FM97.5 / LIVE

ახალციხეში 39 სკოლიდან 24 შეშის ღუმელით თბება

მთავარისიახლე, ეკონომიკა 06.12.2018
ახალციხის მუნიციპალიტეტში 38 საჯარო და ერთი კერძო სკოლაა. აქედან 15–ში ცენტრალური გათბობაა, თუმცა მათი ნაწილი ცენტრალური გათბობისთვის შეშას იყენებს.

ახალციხეში 39  სკოლიდან 24  შეშის ღუმელით თბება

ახალციხის მესამე საჯარო სკოლა ერთ–ერთია იმ სკოლებს შორის, სადაც კლასებში ჯერ კიდევ შეშის ღუმელები დგას. სკოლის დირექტორი სუსანა აკოპოვა ამბობს, რომ სკოლის გაზიფიცირება მომავალი წლიდან დაიწყება: „აქამდეც გვექნებოდა გაზი სკოლაში უბრალოდ, ელექტროგაყვანილობების პრობლემა იყო, სხვანაირად გაზს ვერ გავუშვებდით, ახლა ეს პრობლემა გვარდება და ცოტახანში გაზით გათბობაზე გადავალთ“.

აკოპოვა ამბობს, რომ გაზით გათბობა სკოლას უფრო ძვირი დაუჯდება, „მაგრამ აქამდე სპორტდარბაზს, ან სკოლის დერეფნებს ვერ ვათბობდით და გაზით გავათბობთ, თან გაზით გათბობა უფრო ცივილიზებულია“.

ქალაქში შეშით კიდევ ერთი, კერძო სკოლა „მზექა“ თბება. დირექტორი ბელა კაპანაძე ამბობს, რომ სკოლის გაზიფიცირება სურს, თუმცა იმის გამო, რომ შენობა სკოლის კუთვნილება არ არის, ეს ვერ ხერხდება: „ნაქირავები მაქვს შენობა და არ მრთავს მისი მესაკუთრე ნებას, რომ გაზი შევიყვანო. თან მგონია, რომ გამათბობლების დამონტაჟებაც ძვირი დამიჯდება. ახლა, ზამთრის სეზონზე შეშით მომარაგება და დაბინავება 5 000 ლარამდე მიჯდება“.

ახალციხეში 39  სკოლიდან 24  შეშის ღუმელით თბება

შეშის ღუმელებით თბება მუნიციპალიტეტის 22 სოფლის სკოლაც. ახალციხის საგანმანათლებლო რესურსცენტრის დირექტორის ხათუნა ხმალაძის განმარტებით სკოლების გაზით გათბობაზე გადასვლა ეტაპობრივად მას შემდეგ დაიწყება, რაც სოფლები გაზიფიცირდება: „სკოლების შეშით მომარაგება გაზაფხულიდან იწყება და ახლა ყველა მათგანი მომარაგებულია“.

ცენტრალური გათბობა გაზზე სულ ექვს სკოლაშია. რვა სკოლაში კი ცენტრალური გათბობა შეშაზეა მოწყობილი, მათ შორისაა ახალციხის მეხუთე საჯარო სკოლა, სოფლების – ანის, კლდის, მინაძის, მუსხის, ჭვინთისა და პატარა პამაჯის სკოლები.

ახალციხის მუნიციპალიტეტში 45 დასახლებული პუნქტიდან მხოლოდ 13–ია გაზიფიცირებული. 32 სოფელში კი ჯერ გაზი შეყვანილი არ არის, თუმცა მათ ნაწილში სამუშაოები უკვე დაწყებულია. ახალციხის მერიაში აცხადებენ, რომ დარჩენილი სოფლების გაზიფიცირება ეტაპობრივად განხორციელდება.

ახალციხეში 39  სკოლიდან 24  შეშის ღუმელით თბება

[ლუბა გიორგაძე, ახალციხე]


19.04.2019 წარჩინებული მოსწავლეები მთავრობის სხდომაზე დასწრებას შეძლებენ - პრემიერი

18.04.2019 მოსწავლეების თვალით დანახული პრობლემები – კონფერენცია ახალციხეში

17.04.2019 აზავრეთის სკოლის მოსწავლეებმა სწავლა განაახლეს

16.04.2019 მე-12 კლასის მოსწავლეებისთვის თავისუფალი დასწრება გაუქმდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.04.2019 26 აპრილამდე საქართველოში უმეტესად ნალექიანი ამინდი იქნება

20.04.2019 საქმე, რომლის ფასიც ‘ღმერთმა იცის’ [ფოტო/ვიდეო]

20.04.2019 ასპინძაში 'ასპინძის ბრძოლის' დღე აღნიშნეს

19.04.2019 მეშახტეების დასახლება მეშახტეების გარეშე [ფოტო/ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

სამცხე–ჯავახეთის 195 სკოლიდან 122 შეშის ღუმელით თბება
ადიგენში 2019 წელს ბუნებრივ აირს სამ სკოლაში შეიყვანენ
რითი თბებიან სამცხე–ჯავახეთის სკოლებში
ახალციხის პირველი სკოლა წელს ისევ შეშით თბება
ასპინძაში 18 სკოლიდან 11 შეშის ღუმელით თბება
ახალციხეში იკვლევენ ვინ თბება შეშის ღუმელით
ახალქალაქის სკოლებში ისევ შეშის ღუმელით გათბებიან