსის ერთადერთი მცხოვრები, პენსიონერი ჟუჟუნა ზედგინიძე დაზიანებული სახურავის გადახურვას ითხოვს. წვიმის დროს კორპუსში წყალი ისე ჩამოდის, რომ პირველ სართულამდე აღწევს.

ახალციხეში, ორსართულიანი კორპუსის ერთადერთი მცხოვრები მერიას დახმარებას სთხოვს

ორსართულიან კორპუსში სულ ოთხი ბინაა, თუმცა ბოლო ორი წლის განმავლობაში აქ, მხოლოდ ჟუჟუნა ზედგინიძე შემორჩა, სხვებმა სახლები დაკეტეს და საცხოვრებლად სხვაგან გადავიდნენ. ზედგინიძე პირველ სართულზე ცხოვრობს და როგორც თავად ამბობს, ყოველი წვიმის დროს კორპუსის სახურავიდან წყალი ისე ჟონავს, რომ მის სახლამდე აღწევს და ოთახებს აზიანებს.

„სულ დამპალია კოჭები, ოდნავ თოვლი, რომ დააწვეს ნახევარ სახლს სახურავს გადახდის. მთლიანად თუ არ შეიცვალა, ისე ვერ გამაგრდება ეგ. აქ ვინც ცხოვრობდნენ იმათ კი ველაპარაკე, რომ ფული აგვეგროვებინა და გაგვეკეთებინა, რადგან მათი სახლებიც ზიანდება, მაგრამ ვერ შევკრიბეთ თანხა“, – გვიყვება ზედგინიძე.

აღნიშნული კორპუსის სახურავი რომ დაზიანებულია, ახალციხის მერიაში იციან. შარშან მრავალბინინიანი კორპუსების რეაბილიტაციის დროს, თვითმმართველობების წარმომადგენლებმა დაათვალიერეს და ჟუჟუნა ზედგინიძეს გადასახურად თუნუქიც მისცეს.

„წყალი, რომ ნახეს ჩამოსული სახლში, მომცეს სახურავი, მაგრამ გარაჟში მაქვს დალაგებული. ხელოსანი რომ მოვიყვანე იმან მითხრა, კოჭები თუ არ გამოცვალე, ამას ვერაფერზე დავამაგრებთო. პენსიონერი ვარ, მე არც კოჭების საყიდელი ფული მაქვს და არც გადახურვის“, – ამბობს ჟუჟუნა ზედგინიძე.

როგორც თავად ამბობს, მას შემდეგ მერიას კორპუსის გადახურვა არაერთხელ სთხოვა: „ამ წლის ბიუჯეტში გათვალისწინებული არ გვაქვს და მომავალი წლისთვის დაგეხმარებითო. მომავალ წელს ეს სახლი სულ ჩამოინგრევა, ყველა კუთხეში წყალი ჩამოდის, რომ გაწვიმდება“.

ახალციხის მუნიციპალიტეტის მერიის საზოგადოებასთან ურთიერთობის სამსახურში გვითხრეს, რომ ქალაქში მრავალბინიანი სახლების გადახურვა ეტაპობრივად მიმდინარეობს და აღნიშნული კორპუსიც გადაიხურება, თუმცა ეს წელს იქნება თუ მომავალ წელს, ჯერ არ იციან: "ასევე შეკეთდება კიბეც, ისიც ავარიულია. რაც შეეხება მაგ კორპუსში მცხოვრებისთვის გადასახურ მასალას, მას თუნუქი იმიტომ მივეცით, რომ მაშინ სახურავი სტიქიამ დააზიანა".

ახალციხეში, ორსართულიანი კორპუსის ერთადერთი მცხოვრები მერიას დახმარებას სთხოვს

ახალციხეში, ორსართულიანი კორპუსის ერთადერთი მცხოვრები მერიას დახმარებას სთხოვს

ახალციხეში, ორსართულიანი კორპუსის ერთადერთი მცხოვრები მერიას დახმარებას სთხოვს

[თორნიკე ზაზაძე, ახალციხე]


13.08.2019 რას მოუტანს Erasmus + სამცხე-ჯავახეთის უნივერსიტეტს

13.08.2019 ახალციხელმა თამთა პეტაშვილმა ლიეტუვის სახელმწიფო დაფინანსება მოიპოვა

12.08.2019 ჯილდოს მსურველი პენსიონერი პედაგოგები სკოლაში ახალი კადრის შერჩევამდე დარჩებიან

10.08.2019 ახალციხელი მასწავლებელი დაჯილდოვდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.08.2019 ვინ იმღერებს 'ბორჯომობის' დღესასწაულზე

14.08.2019 დიდ პამაჯში ხანძარი ლიკვიდირებულია [ფოტო/ვიდეო]

14.08.2019 სამცხე-ჯავახეთში რაგბის განვითარების პერსპექტივებზე იმსჯელეს ®

14.08.2019 ბაკურიანში სამი ახალი საბაგირო აშენდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

ახალციხეში, სახურავგადახდილ კორპუსში წყალი ჩასდით [PHOTO]
ვინ შეაკეთებს ახალციხეში კორპუსის გადახდილ სახურავს
ახალციხეში, სტიქისგან სახურავგადახდილ კორპუსში წყალი ჩადის
რატომ გადახადა მეხუთე ე.წ. წითელი სახურავი ქარმა კორპუსს
ბორჯომში ნახანძრალ კორპუსში მცხოვრებლები მერიას დახმარებას სთხოვენ [Photo/Video]
ზარზმელის  ქუჩის #55–ში მცხოვრებლები ეზოს მოწესრიგებას ითხოვენ
ოთხთვიანი ლოდინის შემდეგ, ასპინძის ქუჩაზე,  უსახურავო კორპუსის გადახურვა დაიწყო