FM97.5 / LIVE

‘ახალქალაქში ძეგლის დემონტაჟი უნდა მოხდეს, ქმედება უკანონოა', – იურისტი

მთავარისიახლე, სამართალი 25.01.2019
იურისტი შოთა თუთბერიძე ახალქალაქში, სოფელ ბუღაშენში, ყარაბაღის ომის გმირის ძეგლის დადგმის საკითხთან დაკავშირებით პასუხისმგებლობას თვითმმართველობას აკისრებს, ამბობს, რომ ქმედება უკანონოა და ძეგლის დემონტაჟი უნდა განხორციელდეს, გარდა ამისა, ის ვინც სოფელში მონუმენტი დადგა უნდა დაჯარიმდეს.

‘ახალქალაქში ძეგლის დემონტაჟი უნდა მოხდეს, ქმედება უკანონოა', – იურისტი

იურისტის შოთა თუთბერიძის თქმით, მომხდარის გამართლება იმით, რომ ძეგლი უკვე იდგა და ძველის ახლით შეცვლა ნებართვას აღარ საჭიროებდა, არასწორია.

„მონუმენტის შესაცვლელადაც უნდა გაცემულიყო ნებართვა. სახელმწიფომ უარყო ფორმალური მონაწილეობა ამ პროცესში. საქართველოს ოფიციალური პოზიცია ყარაბაღთან დაკავშირებით ის არის, რომ ჩვენ მხარს ვუჭერთ აზერბაიჯანის ტერიტორიულ მთლიანობას საერთაშორისოდ აღიარებულ ფარგლებში, აქედან გამომდინარე, ყარაბაღის ომის გმირის ძეგლის დადგმა და დაფიქსირება, რომ ის ჩვენი საზოგადოებისთვის გმირია, არ არის კარგი. ეს ეწინააღმდეგება საქართველოს ოფიციალურ პოზიციას. ნებისმიერ მუნიციპალიტეტში მიუხედავად ეთნიკური შემადგენლობისა, ამ ნაბიჯებს ფრთხილად უნდა მოვეკიდოთ“, – ამბობს თუთბერიძე.

იურისტი ფიქრობს, რომ ბუღაშენში ძეგლის დადგმის საკითხთან დაკავშირებით ახალქალაქის მერიამ მოკვლევა უნდა დაიწყოს: „ყველაფერს რომ თავი დავანებოთ, მხოლოდ იმიტომ უნდა აიღონ ძეგლი, რომ ის ნებართვის გაცემის გარეშეა დადგმული.

თვითმმართველობას ეს გაუფრთხილებლობით მოუვიდა, რადგან არ განიხლა და კონსულტაცია არ გაიარა ცენტრალურ ხელისუფლებასთან. როცა საქმე ეხება ისეთ მგრძნობიარე საკითხებს, როგორიც არის ვინმესთვის ძეგლის დადგმა, ან მემორიალური ობიექტის გახსნა, როგორც წესი არ წყდება მხოლოდ მუნიციპალიტეტის ბიუროკრატების მიერ. ეს უნდა მოხდეს საზოგადოების ფართო ფენების განხილვის შემდეგ. ყოველთვისაა ასეთ საკითხებში ჩართული კულტურის სამინისტროც“.

თუთბერიძე ამბობს, რომ ბუღაშენში მომხდართან დაკავშირებთ ახალქალაქის თვითმმართველობის თანამშრომლების მხრიდან, სამსახურეობრივი გულგრილობა იკვეთება: „თავი რომ დავანებოთ პოლიტიკურ წიაღს, როცა ადმინისტრაციის თანამშრომელმა ამ ძეგლის შესახებ გაიგო, კითხვა არ გაუჩნდა ნებართვა ხომარ სჭირდებათ მათ მონუმენტის დასადგმელადო?!“

20 იანვარს სოფელ ბუღაშენში ყარაბაღის ომის მონაწილის მიხეილ ავაქიანის ძეგლი დადგეს. ამ ფაქტმა საზოგადოების და აზერბაიჯანული მხარის უკმაყოფილება გამოიწვია. მომხდარის გამო საქართველოს ელჩი განმარტებებისთვის დაიბარეს აზერბაიჯანის საგარეო საქმეთა სამინისტროში.

ძეგლის გახსნის საზეიმო ღონისძიებას ადგილობრივ მოსახლეობასთან ერთად ახალქალაქის მუნიციპალიტეტის მერი, საკრებულოს თავმჯდომარე, პარლამენტის დეპუტატი ენზელ მკოიანი და სომხეთის ელჩი საქართველოში რუბენ სადოიანი ესწრებოდა.

ქალაქის მერმა იური უნანიანმა კი განაცხადა, რომ ძეგლის დადგმის შესახებ ინფორმაცია მის გახსნამდე ერთი დღით ადრე გაიგო.

იგივეს აცხადებს მუნიციპალიტეტის კულტურის სამსახურის უფროსი ვალერი სტელმაშოვიც: „მე არ მქონდა ინფორმაცია ძეგლის გახსნის შესახებ, არც გახსნის დღეს არ ვყოფილვარ სოფელში, სხვა ინფორმაცია არ მაქვს.

[sknews.ge]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

‘პასუხისმგებლობა თვითმმართველობას ეკისრება’– NGO-ები ყარაბაღის ომის მონაწილის ძეგლზე
ყარაბაღის ომის მონაწილის ძეგლის აღების მოთხოვნით პარლამენტთან აქცია გაიმართა
'ეს ძეგლი საქართველოსა და აზერბაიჯანის მეგობრულ ურთიერთობას ვერ შეცვლის' – თალაკვაძე
‘ეს ქვეყნებს შორის ურთიერთობას დაძაბავს’– ახალქალაქში ყარაბაღის ომის მონაწილის ძეგლი დადგეს
’ამ თემაზე აჟიოტაჟის ატეხვა ზედმეტია’ – საგარეო სამინისტრო ახალქალაქში დადგმულ ძეგლზე
‘სომეხმა სომეხს ძეგლი დაუდგა, ამაში ცუდი რა არის’ – შეფასებები სამცხე–ჯავახეთიდან
'როგორ გამორჩა სუს–ს ფაქტი, რომელმაც დიპლომატიურ სკანდალამდე მიგვიყვანა'– ხალილოვი