FM97.5 / LIVE

'Amphora Beer' – ასპინძაში ქვევრის ლუდს ამზადებენ [Video]

მთავარისიახლე, ეკონომიკა, საზოგადოება 05.03.2019
ასპინძაში ლუდის მოყვარულებმა სახლში, აქამდე არარსებული მეთოდით, ქვევრში ლუდის დამზადება დაიწყეს და იმდენად გემრიელი გამოვიდა, რომ გასაყიდად ჯერ ახალციხეში, შემდეგ კი თბილისსა და გუდაურშიც გაიტანეს.

'Amphora Beer' – ასპინძაში ქვევრის ლუდს ამზადებენ [Video]

„თავიდან მე და ჩემმა მამიდაშვილმა ჩვენთვის გავაკეთეთ, გავსინჯეთ და ისეთი გემოს ლუდი მივიღეთ, ორივემ გადავწყვიტეთ სერიოზულად მოგვეკიდა ამ საქმისთვის ხელი,“ – ასე დაიწყეს ალექსანდრე მელიქიძემ და მისმა მამიდაშვილმა, ზაზა ზედგინიძემ ლუდის წარმოება სახლში.

ალექსანდრე მელიქიძე წლების განმავლობაში ასპინძის საკრებულოს თავმჯდომარე იყო, თუმცა როგორც თავად ამბობს, პოლიტიკის კეთებას ლუდის კეთება ამჯობინა და პირველად სახლში დამზადება 2016 წელს სცადა. ამის მერე გაჩნდა ლუდის ქვევრში დაყენების იდეაც: „ქვევრში ლუდის დაყენება ჩემმა მამიდაშვილმა ზაზამ მოიფიქრა, ეს საერთოდ ინოვაცია იყო, დღეს საქართველოში ქვევრის ლუდი, მხოლოდ აქ კეთდება“.

თავდაპირველად დიდი ხარჯის გაწევა მოუწიათ, იმის გამო, რომ ჯერ ტექნოლოგიების შესახებ ბევრი რამ არ იცოდნენ, 22 ტონა ლუდი გაუფუჭდათ: „ბევრი არაფერი ვიცოდით, თურმე ყველაფერი გაცილებით რთულად ყოფილა. ფერმენტაცია ძალიან გაგვიჭირდა. მაგრამ ეშხში ვიყავით შესული და ვაგრძელებდით ლუდის დაყენებას, მერე გერმანიიდან 76 წლის ლუდის სპეციალისტი ჩამოვიყვანეთ. ყველაფერი მან გვასწავლა, ქვევრის იდეამ ისიც მოხიბლა, ჭკვიანური ჩანაფიქრიაო“, – გვიყვება ალექსანდრე.

ბიძაშვილ–მამიდაშვილები ასპინძაში ამჟამად ორი სახის, ქვევრის ღია და ქვევრის მუქ ლუდს ამზადებენ. მუქ გაუფილტრავ ლუდს „ოქტობერფესტი“ ჰქვია, მის დასამზადებლად სამი სახის ალაოს იყენებენ. ქვევრის ღიას კი ოთხი სახის ალაოსგან ამზადებენ. ორივე ლუდში ალკოჰოლის შემცველობა დაახლოებით 4.5%–ია.



როგორც მწარმოებელი გვიყვება, ლუდის დამზადების მთავარი ინგრედიენტები წყალი, ალაო, სვია და საფუარია. ლუდის გემოსა და მასში ალკოჰოლის შემცველობას კი ალაოს ხარისხი და რაოდენობა განსაზღვრავს. ალექსი მომავალი წლიდან ლუდის ახალი სახეობების დაყენებას გეგმავს: „ორი წელია რაც მხოლოდ ორ სახეობას ვაწარმოებთ, მომავალ წელს კი რვა სახეობის ალაო გვექნება და შვიდი სახეობის ლუდს გავაკეთებთ“.

მწარმოებლის თქმით, ადგილობრივი ბაზარი წარმატებით აითვისეს. ასპინძის ქვევრის ლუდი ამჟამად ვარძიაში, ახალციხეში, თბილისსა და გუდაურში იყიდება.

ლუდის შესახებ ქვეყნის გარეთაც გაიგეს: „შარშან პრაღაში ლუდის ფესტივალზე მიგვიწვიეს, იყვნენ ამერიკის საელჩოდანაც, გერმანელები კი ყველაზე ხშირად ინტერესდებიან“, – გვიყვება ალექსანდრე.

ორწლიანი წარმოების შემდეგ, ალექსანდრე საკუთარ ეზოში მესხური ოდის სტილში ლუდის სადეგუსტაციო კუთხის და ბარის მშენებლობას გეგმავს: „აქ მოვლენ ლუდის მოყვარულები და მათთვის ლუდის სპას მოვაწყობთ. ასევე მოეწყობა ბარიც“.

ლუდის შეძენა სხვადასხვა ქალაქების რესტორნებსა და კაფე–ბარებშია შესაძლებელი, თუმცა მომავალ წელს, ქვეყნის პირველი ქვევრის ლუდი ასპინძის მაღაზიების დახლებზეც გამოჩნდება.

'Amphora Beer' – ასპინძაში ქვევრის ლუდს ამზადებენ [Video]

[ავთო ინასარიძე, ნანა ინასარიძე, ასპინძა]


22.02.2020 პირველკლასელთა რეგისტრაცია მარტში დაიწყება

21.02.2020 სამცხე-ჯავახეთის უნივერსიტეტმა ავტორიზაცია გაიარა

19.02.2020 შრომატევადი და დაძლეული საქმე - მენტორის სტატუსის მქონე მასწავლებლები სამცხე-ჯავახეთიდან

13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.02.2020 ფარავანჰესის დაცლის გამო, მდინარის სიახლოვეს გადაადგილება აიკრძალა

23.02.2020 ‘ტაო’ ქუთაისის ‘არესს’ შეხვდა

23.02.2020 მთავრობა ირანთან ფრენებს აუქმებს

23.02.2020 ‘რაც საჭირო იქნება, გავაკეთებთ’ - პრემიერი ირანთან ფრენების შეზღუდვაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

ბორჯომში ლუდის ფესტივალი გაიმართება
ახალციხეში ლუდის ბარი გაქურდეს
ქვევრის ღვინის  საერთაშორისო კონკურსში მესხურმა ღვინომ ბრინჯაოს დიპლომი აიღო
ახალციხეში ახალი საშაურმე გაიხსნა (R)
სასტუმრო 'New Grand' – 'White House' – ის ახალი სიცოცხლე [R]
ნიუ-იორკში ქვევრის ღვინისა და ქართული ღვინის კულტურის შესახებ წიგნის პრეზენტაცია გაიმართა [R]
მესხური ღვინო საფრანგეთში, ღვინის გამოფენაზე