FM97.5 / LIVE

თავშესაფრის აშენებამდე მიუსაფარ ძაღლებს სტერილიზაცია–კასტრაციას უტარებენ

მთავარისიახლე, ეკონომიკა 22.01.2019
მიუსაფარი ძაღლების პრობლემა სამცხე–ჯავახეთის ყველა მუნიციპალიტეტში აქტუალურია. ვიდრე რეგიონში ცხოველების თავშესაფარი აშენდება, მუნიციპალიტეტების ნაწილში ძაღლებს სტერილიზაცია–კასტრაცია უტარდება.

თავშესაფრის აშენებამდე მიუსაფარ ძაღლებს სტერილიზაცია–კასტრაციას უტარებენ

ბორჯომის მერიამ უმეთვალყურეოდ დარჩენილი ოთხასამდე ძაღლის თავშესაფარში ტრანსპორტირებისთვის ტენდერი 25 000 ლარზე გამოაცხადა. ძაღლებს ტენდერში გამარჯვებული კომპანია, ქვეყნის მასშტაბით არსებულ ერთ–ერთ თავშესაფარში სტერილიზაცია–კასტრაციას ჩაუტარებს და სპეციალური საყურით დანიშნულს ისევ ქუჩაში დააბრუნებს.

„ამ ტენდერს ყოველი წლის დასაწყისში ვაცხადებთ. მაგალითად, გასულ წელს ტენდერში ქუთაისის თავშესაფარმა გაიმარჯვა. ვიდრე რეგიონს საკუთარი თავშესაფარი ექნება, პრობლემის მოგვარებას ასე ვცდილობთ“, - ამბობს ბორჯომის მუნიციპალიტეტის მერიის ინფრასტრუქტურის სამსახურის უფროსი გიორგი ყიფშიძე.

ძაღლებს სტერილიზაცია–კასტრაცია ახალციხის მუნიციპალიტეტში დეკემბერში ჩაუტარეს. ბორჯომისგან განსხვავებით, მიუსაფარი ცხოველების სტერილიზაცია ახალციხეში გასულ თვეში პირველად ჩატარდა. რეგიონის სხვა მუნიციპალიტეტებში კი მსგავსი ღონისძიებები ამ დრომდე არ გატარებულა.

„მიუსაფარი ძაღლების რაოდენობის აღწერის მიზნით, ახალქალაქის მერიაში სპეციალური კომისია შევქმენით, ერთი კვირის შემდეგ გვეცოდინება, თუ რამდენი მიუსაფარი ძაღლია ახალქალაქში, ამის მერე გადავწყვეტთ პრობლემის მოგვარებაზე როგორ ვიზრუნოთ“, – ამბობს აღნიშნული კომისიის ხელმძღვანელი ვაჩაგან ზორმუთიანი.

ნინოწმინდის მერიაში აცხადებენ, რომ მიუსაფარი ძაღლების პრობლემის მოგვარებასთან დაკავშირებით მითითებას გუბერნიიდან ელიან. „აქამდე სტერილიზაცია–კასტრაცია არ ჩაგვიტარებია, სამხარეო ადმინისტრაციის მითითებას ველოდებით, თავშესაფარი რომ აშენდება, შემდეგ ძაღლების რაოდენობის აღწერასაც დავიწყებთ“.

ცხოველების სტერილიზაცია–კასტრაციასთან დაკავშირებით ამ დრომდე არაფერია დაგეგმილი ადიგენსა და ასპინძაში.

„მიუსაფარი ძაღლების პრობლემა ასპინძაში ნაკლებად გვაქვს. არც მოსახლეობას მოუმართავს პრობლემის მოგვარების თხოვნით“, – გვითხრა ასპინძის მერის მოადგილემ ლევან ბერიძემ.

[ავთო ინასარიძე, ახალციხე]


20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.01.2020 არასამთავროები წულუკიანის მიერ ციხის ვიდეოს გასაჯაროებას კანონდარღვევად აფასებენ

21.01.2020 2020 წელს ახალციხის სკოლებისთვის მილიონზე მეტი დაიხარჯება

21.01.2020 ახალციხის საკრებულოში 13 240 ლარის ჯილდო გაიცა

21.01.2020 აშშ–ს ელჩი ვადაგასულ მედიკამენტებზე: 'ინფორმაციის გაშუქებამ პოლიტიზებული სახე მიიღო'

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ახალციხეში მიუსაფარ ძაღლებს სტერილიზაცია-კასტრაციას უტარებენ
ბორჯომის მერია მიუსაფარ ძაღლებს თავშესაფარში გადაიყვანს
სამცხე-ჯავახეთში  მიუსაფარი ცხოველების თავშესაფარის აშენება იგეგმება
'ძაღლებს სცემენ და მეც მომიძულეს' - ქუჩის ძაღლების გულშემატკივარი
შემაჯამებელი საინფორმაციო გამოშვება – 27 დეკემბერი [Audio]
მიუსაფარ ძაღლებს კასტრაცია-სტერილიზაციისთვის ახალციხიდან გორში გადაიყვანენ
ტურისტები ახალციხის ციხეზე მიუსაფარ ძაღლებთან ერთად [ფოტო/ვიდეო]