FM97.5 / LIVE

ახალციხეში შვილმა დედა მარტომ დაასაფლავა – ფაქტს შსს იძიებს

მთავარისიახლე, საზოგადოება, სამართალი 04.02.2019
ახალციხეში, შუახნის კაცმა 80 წლის დედა ისე დაასაფლავა, რომ არავის შეატყობინა. გარდაცვლილი არც მეზობლებს უნახავთ. მომხდარზე ახალციხის რაიონულმა სამმართველომ გამოძიება დაიწყო.

ახალციხეში შვილმა დედა მარტომ დაასაფლავა – ფაქტს შსს იძიებს

დედა შვილი, ერთ–ერთ კორპუსში, ერთად ცხოვრობდნენ. დედა, ბოლო ორი წლის განმავლობაში, ლოგინად იყო ჩავარდნილი და შვილი უვლიდა. ქალი 27 იანვარს, საღამოს გარდაიცვალა და კაცმა იგი მეორე დღეს, 28 იანვარს მარტომ დაასაფლავა. თუმცა ვიდრე დაკრძალავდა, ახალციხეში, წმინდა მარინეს სახელობის ეკლესიაში წესის ასაგებად მიიყვანა.

მეზობლები ქალის გარდაცვალების ორ ვერსიაზე საუბრობენ. ნაწილი ამბობს, რომ "შვილს შემოაკვდა, რადგან ბინა, რომელშიც ცხოვრობდნენ უკვე გაყიდული ჰქონდა, ახალი მესაკუთრე სახლში უნდა შესულიყო და მოხუცს ვეღარაფეს უხერხებდა".

ნაწილი კი კაცის უდანაშაულობაში დარწმუნებულია: „ასაკში იყო და ალბათ ბუნებრივი სიკვდილით გარდაიცვალა. მაგრამ მიცვალებული არავის გვინახავს, არც სამძიმარზე მოსული დაგვინახავს ვინმე. კარგი ოჯახი იყო, მაგ სახლიდან ხმაური არ გამოსულა. ეს ბიჭი დედას პატარა ბავშვივით უვლიდა, აჭმევდა უცვლიდა, ცუდს ვერაფერს ვიტყვით".

გარდაცვლილის სახლი დაკეტილი დაგვხვდა. ოჯახის ახლობლები და მეზობლები ამბობენ, რომ ბინა შვილმა ნამდვილად გაყიდა.

„დედამისმა მინდობილობა გაუკეთა სიცოცხლეშივე და მალევე მოახერხა გაყიდვა როგორც ჩანს“, – გვითხრა გარდაცვლილის რძალმა, უფროსი შვილის ცოლმა, რომელიც მეზობელ კორპუსში ცხოვრობს, თუმცა მას დედამთილთან და მაზლთან ბოლო წლების განმავლობაში კონტაქტი არ ჰქონია.

მომხდარის შესახებ, გარდაცვლილი ქალის ნათესავებმა 30 იანვარს შეიტყეს და პოლიციში დარეკეს. ფაქტზე ძიება ახალციხის რაიონულმა სამმართველომ დაიწყო, თუმცა რძალს მიაჩნია, რომ აქ გამოსაძიებელი არაფერია, რადგან დარწმუნებულია, რომ შვილი დედას არაფერს დაუშავებდა: „მხოლოდ იმისთვის იქნება კარგი გვამის ექსპერტიზა, რომ ქალის ნათესავები დარწმუნდნენ, რომ ჩემი მაზლი არაფერშუაშია. შვილი დედის ნათესავებზე გაბრაზებული იყო, ასე ამბობდა სიცოცხლეში არავინ მოაკითხა და მიცვალებული მხოლოდ ჩემიაო. ამიტომ არ გააგებინა არავის ალბათ“.

გარდაცვლილის იმ ნათესავთან, რომელმაც პოლიციაში დარეკა, დაკავშირება ვერ შევძელით. ვერც მისი შვილის ვინაობას მივაგენით, ბინის გაყიდვის შემდეგ სად გადავიდა იგი საცხოვრებლად, მეზობლებმა და ნათსავებმა არ იციან.

წმინდა მარინეს სახელობის ეკლესიაში დეკანოზი სტეფანე ნადირაძე მხოლოდ იმას ამბობს, რომ „გარდაცვლილი ეკლესიაში შვილმა აიყვანა და მას წესი აუგო“.

მომხდარის დეტალებზე, გამოძიების ინტერესებიდან გამომდინარე, არც პოლიციაში საუბრობენ. აქ მხოლოდ ის გვითხრეს, რომ შვილს ქალის გარდაცვალების მოწმობა აქვს: „ამ ქალის შვილი, მეზობლები და ნათსავები უკვე დაიკითხნენ“.

გამოძიება სისხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს.

[მარიამ ბარძიმაძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.04.2020 ‘სამხრეთის კარიბჭეს ტელეფონი იციან და ჩვენი არა?!’ – ადიგენის მერის პასუხი აბასთუმნის მოსახლეობას

03.04.2020 წმინდა ცეცხლის გარდამოსვლის რიტუალს 10-15 ადამიანი დაესწრება

03.04.2020 რა შემთხვევაში გააგრძელებენ კომპანიები მუშაობას – ეკონომიკის მინისტრის განმარტება

03.04.2020 სამცხე–ჯავახეთში ცხელების ცენტრები გაიხსნა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ექიმმა, რომელმაც 80 წლის ქალის გარდაცვალების ცნობა გასცა, სამსახური დატოვა
ექსპერტიზის დასკვნა 80 წლის ქალზე, რომელიც შვილმა მარტომ დაასაფლავა
80 წლის ქალს, რომელიც შვილმა მარტომ დაკრძალა, ეგზგუმაცია ჩაუტარეს
80 წლის ქალის საქმეზე ძიება შეწყდა
ახალნამშობიარები გარდაცვლილი ქალის შვილი კლინიკიდან გაიყვანეს
მკვლელობა თუ თვითმკვლელობა – 31 წლის ქალის გარდაცვალების საქმე
ახალნამშობიარები გარდაცვლილი ქალის შვილი ისევ კლინიკაში რჩება