FM97.5 / LIVE

ქალები მძიმე ჩანთებით [Photo/Video]

მთავარისიახლე, საზოგადოება, SK TV, რეპორტაჟი 08.03.2019
დილაუთენია დგებიან, საქონელს უვლიან, თბილ-თბილ რძეს ბოთლებში ასხამენ, საკუთარი ხელით ამოყვანილ ყველსა და სათბურიდან აღებულ ბოსტნეულს ჩანთებში აწყობენ და ქალაქისკენ მიეშურებიან. ზოგი პროდუქტს ახალციხის ეზოებში ყიდის, ზოგი - ბაზარში, თუმცა სურვილი ერთია - ჩანთა საღამოს მსუბუქი იყოს.

ქალები მძიმე ჩანთებით [Photo/Video]

ეთერ ბერიძე და ანაიდ ვოსკანიანი სოფელ მინაძიდან ახალციხეში კვირაში ორჯერ ჩამოდიან და რძეს, ყველსა და კვერცხს ჩანთებითა და პარკებით მყიდველებთან ეზიდებიან.

ანაიდს, სამი შვილიშვილის ბებიას, სამსახური არასდროს ჰქონია. დილაობით, ქალაქში წამოსვლამდე სახლის საქმეს ასწრებს, საქონელსა და ქათმებსაც უვლის, შემდეგ ჩანთებს ავსებს და სოფლის გაჩერებაზე ეთერს ელოდება.



ეთერს ცალ ხელში ფეხსაცმელი უჭირავს, მეორეში პროდუქტების ჩანთა. გაჩერებასთან მისვლისთანავე ტალახიან კალოშს იხდის და საგანგებოდ ქალაქისთვის წამოღებულ ფეხსაცმელს იცვამს.

დაახლოებით 10 წუთში, მინაძე-ახალციხის სამარშრუტო ტაქსს ისინი ახალციხეში, რუსთაველის ქუჩაზე მიჰყავს. კორპუსის აივნებზე გადმომდგარმა დიასახლისებმა ამ დროს უკვე იციან, რომ სოფლის ახალი პროდუქტი მათ ეზოშია.

მუდმივი მომხმარებელი ჰყავთ და ამ ერთგულებას ძალიან აფასებენ. სჯერათ, რომ თუკი მათი პროდუქტი მუდამ ახალი იქნება, მყიდველიც მეტი ეყოლებათ.

ქალები მძიმე ჩანთებით [Photo/Video]
ეთერ ბერიძე და ანაიდ ვოსკანიანი


„25 წელია, რძეს, ყველსა და კვერცხს ვყიდი, ეს ყველაფერი, ასე, 10 კლიენტისთვის ჩამომაქვს. მათი ძალიან კმაყოფილი ვარ, ერთხელ რომ გასინჯეს და მოეწონათ იმის მერე მათთვის ვმუშაობ. ამით ვირჩენ თავს“, – ეთერსა და მის მეუღლეს ჯერ პენსია არ აქვთ. მათი ძირითადი შემოსავალი ეთერის საქმე და პატარა მიწის ნაკვეთია, რომელზეც თავისთვის სამყოფი ბოსტნეული მოჰყავთ.

ქალები მძიმე ჩანთებით [Photo/Video]

დამღლელი დღის ბოლოს, იგივე სამარშრუტო ტაქსს ქალები უკან მინაძეში მიჰყავს. ჩანთები უკვე ცარიელი და მსუბუქია. შინ დაბრუნების შემდეგ შეუძლიათ, თავს ცოტა დასვენების და ჭიქა ყავასთან ერთად, საკუთარ პრობლემებზე საუბრის უფლებაც მისცენ.



ნარინე და მარიამ პოზოიანები ბაზარში სავაჭროდ ნარინეს მეუღლეს მანქანით სოფელი წყრუთიდან ჩამოჰყავს. ნარინე და მარიამი რძლები არიან, ამიტომ რძე, ყველი, მწვანილი და კარტოფილი გასაყიდად ყოველთვის ერთად მოაქვთ. დილაობით ახალციხეში, ბაზრის შესასვლელში სოფლებიდან პროდუქტების გასაყიდად ჩამოსულებს ერთი რიგი უკავიათ. მათ შორის იკავებენ ადგილს ნარინე და მარიამიც, წინ სოფლის ნობათს აწყობენ და მყდიველს ელოდებიან. რძლები ბაზრის შესასვლელში იქამდე დგანან, ვიდრე ყველაფერს არ გაყიდიან. მათგან პროდუქტს როგორც მუდმივი კლიენტები, ასევე, გადამყიდველებიც ყიდულობენ და მერე უფრო ძვირად ყიდიან.

ნარინე პოზოიანი მეუღლესთან, ორ შვილთან, დედამთილთან და მამამთილთან ერთად ცხოვრობს. ამბობს, რომ განსაკუთრებით სათბურის მოვლა უყვარს: „სათბურიც გვაქვს და ოთხი ძროხავ გვყავს. დილაობით სულ რვა საათზე ვდგები, ჯერ ძროხებს ვუვლი და მერე სახლში საჭმელს ვაკეთებ“.

ქალები მძიმე ჩანთებით [Photo/Video]
მარიამ და ნარინე პოზოიანები


ნარიანე 17 წლის გათხოვდა, ამბობს, რომ ამის გამო ბავშვობის ოცნება, მედდა გამხდარიყო ვერ აისრულა: „ისევ მინდა, რომ მედდა ვიყო, მაგრამ არ მცალია. რაღაცნაირად ცუდად ვხდები–ხოლმე, როცა ავადმყოფ ადამიანს ვუყურებ. ამ დროს განსაკუთრებით მინდა, რომ რამე ვუშველო. ჩემით ერთადერთი ნემსის გაკეთება ვისწავლე“.

16 წლის გათხოვდა მარიამ პოზოიანიც. ერთი შვილის დედა ახლა 21 წლისაა. დილა მისთვის ათ საათზე იწყება. ამბობს რომ მთელ დღეს, ძირითადად, სახლში სამი წლის ბიჭთან ერთად ატარებს და დედამთილს საოჯახო საქმეებში ეხმარება. მისი ოცნება სოფელში საკუთარი სალონის ქონაა: „ძალიან მინდა, რომ სოფელში სალონი გავხსნა, ვისწავლო კოსმეტოლოგია, თმის შეჭრა და ვიმუშაო“.

ქალები მძიმე ჩანთებით [Photo/Video]

ნარინეს და მარიამს თავისუფალ დროს მაღაზიებში საყიდლებზე სიარული უყვართ: „თავისუფალი დრო მაქსიმუმ ორი საათი თუ გვექნება მაგრამ უჰ, რომ იცოდეთ როგორ გვიყვარს საყიდლებზე სიარული. როცა შესაძლებლობა გვაქვს, ერთად მივდივართ და ვყიდულობთ ტანსაცმელს. კლასიკური ტანსაცმელი ყველაზე მეტად გვიყვარს“.

ქალთა საერთაშორისო დღეს, რვა მარტს, არც ნარინე და მარიამ პოზოიანები და არც ეთერ ბერიძე და ანაიდ ვოსკანიანი აღნიშნავს. ამბობენ, რომ „რვა მარტი მათთვის ერთი ჩვეულებრივი დღეა და მხოლოდ ის გაახარებთ, თუ სოფლისან ჩამოტანილ პროდუქს დრულად გაყიდიან და სახლში უფრო სწრაფად დაბრუნებას შეძლებენ“.

ქალები მძიმე ჩანთებით [Photo/Video]

[მარიამ ბარძიმაძე, ნანა ინასარიძე – ახალციხე]


22.03.2019 ახალციხელი მოსწავლე ‘გურული დღიურების’ სტიპენდიანტი გახდა

21.03.2019 ‘კატის’ გამოცდებმა არ გაამართლა’– სოფო გორგოძე სკოლის გამოცდების გაუქმებაზე

20.03.2019 'ტაძარი არ გვაქვს და სხვა გზა არაა' – სოფელი სალოცავად ანდის სკოლაში დადის

20.03.2019 ახალციხელ აბიტურიენტებს ეროვნულ გამოცდებთან დაკავშირებული სიახლეები გააცნეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.03.2019 ახალციხელ მოსწავლეს, შესაძლოა, ‘გურული დღიურების’ სტიპენდია შეუწყდეს

22.03.2019 ‘მესხეთის უნივერსიტეტის’ რედაქტორს სერგეი მესხის სახელობის პრემია მიანიჭეს

21.03.2019 სამცხე–ჯავახეთი რობიზონ მაქაძის ობიექტივში – ოპერატორი 35–წლიანი სტაჟით [Video]

21.03.2019 ‘გული უნდა დაცალო წრფელად, ისე ლექსს ვერ დაწერ’– რა აწერინებთ ახალგაზრდა პოეტებს? [Video]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

როცა ხუთი შვილის დედა ხარ
ექვსი შვილის დედა ღრელიდან [Photo]
სამი გოგოს პროფესიული არჩევანი - ხელობა ფინანსური თავისუფლებისთვის
შვიდი შვილის მამა: 'მამის დღის აღნიშვნა ჩემთვის სტიმულია'
„მაისიდან დავიჯაფებით“  – ქალები სოფელ ურაველიდან [Photo]
ხელობა, როგორც დამოუკიდებლობის წყარო – ქალები სამკერვალოებსა და სალონებიდან [Photo]