ადიგენის საკრებულომ ჭელის მინარეთის დემონტაჟი გადაწყვიტა

მთავარისაზოგადოება 26.08.2013
ადიგენის მუნიციპალიტეტის საკრებულომ სოფელ ჭელის მინარეთის დემონტაჟის გადაწყვეტილება მიიღო. მინარეთის უკანონოდ დადგმისთვის კი ადგილობრივ მუსლიმებს 200-ლარიანი ჯარიმა დაეკისრათ

ადიგენის საკრებულომ ჭელის მინარეთის დემონტაჟი გადაწყვიტა
ადიგენის მუნიციპალიტეტის გამგეობამ ჭელაში უნებართვოდ დადგმული მინარეთის შესახებ საქმის ადმინისტრაციული წარმოება 1 აგვისტოს დაიწყო. ადიგენის მუნიციპალიტეტის გამგეობის ეკონომიკისა და ინფრასტრუქტურის სამსახურის მთავარი სპეციალისტის გივი ყულჯანიშვილის განცხადებით, მუსლიმებმა მინარეთთან დაკავშირებით გამგეობას არანაირი დოკუმენტი არ წარუდგინეს. ამიტომ, საკრებულომ მიიღო გადაწყვეტილება მინარეთის დემონტაჟის შესახებ.გარდა ამისა, მინარეთის უკანონოდ დადგმისთვის მუსლიმებს 200 ლარიანი ჯარიმა დაეკისრათ.

საკრებულომ ბრძანება (N სს/63) 2013 წლის 20 აგვისტოს გამოსცა. გივი ყულჯანიშვილის განმარტებით, მიწა, რომელზეც მეჩეთი და მინარეთი დგას, დავით ჩოგაძის სახელზეა რეგისტრირებული. ადგილობრივმა მუსლიმებმა კი გამგეობაში შეიტანეს განაცხადი, რომელშიც ნათქვამია რომ ჩოგაძემ მიწა მათ აჩუქათ და გამგეობას სთხოვენ დაურეგისტრიროს.

„ყველა საბუთი დავით ჩოგაძეზეა, გასარკვევი არაფერი იყო, მიღება-ჩაბარების აქტი არსებობდა. ამათ კი დაწერეს რაღაც ქაღალდზე, 10-15 კაცი აწერს ხელს, რომ ვითომ ჩოგაძემ ეს აჩუქა. გვეუბნებიან, ვიყიდეთ და დაგვირეგისტრირეთო, გამგეობა როდის არეგისტრირებს მიწებს?!“, - აცხადებს ყულჯანიშვილი.

დავით ჩოგაძე ამბობს, რომ ამ მიწასთან შეხება აღარ აქვს და არ აპირებს მასთან დაკავშირებულ რაიმე დოკუმენტს ხელი მოაწეროს.
„მაგათ უნდათ, რომ ერთ კონკრეტულ პიროვნებაზე გააკეთონ ყველაფერი და დამადანაშაულონ მე. არად, მე არ მიმიძღვის არანაირი დანაშაული, არც ამიშნებია და არც გამიკეთებია. რადგან მიწა არის ჩემ სახელზე, უნდათ პასუხისმგებლობაც მე დამაკისრონ, მაგრამ ხელს არ მოვაწერ არცერთ დოკუმენტზე. ალბათ გავასაჩივრებთ მაგ დოკუმენტს, რომც არ გავასაჩივროთ და სასამართლოს გადაეცეს შემდეგ, ჩვენ ჩვენს უფლებებს დავიცავთ, ადვოკატს ავიყვანთ“, - ამბობს ჩოგაძე.

მისივე განმარტებით, მიწა ნამდვილად მის სახელზეა რეგისტრირებული, თუმცა,მან ხალხს გადასცა: „არიან მოწმეები, 8 თუ 10 კაცი, რომ მე ეს ჩემი საკთრება გადავეცი ხალხს და 7-8 წლის განმავლობაში მანდ არაფრით მისარგებლია. ამათ უნდათ, რომ მაინცადამაინც მე ავიღო ეს საქმე, თითქოს მე ვაწარმოე მშენებლობა“.

მინარეთის დემონტაჟს ითხოვს არასამთავრობო ორგანიზაცია „საზოგადოებრივი დარბაზიც“.

„500-მდე ხელმოწერა შეგროვდა, პოლიციაში შევიტანეთ და ველოდებით რა გადაწყვეტილებას გამოიტანენ. დემონტაჟს ვითხოვთ. მოლოდინის რეჟიმში ვართ“, - აცხადებს ორგანიზაციის ხელმძღვანელი გოდერძი კუბლაშვილი.

შეგახსენებთ, რომ ადიგენის მუნიციპალიტეტის სოფელ ჭელაში მდებარე მეჩეთს გვერდით მინარეთი მიადგეს. პარალელურად, სოფელში დაიწყო ხელმოწერების შეგროვება მინარეთის დემონტაჟის მოთხოვნით. ადგილობრივები ფიქრობენ, რომ სოფელში სიტუაციას ვიღაც ხელოვნურად ძაბავს, რადგან მუსლიმები და მართლმადიდებლები კეთილმეზობლურად ცხოვრობენ.

[sknews.ge]


27.06.2016 ახალციხის თემის საბავშვო ბაღები ზაფხულში არ დაისვენებენ
27.06.2016 ტრენინგ-მოდულების დამწერთა მეორე ნაკადმა გადამზადება დაასრულა
27.06.2016 ახალციხის ბაღებში საზაფხულო არდადაგები ერთ თვეს გასტანს
21.06.2016 სკოლადამთავრებულთათვის ატესტატების გაცემა დაიწყო
22.04.2014 ჯილეხისა და თურქულის ვაქცინაცია დაიწყო
08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს
05.04.2014 რა იცვლება სასწრაფო სამედიცინო დახმარებაში?
21.03.2014 საქართველოში ჰოსპიტალური საწოლების რაოდენობამ იკლო
29.06.2016 MFA: თურქეთში დაშავებულთა შორის საქართველოს მოქალაქეები არ არიან
29.06.2016 36 დაღუპული, 147 დაშავებული – ტერაქტი ათათურქის აეროპორტში
28.06.2016 ბავშვთა საერთაშორისო ფესტივალი 'Brave Kids' დასრულდა
28.06.2016 ‘არჩევნებზე ხმას არ ვაღირსებთ’ - დატბორილი დანიელაშვილის ქუჩა [Photo]
24.12.2013 ბორჯომში ახალ წელს ერთი დღით ადრე იზეიმებენ
27.11.2013 რეჟისორი ვახტანგ ბერიძე მესხეთის თეატრს მადლობას უხდის
25.10.2013 ახალციხეში ანსამბლ „სეუს“ კონცერტი მიმდინარეობს
24.10.2013 მესხეთის თეატრში "წვიმის გამყიდველს" წარმოადგენენ
29.05.2016 სინაგოგის ერთადერთი მლოცველი [Video]
28.05.2016 ბორჯომი ტურისტული სეზონისთვის ემზადება [VIDEO]
23.05.2016 ლუდა კაპანაძე: სანამ სული მიდგას, ბავშვებთან ვიმუშავებ [Video]
12.05.2016 'წყალი კი არა 'ლუფხია' – ჩივილი ასპინძიდან [Video]

მსგავს თემაზე

ადიგენის გამგეობამ ჭელის საქმის შესწავლა დაიწყო
მინარეთის ნგრევის მოთხოვნით ხელმოწერების შეგროვებაზე საპატრიარქოში არაფერი იციან
ჭელაში მინარეთის დემონტაჟი მიმდინარეობს
ჭელაში მცხოვრები - მინარეთის დასანგრევად ხელი ჩემს ნაცვლად მოაწერეს
‘მართლმადიდებლების უფლებების დასაცავად’ ადიგენში დაგეგმილი აქცია გადაიდო