FM97.5 / LIVE

'ერთმანეთის გვერდში დგომით ყველაფერი გამოგვივა' - უფლებადამცველმა ორგანიზაციამ ოფისი ასპინძაშიც გახსნა

მთავარისაზოგადოება 01.08.2013
ორგანიზაციამ „ადამიანის უფლებათა საყოველთაო დეკლარაციისთვის“ ასპინძაში რაიონული ოფისი გახსნა. ორგანიზაციაში ირწმუნებიან, რომ იმუშავებენ მუნიციპალიტეტში არსებული ყველა პრობლემის მოსაგვარებლად.

'ერთმანეთის გვერდში დგომით ყველაფერი გამოგვივა' -  უფლებადამცველმა ორგანიზაციამ ოფისი ასპინძაშიც გახსნა
ოფისის გახსნის ოფიციალურ ცერემონიას ასპინძის მცხოვრებლებიც ესწრებოდნენ.

„ასპინძელების პრობლემები მოვისმინეთ და მზად ვართ გვერდში დავუდგეთ ამ ადამიანებს. ერთმანეთის გვერდში დგომით ყველაფერი გამოგვივა“, - ამბობს ორგანიზაციის თავმჯდომარე ზურაბ ხუციშვილი.

დღევანდელ შეხვედრაზე ასპინძის მოსახლეობამ სასოფლო-სამეურნეო მიწების პრობლემებზე ისაუბრა. მათი თქმით, დაახლოებით ოთხი წლის წინ ასპინძაში, ბუზმარეთის ტერიტორიაზე მიწები უკანონოდ გასხვისდა.

„წლების წინ, გამგეობის დადგენილებით, 62 ოჯახს დაახლოებით 1 ჰექტრამდე მიწის ფართობები გადმოგვეცა, რომელსაც სათიბად ვიყენებდით 10-15 წლის განმავლობაში. რამდენიმე წლის წინ ჩატარდა აუქციონი, რომლის შესახებაც ჩვენ, მიწის მესაკუთრეებს, არანაირი ინფორმაცია არ გვქონია და გაასხვისეს ეს მიწები, - ამბობს ასპინძაში მცხოვრები როლანდი ნარიმანიძე და ამატებს, რომ აუქციონის შესახებ ინფორმაცია რომ ჰქონოდათ, ამ მიწებს თვითონ შეისყიდიდნენ: ვის აღარ მივმართეთ, მაგრამ არანაირი რეაგირება არ მოჰყოლია. ბოლოს პროკურატურაში საჩივარი შევიტანეთ, დაიწყო ძიება, დაგვკითხეს მაშინვე, მაგრამ იმის მერე ეს საქმე თაროზე შემოიდო და აღარავის არ მოუკითხებია“.

ორგანიზაში ამბობენ, რომ ამ პრობლემით აუცილებლად დაინტერესდებიან.

ასპინძის რაიონულ ორგანიზაციას ნუგზარ ზაქაიძე უხელმძღვანელებს.

„ჩვენი ორგანიზაცია ძირითადად იმუშავებს, უსამართლობაზე, უკანონობაზე, ადამიანის უფლებების დარღვევაზე, ასპინძაში ბევრი უკანონობაა დაფიქსირებული მიწებთან დაკავშირებით, რომელიც უკანონოდ არის გასხვისებული და მოსახლეობა დაზარალდა“, - ამბობს ნუგზარ ზაქაიძე.

ასპინძის შემდეგ, „ადამიანის უფლებათა საყოველთაო დეკლარაციისთვის“ ადიგენის რაიონული ორგანიზაცია გაიხსნება.

„უახლოეს მომავალში დაგეგმილია ახალქალაქისა და ნინოწმინდის რაიონული ორგანიზაციების გახსნაც. ჩვენი მიზანია, იმ ადამიანებს დავუდგეთ გვერდში, ვისაც რაიმე პრობლემა აქვს“, - ამბობს „ადამიანის უფლებათა საყოველთაო დეკლარაციისთვის“ სამცხე-ჯავახეთის რეგიონული კოორდინატორი დავით ბერიძე.

შეგახსენებთ, ორგანიზაცია თბილისში მიმდინარე წლის 17 აპრილს დაფუძნდა. სამცხე-ჯავახეთის რეგიონული წარმომადგნელობა კი 15 მაისს დაასახელეს.

ორგანიზაციაში ამბობენ, რომ მათი ორგანიზაცია 1948 წლის 10 დეკემბერს გაერთიანებული ერების ორგანიზაციის მიერ მიღებულ „ადამიანის უფლებათა საყოველთაო დეკლარაციას“ ეფუძნება და ისინი მზად არიან დახმარება გაუწიონ ყველა იმ ადამიანს, ვინც ფიქრობს, რომ მისი უფლებები ილახება.

'ერთმანეთის გვერდში დგომით ყველაფერი გამოგვივა' -  უფლებადამცველმა ორგანიზაციამ ოფისი ასპინძაშიც გახსნა

[თამარ თოთაძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 სეს-მა ახალციხეში მუსლიმური სკოლა-პანსიონი დააჯარიმა

18.11.2019 'პოლიციამ გამოიჩინა პროფესიონალიზმი და იმოქმედა კვალიფიციურად'– კახა კალაძე

18.11.2019 პარლამენტთან აქციის დაშლის შემდეგ საავადმყოფოში სამი პირი გადაიყვანეს

18.11.2019 არასამთავრობო ორგანიზაციების საგანგებო განცხადება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

"ადამიანის უფლებათა საყოველთაო დეკლარაციისათვის“ ასპინძაში  რაიონულ ოფისს ხსნის
ვის დაიცავს ახალი ორგანიზაცია?
„ადამიანის უფლებათა დაცვის საყოველთაო დეკლარაციისთვის“ მუშაობის აქტურ რეჟიმში გადადის
10 დეკემბერი ადამიანის უფლებების დაცვის საერთაშორისო დღეა
'ჩვენ უნდა შევასრულოთ ბატონი ბიძინა ივანიშვილის მესიჯი' [Video]
ახალციხეში ადამიანის უფლებათა დაცვის 2014–2020 წლების სტრატეგიაზე იმსჯელეს
ომბუდსმენი: ადამიანის უფლებათა დამცველთა დღის წესრიგში კვლავ არაერთი პრობლემაა