FM97.5 / LIVE

პროტესტი აზავრეთის სკოლაში - მოსწავლეები მთელი კვირაა გაკვეთილებზე არ დადიან

მთავარისიახლე, საზოგადოება, განათლება 12.04.2019
ახალქალაქში, სოფელ აზავრეთის სკოლის მოსწავლეები და მათი მშობლები ახალი სკოლის აშენებას ითხოვენ, ამის გამო, უკვე მეოთხე დღეა, პროტესტის ნიშნად, ბავშვები გაკვეთილებს არ ესწრებიან - სკოლაში სასწავლო პროცესი მთლიანად შეჩერებულია.

პროტესტი აზავრეთის სკოლაში - მოსწავლეები მთელი კვირაა გაკვეთილებზე არ დადიან

აზავრეთის სკოლა, რომელშიც 200-ზე მეტი მოსწავლე სწავლობს, წლებია დაზიანებულია. აქ ცუდ მდგომარეობაშია სკოლის სახურავი, კედლები და იატაკი. მშობლები ამბობენ, რომ პროტესტს მანამდე გააგრძელებენ, ვიდრე ახალი სკოლის აშენების დაპირებას არ მიიღებენ. აქციას, რომელიც 8 აპრილს დაიწო, მხარს სკოლის ადმინისტრაციაც უჭერს.

„ჩემს შვილიშვილს უფლებას არ მივცემ რომ სკოლაში იაროს. იქ ძალიან საშიშია“, – ამბობს სააგენტო jnews.ge-სთან საუბარში ერთ-ერთი მოსწავლის ბებია, სარგის თამამიანი.

მასწავლებლები ამბობენ, რომ სკოლაში სიარული საშიშია და იხსენებენ შემთხვევას, როდესაც ერთ-ერთ მოსწავლეს ჭერიდან ქვიშა ჩამოეყარა. „მშობლები ეშინიათ და ბავშვებს არ უშვებენ სკოლაში. ყოველდღე ვხედავდით რომ მოსწავლეთა რიცხვი ნელ-ნელა იკლებდა“,–ამბობს jnews.ge-სთან აზავრეთის სკოლის პედაგოგი, ანაიდ თამამიანი.

ახალქალაქის მერი იური უნანიანი ამბობს, რომ სკოლის გარემონტება დაგეგმილია, ახალი სკოლის ასაშენებლად კი მუნიციპალიტეტს სახსრები არ აქვს. რემონტის დასრულებამდე, იგი მოსწავლეებს მეზობელი სოფლის, ბურნაშეთის სკოლაში სწავლას სთავაზობს.

„ან კაპიტალური რემონტი უნდა გაკეთდეს სკოლის, ან კიდევ ახალი უნდა აშენდეს, დღეს მუნიციპალიტეტს ამხელა შესაძლებლობა არ აქვს,რომ სკოლა ააშენოს. მაგას 4 მილიონამდე ხომ მაინც სჭირდება. მათი პროტესტი არასწორია და ვფიქრობ, რომ ბავშვებმა სკოლაში უნდა იარონ. მუნიციპალური განვითარების ფონდს აქვს ამ სკოლის რეაბილიტაცია გეგმაში“, – ამბობს უნანიანი.

მუნიციპალური განვითარების ფონდში განმარტავენ, რომ სკოლის რეაბილიტაცია წელს დაიწყება. ტენდერს მაისის ბოლოს გამოაცხადებენ. სწორედ ამის შემდეგ გაირკვევა რა თანხა დასჭირდება სამუშაოებს, რომელიც 2020 წლისთვის უნდა მოესწროს.

პროტესტი აზავრეთის სკოლაში - მოსწავლეები მთელი კვირაა გაკვეთილებზე არ დადიან

პროტესტი აზავრეთის სკოლაში - მოსწავლეები მთელი კვირაა გაკვეთილებზე არ დადიან
სალომე ყულჯანიშვილის ფოტოები

[მარიამ ბარძიმაძე, ახალქალაქი]


16.09.2019 დღეს საჯარო სკოლებში სწავლა იწყება

14.09.2019 ახალციხელმა მოსწავლეებმა წიგნის კითხვის კონკურსში გაიმარჯვეს

13.09.2019 ეროვნული გამოცდებისთვის უნივერსიტეტებმა დამატებითი საგნები შეარჩიეს

13.09.2019 ზარზმის რეაბილიტირებულ სკოლაში სწავლა ოქტომბერში დაიწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.09.2019 ახმეტელის თეატრი ახალციხეში – ფესტივალის მესამე დღე

15.09.2019 ფარეხასთან ავარიის შედეგად დაშავებული მკურნალობას თბილისში გააგრძელებს

14.09.2019 ასპინძაში ერთი ტრაილერი მეორეს შეეჯახა

14.09.2019 რას ნახავთ დრამატურგიის ფესტივალის მეორე დღეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

მსგავს თემაზე

მეორე კვირაა მოსწავლეები აზავრეთის სკოლაში არ დადიან – პროტესტი გრძელდება
აზავრეთში გაფიცული მოსწავლეებისთვის ალტერნატიულ ფართს არჩევენ
აზავრეთის სკოლის მოსწავლეებმა სწავლა განაახლეს
დილისკასა და აზავრეთის მოსახლეობა სკოლების რეაბილიტაციას ითხოვს
ზარზმის რეაბილიტირებულ სკოლაში სწავლა ოქტომბერში დაიწყება
მოხეს სკოლის რეაბილიტაციისთვის საპროექტო სამუშაოებზე ტენდერი გამოცხადდა
ბუღაშენში შვილების სკოლაში გაშვება ეშინიათ