FM97.5 / LIVE

სამხარეო სამმართველოს შენობას დაკავებულები ეტაპობრივად ტოვებენ

მთავარისაზოგადოება 26.08.2013
ბოლო ნახევარი საათის განმავლობაში სამმართველოს შენობა კიდევ სამმა დაკავებულმა დატოვა.

სამხარეო სამმართველოს შენობას დაკავებულები ეტაპობრივად ტოვებენ
შენობიდან გამოსვლის შემდეგ ყველა მათგანი აცხადებს, რომ მათზე ზეწოლას ადგილი არ აქვს. ყველა მათგანს ჰკითხავენ და შემდგომ ათავისუფლებენ. მათივე ინფორმაციით, დაკითხვის შემდგომ გაათავისუფლებენ დანარჩენ დაკავებულებსაც.

შენობა უკვე დატოვა ათმა დაკავებულმა, შენობაში ამ დროისთვის 12 დაკავებული რჩება.

შსს ამ დრომდე არ ავრცელებს ინფორმაციას იმის შესახებ, რამდენი მოქალაქე დააკავეს დღეს სოფელ ჭელაში მინარეთის დემონტაჟის შედეგად განვითარებული მოვლენების დროს. შინაგან საქმეთა სამინისტროში ამბობენ, რომ ჭელაში მინარეთის დემონტაჟისას 6 ადამიანი დააკავეს.

„სამხრეთის კარიბჭეს“ ჭელაში მცხოვრებლებმა განუცხადეს, რომ სოფელში, მინარეთის დემონტაჟისას პოლიციისთვის წინააღმდეგობის გაწევის გამო 11 ადამიანი დააკავეს. ამათგან, 6 ადამიანი მძიმედ იყო ნაცემი. რამდენიმე ადგილობრივი მოგვიანებით, სამმართველოს ეზოში სპეცრაზმმა დააკავა. ისინი შენობაში შესვლას ცდილობდნენ.

შეგახსენებთ, რომ სოფელ ჭელაში დღეს, 26 აგვისტოს, მინარეთის დემონტაჟი განხორციელდა. მანამდე, 20 აგვისტოს, მინარეთის დემონტაჟის შესახებ ადიგენის საკრებულომ ბრძანება გამოსცა. მოტივად მინარეთის მშენებლობის ნებართვის გარეშე დამონტაჟება დასახელდა. პარალელურად, მუსლიმებს 200-ლარიანი ჯარიმა დაეკისრათ. თუმცა, მინარეთის დემონტაჟი დღეს გამგეობის ინიციატივით არ განხორციელებულა. შემოსავლების სამსახურმა გაავრცელა ოფიციალური ინფორმაცია, რომ მინარეთის დემონტაჟი შემოწმების მიზნით განხორციელდა.

მაშინ, როდესაც სოფელ ჭელაში მინარეთის დემონტაჟი მიმდინარეობდა, სოფელთან მისასვლელი გზა გადაკეტილი იყო. პოლიციამ მიზეზად გზაზე მომხდარი ავარია დაასახელა. „სამხრეთის კარიბჭეს“ გზის ამ მონაკვეთზე ფეხით გავლის საშუალებაც კი არ მისცეს. ამავე დროს, ავარიის შესახებ ინფორმაციას არ ფლობდნენ ახალციხის საპატრულო სამსახურში.

გზა მას შემდეგ გაიხსნა, როცა მინარეთის ნაწილები სოფლიდან პოლიციის ავტომანქანების კოლონით გამოიტანეს. სოფელში ასულ „სამხრეთის კარიბჭეს“ გზაზე ავარიის კვალი არ შეხვედრია.

მინარეთის წამოღების შემდეგ, სამი სოფლის: ჭელის, ჭეჭლისა და საირმის მცხოვრებლები ავტომანქანების კოლონით ახალციხეში გამოემართნენ და სამხარეო სამმართველოს შენობასტან შეიკრიბნენ. სამმართველოს შენობასთან ადგილი ჰქონდა ფიზიკურ შეხლა-შემოხლასაც. სამმართველოსთან შეკრებილები აცხადებენ, რომ იქამდე არ დაიშლებიან, ვიდრე ყველა დაკავებულს არ გაათავისუფლებენ.

მომხდარს გამოეხმაურნენ ქართველ მუსლიმთა კავშირი და ტოლერანტობის და მრავალფეროვნების ინსტიტუტი . სოფელ ჭელაში მომხდარ ამბავზე განცხადება გაავრცელა საქართველოს ევანგელურ-ბაპტისტური ეკლესიის მთავარეპისკოპოსმა მალხაზ სონღულაშვილმაც. ჭელაში მომხდარს გამოეხმაურა "ნაციონალური მოძრაობაც".

[Sknews.ge]


08.07.2020 ეროვნულ გამოცდაზე 10 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

06.07.2020 რატომ ვერ შენდება აბასთუმანში ავტოსადგომი - 9 მილიონიანი ტენდერი მესამედ გამოცხადდა

06.07.2020 ახალციხის 4 სოფელში სტიქიის მიერ მიყენებულ ზარალს ითვლიან

06.07.2020 'გამოსხივების გამო ცუდად ვხდებით' – ბოლაჯურში მაგთის ანძის გადატანას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ჭელის ინციდენტისას დაზარალებულები [Photo]
ჭელაში მინარეთის დემონტაჟი მიმდინარეობს
ჭელაში მომხდარს დღეს კანცელარიასთან გააპროტესტებენ
ლია მუხაშავრია: მთავარმა პროკურატურამ უნდა დაიწყოს ჭელის საქმის გამოძიება
 ვითარება ჭელაში მინარეთის დემონტაჟის შემდეგ [Photo]
ჭელაში დაკავებულები ისევ სამმართველოში რჩებიან
ჭელის მცხოვრებლების თქმით, პოლიციამ 11 ადამიანი დააკავა