FM97.5 / LIVE

სტუდენტებს შესაძლოა ფაკულტეტის შეცვლა აეკრძალოთ – შეფასებები უნივერსიტეტიდან

მთავარისიახლე, განათლება 08.02.2019
განათლების სისტემაში დაგეგმილი ცვლილების მიხედვით, შესაძლოა, სტუდენტებს ჰუმანიტარულიდან ტექნიკურ და ტექნიკურიდან ჰუმანიტარულ ფაკულტეტზე გადასვლა აეკრძალოთ. სამცხე–ჯავახეთის უნივერსიტეტში სტუდენტებისა და პროფესორების ნაწილი ცვლილებას დადებითად, ნაწილი კი უარყოფითად აფასებს.

სტუდენტებს შესაძლოა ფაკულტეტის შეცვლა აეკრძალოთ – შეფასებები უნივერსიტეტიდან

ცვლილების მიზეზად მისაღებ გამოცდებზე ჩაბარებული საგნები სახელდება – თუ ჰუმანიტარული ფაკულტეტიდან სტუდენტს საბუთები ტექნიკურზე გადააქვს მას მათემატიკა ჩაბარებული არ აქვს და პირიქით, თუ დავუშვათ ტექნიკურიდან გადააქვს საბუთები ჰუმანიტარულზე, სტუდენტს ჩაბარებული არ აქვს ისტორიის გამოცდა.

„ამ ცვლილების მიზანი ისაა, რომ გავზარდოთ უნივერსიტეტების ავტონომიურობა მათი არჩევანის მიხედვით და მაქსიმალურად შევცვალოთ დღევანდელი ცუდი პრაქტიკა, როდესაც შესაძლებელია ტექნიკურ სფეროებში მოხვედრა ჰუმანიტარული საგნებით. ძალიან მნიშვნელოვანია ისტორიაც, გეოგრაფიაც, მაგრამ, მაგალითად, რომ გახდე პროგრამისტი, ამისთვის გჭირდება სხვა უნარები“, – ამბობს განათლების მინისტრი მიხეილ ბატიაშვილი.

სამცხე–ჯავახეთის უნივერსიტეტის სტუდენტმა თამარ ჭიკაიძემ იურიდიულ ფაკულტეტზე ჩააბარა, მაგრამ ახლა ისტორიის მეოთხე კურსის სტუდენტია. იგი შესაძლო აკრძალვას ფაკულტეტების შეცვლასთან დაკავშირებით უარყოფითად აფასებს. მას საბუთები ტექნიკურიდან ჰუმანიტარულ ფაკულტეტზე არ გადაუტანია, თუმცა ფიქრობს, რომ პროფესიის შეცვლის უფლება ახალგაზრდებს სასწავლებლებში აუციებლად უნდა ეძლეოდეთ: „სკოლის მოსწავლეებს სრულად უნდა მიაწოდონ ფაკულტეტის შესახებ ინფორმაცია, მათ თავიდან არ იციან, თუ რატომ აბარებენ ამა თუ იმ სპეციალობაზე და შემდეგ იმიტომ უჩნდებათ სურვილი შეცვლის. თუ ამისი საშუალება აღარ ექნებათ ახალგაზრდებს, ეს ძალიან ცუდი იქნება“.

დაანონსებულ ცვლილებას არ იზიარებს სამცხე–ჯავახეთის უნივერსიტეტის პროფესორი, გერმანული ენის სპეციალისტი ლალი ბერიძე: „სკოლის მოსწავლე შესაძლოა ტექნიკური მიმართულებით იყოს ძლიერი, მაგრამ უნივერსიტეტში მისი შეხედულებები შეიცვალოს. ჩემი დის შვილის მაგალითზე შემიძლია გითხრათ, რომ სკოლაში მათემატიკაში ძლიერი იყო და უმაღლესშიც ამ მიმართულებით სწავლობდა, მაგრამ მეორე კურსზე მოისურვა სწავლა ხელოვნების შესავალ კურსზე გაეგრძელებინა. ეს ახალგაზრდების არჩევანია და პატივი უნდა ვცეთ“.

ცვლილებას დადებითად აფასებს ამავე უნივერსიტეტის პროფესორი, ეკონომიკის დოქტორი როინ თათეშვილი: „როდესაც სტუდენტი ჰუმანიტარულიდან ბიზნესის ადმინისტრირებაზე გადადის ან პირიქით, მას არ აქვს საწყისი ცოდნა და მაღალი კურსის გამოწვევებს ვერ პასუხობს, შესაბამისად უჭირს სწავლა, ამიტომ ამ ცვლილებას დადებითად ვაფასებ“.

სამცხე–ჯავახეთის უნივერსიტეტის განათლების, ჰუმანიტარულ და სოციალურ მეცნიერებათა ფაკულტეტის დეკანი გულიკო ბექაური ფიქრობს, რომ შესაძლო აკრძალვას აქვს როგორც დადებით, ასევე უარყოფი მხარეები: „უარყოფითი ისაა, რომ სკოლიდან მოსულმა შესაძლოა არასწორი არჩევანი გააკეთოს და ამას წლების შემდეგ მიხვდეს, ამ შემთხვევაში უნდა ჰქონდეს შეცდომის გამოსწორების უფლება. დადებითი კი ისაა, რომ როდესაც სტუდენტი ორი წლის განმავლობაში, მაგალითად ისტორიას სწავლობს და ორი წლით მათემატიკას, საბოლოო ჯამში მისგან არაკვალიფიცირებულ სპეციალისტს ვიღებთ. მე თუ მკითხავთ ბევრი ფაქტორია გასათვალისწინებელი ვიდრე ამ საკითხთან დაკავშირებით გადაწყვეტილებას მიიღებენ“.

განათლების მინისტრმა, მიხეილ ბატიაშვილმა განათლების სისტემაში დაგეგმილი ცვლილებების შესახებ, გუშინ, შვიდ თებერვალს საქართველოს პარლამენტში სიტყვით გამოსვლისას ისაუბრა.

[ავთო ინასარიძე, ახალციხე]


05.12.2019 წიგნიერების დონით ქართველი მოსწავლეები, 79 ქვეყანას შორის ბოლოდან მერვე ადგილზე არიან

03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.12.2019 შაბათის საკითხავი

06.12.2019 ახალციხეში სამშენებლო სამუშაოები უსაფრთხოების ნორმების დარღვევით მიმდინარეობს

06.12.2019 ბაკურიანში სასტუმროების 75% უკვე დაჯავშნილია –როგორ ხვდება კურორტი ზამთრის სეზონს

06.12.2019 6 დეკემბერს კათოლიკე ეკლესია წმინდა ნიკოლოზის ხსენების დღეს აღინიშნავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

მსგავს თემაზე

‘უფასო ფაკულტეტებმა სტატუსშეჩერებული სტუდენტების რაოდენობა შეამცირა’ – შეფასებები ახალციხიდან
უნივერსიტეტში სტუდენტური თვითმმართველობის პრეზიდენტს აირჩევენ
ჩაჭრილი სტუდენტების ბედი
სამცხე–ჯავახეთის უნივერსიტეტში წელს სტატუსი 82 სტუდენტს შეუჩერდა
გარიცხულ და სტატუსშეჩერებულ სტუდენტებს შესაძლოა სასამართლოში უჩივლონ
დაუნის სინდრომის შესახებ სამცხე–ჯავახეთის უნივერსიტეტში შეხვედრა გაიმართა
რას მოუტანს სტუდენტებს სამცხე-ჯავახეთის უმაღლესი სასწავლებლის შეცვლილი სტატუსი