FM97.5 / LIVE

სამცხე–ჯავახეთის სამი დეპუტატიდან ორმა ენმ–ს რეჟიმად გამოცხადებას მხარი დაუჭირა

მთავარისიახლე, პოლიტიკა 22.02.2019
პატრიოტთა ალიანსის რეზოლუციას, რომელიც "სააკაშვილი-ბოკერიას რეჟიმის" ძალადობრივ რეჟიმად გამოცხადებას გულისხმობდა, სამცხე–ჯავახეთის სამი მაჟორიტარი დეპუტატიდან მხარი ორმა დაუჭირა, ერთი კი ამ დღეს სხდომას არ ესწრებოდა.

სამცხე–ჯავახეთის სამი დეპუტატიდან ორმა ენმ–ს რეჟიმად გამოცხადებას მხარი დაუჭირა

"სააკაშვილი-ბოკერიას რეჟიმის" ძალადობრივ რეჟიმად გამოცხადების დოკუმენტს, გუშინ, 21 თებერვალს, 61 დეპუტატიდან მხარი 45-მა დაუჭირა, თუმცა ეს რეზოლუციის მისაღებად საკმარისი არ იყო და ეს საკითხი პარლამენტში ჩავარდა.

ახალციხე–ადიგენის მაჟორიტარი დეპუტატი "ქართული ოცნებიდან" გიორგი კოპაძე ერთ–ერთია იმ 45 დეპუტატს შორის რომელმაც რეზოლუციას მხარი დაუჭირა: „მე დავეთანხმები ყველაფერს რაც „ნაციონალურ მოძრაობას“ წინააღმდეგობას გაუწევს, რაც მათთვის ცუდი იქნება. ისინი არიან დამნაშავეების მოძრაობა. ყველა ფაქტი რაც რეზოლუციაშია მოყვანილი ვეთანხმები. ისინი უნდა გასამართლდნენ, ყოველთვის ვიქნები მათ წინააღმდეგ მიმართული ღონისძიებების მხარდამჭერი. ვინც არის ამაში მონაწილე, ვინც აწამებდა ხალხს, ვინც ფლანგავდა სახელმწიფო რესურსებს. ყველა არის დამნაშავე“.

რეზოლუციას მხარი დაუჭირა ბროჯომი–ასპინძის მაჟორიტარმა დეპტატმა გედევან ფოფხაძემაც. რატომ მიიღო მან ეს გადაწყვეტილება უცნობია. ფოფხაძემ ჩვენ სატელეფონო ზარებს არ უპასუხა.

ახალქალაქი–ნინოწმინდის მაჟორიტარი დეპუტატის ენზელ მკოიანის სახელი და გვარი არც მომხრეების და არც მოწინააღმდეგეების სიაშია. „სამხრეთის კარიბჭეს“ ზარს მკოიანის მობილურ ტელეფონზე მისმა თანაშემწემ უპასუხა: „ენზელი არ იყო მაგ დღეს სხდომაზე და ამ თემაზე საუბარი არ უნდა“.

სამცხე–ჯავახეთში „ნაციონალური მოძრაობის“ რაიონული ორგანიზაციების წარმომადგენლები აცხადებენ, რომ „პარლამენტში დეპუტატები ასეთ სისულელეებზე საუბრით არ უნდა დაკავდნენ“.


"დანაშაულებრივი რეჟიმი, რომელიც არის საზოგადოებამ კარგად იცის, მაგრამ ზოგს პირში აქვს წყალი ჩაგუბებული, ზოგი კორუმპირებულია, ზოგი კი შეშინებული. ვის რა გაუკეთებია ყველაფერი უნდა გაითვალისწინონ, კარგიც და ცუდიც", – ამბობს "ნაციონალური მოძრაობის" ასპინძის რაიონული ორგანიზაციის ხელმძღვანელი მალზახ მოსიძე.

პროექტი, რომელიც პარლამენტში გუშინ განიხილეს პარტია პატრიოტა ალიანსმა მოამზადა. იგი დოკუმენტში ყოფილი პრეზიდენტის, მიხეილ სააკაშვილისა და მისი ყოფილი თანაგუნდელის, გიგა ბოკერიას მმართველობის პერიოდს "ავტორიტარულს" უწოდებს.

"ექვსი თვის ვადაში პასუხისმგებლობა დაეკისროს სააკაშვილ-ბოკერიას დანაშაულებრივი რეჟიმის ყველა მთავარ ფიგურანტს, სათანადოდ დაისაჯონ ყველა რეზონანსული საქმის დამნაშავე პირები. საქართველოს პარლამენტმა უზრუნველყოს ამ რეზოლუციის აღსრულების ოპერატიული კონტროლი", — ნათქვამია რეზოლუციის განმარტებით ბარათში.

[თინათინ ზაზაძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

30.03.2020 სამცხე–ჯავახეთში ტემპერატურა –5 გრადუსამდე დაეცემა

29.03.2020 რომის პაპმა წმინდა პეტრეს ცარიელ მოედანზე ლოცვა მარტომ აღავლინა

28.03.2020 1.1 მილიონი დოლარი საქართველოს ამერიკისგან

28.03.2020 რეკომენდაციები ენდოკრინოლოგისგან

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

გამოკითხვა: უნდა გამოცხადდეს თუ არა 'ნაციონალური მოძრაობა' რეჟიმად? [Video]
პარლამენტში გენდერულ კვოტირებაზე კანონპროექტი ჩავარდა
'თუ დამნაშავეა, დაისჯება'– გიორგი კოპაძემ ნიკა მელიას იმუნიტეტის შეჩერებას მხარი დაუჭირა
ევროპარლამენტმა საქართველოს ვიზალიბერალიზაციას მხარი დაუჭირა
კოპაძემ და მკოიანმა პროპორციულ საარჩევნო სისტემაზე გადასვლას მხარი არ დაუჭირეს
გედევან ფოფხაძე: კანონპროექტი ბიძინა ივანიშვილის დაკვეთით ჩავარდა
ფოფხაძე: ისეთი გადაწყვეტილება უნდა მივიღოთ, რომელიც სათნო იქნება ღვთისთვის