FM97.5 / LIVE

სამცხე-ჯავახეთის თვითმმართველობებში პრემია–დანამატებისთვის 300 000–ზე მეტი გაიცა

მთავარისიახლე, ეკონომიკა 06.02.2019
2018 წელს სამცხე-ჯავახეთის მერიებსა და საკრებულოებში პრემია–დანამატებისთვის ბიუჯეტებიდან, ჯამში, 338 951 ლარი დაიხარჯა. ერთადერთი მუნიციპალიტეტი, სადაც გასულ წელს თანამშრომლებისთვის პრემია–დანამატი არ გაცემულა ასპინძაა.

სამცხე-ჯავახეთის თვითმმართველობებში პრემია–დანამატებისთვის 300 000–ზე მეტი გაიცა

ახალქალაქის მუნიციპალიტეტის საკრებულოში, 2018 წელს დანამატის სახით აპარატის თანამშრომლებზე 11 360 ლარი გაიცა. აქედან 8 960 ლარი აპარატის ყველა თანამშრომელზე გადანაწილდა. როგორც საკრებულოდან მიღებულ წერილში ვკითხულობთ, „საჯარო მოხელეებს დანამატი სამსახურეობრივ მოვალეობათა სანიმუშო შესრულებისა და კეთილსინდისიერებისთვის შეფასების შედეგების გათვალისწინებით მისცეს“. გარდა აღნიშნულისა, დეკემბერში, 1 300 ლარის ოდენობის დანამატი მიიღო აპარატის უფროსმა, ამავე თვეში კი 1 100 ლარი დაერიცხა განყოფილების უფროსს.

108 470 ლარი ერთჯერადი ფულადი ჯილდოს სახით გაიცა, გასულ წელს, ახალქალაქის მერიის 133 თანამშრომელზე. მათ ეს თანხა შობისა და ახალი წლის დღესასწაულებისთვის მიიღეს.

ნინოწმინდის საკრებულოში 2018 წელს პრემია–დანამატები არ გაცემულა. მერიაში დასაქმებულ ყველა თანამშრომელზე კი დანამატის სახით, ჯამში, 74 920 ლარი გაიწერა.

პრემია–დანამატები არც ადიგენის საკრებულოში მიუღიათ. მერიაში კი დანამატი, ჯამში 4 500 ლარის ოდენობით, მხოლოდ მერის წარმომადგენლებს დაერიცხათ. მათ ეს თანხა, როგორც ადიგენის მერიაში აცხადებენ, დამატებით შესრულებული სამუშაოსთვის მიიღეს.

ბორჯომის საკრებულოდან გამოთხოვილ საჯარო ინფორმაციაზე, პრემია–დანამატებთან დაკავშირებით, პასუხი ვერ მივიღეთ. მერიაში კი, 2018 წლის დეკემბერში, გარდა მერისა და მერის მოადგილისა, პრემია წახალისების მიზნით ყველა თანამაშრომელზე, ჯამში, 126 701 ლარი გაწერეს.

2018 წელს, ახალციხის თვითმმართველობაში პრემია–დანამატი 14–მა თანამშრომელმა მიიღო. მათ შორის მერიაში დანამატი ერთ პირზე, საკრებულოში კი პრემია 13 საჯარო მოხელეზე გაიცა.

რეგიონის მასშტაბით ასპინძა ერთადერთი მუნიციპალიტეტია, სადაც გასულ წელს პრემია–დანამატები არ გაცემულა.

2019 წელს კი საჯარო მოხელეების პრემია–დანამატებისთვის გასაცემად ბიუჯეტებში, ჯამში გაწერილი 76 ათას ლარზე მეტია.

[თორნიკე ზაზაძე, ახალციხე]


10.12.2019 საფეხური: რა იცვლება საჯარო სკოლებში [აუდიო]

10.12.2019 როდის დაიწყება სკოლებში ზამთრის არდადეგები

09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.12.2019 მთაში მცხოვრები პენსიონერები გაზრდილ პენსიას მიიღებენ

11.12.2019 მესხეთის ქუჩაზე დაზიანებული გზის და ცხაურების გაკეთებას ითხოვენ

11.12.2019 სამცხე–ჯავახეთის პოლიციის დეპარტამენტს ახალი დირექტორი ჰყავს

10.12.2019 ახალციხეში ადამიანის უფლებათა დაცვის საერთაშორისო დღე აღნიშნეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

მსგავს თემაზე

2018 წელს ახალციხის თვითმმართველობაში 13 000 ლარის პრემია–დანამატი გაიცა
ახალციხის მერიაში 7 თვეში 212.297 ლარის პრემია და დანამატი გაიცა
87.000 ლარის პრემია და დანამატი  ახალციხის მერიაში
რა ოდენობის პრემია და დანამატი გაიცა ახალციხის სასამართლოს თანამშრომლებზე
ახალციხის გამგეობაში 95 000–ლარამდე პრემია და დანამატი გაიცა
ახალციხის მერიაში საახალწლოდ 60 000–ლარამდე პრემია გაიცა
სამცხე–ჯავახეთის გუბერნიაში 44.105 ლარის პრემია/დანამატი გაიცა