FM97.5 / LIVE

ახალციხის მეორე ბაგა–ბაღი, რომელშიც 150 ბავშვი სწავლობს, ავარიულია

მთავარისიახლე, საზოგადოება, სამართალი 05.12.2018
ახალციხის მერიაში აცხადებენ, რომ მეორე ავარიული ბაგა–ბაღისთვის 2019 წელს 500 000 ლარია განსაზღვრული. ამ თანხით არსებული შენობა გარემონტდება თუ ახალს ააშენებენ, ჯერ გადაწყვეტილი არ არის.

ახალციხის მეორე  ბაგა–ბაღი, რომელშიც 150 ბავშვი სწავლობს, ავარიულია

ახალციხის მეორე ბაგა–ბაღის შენობა 1972 წელს აშენდა. კედლები დაბზარულია და სპეციალური რკინებით არის გამაგრებული. ამ წლების განმავლობაში ბაღში რამდენჯერმე მხოლოდ კოსმეტიკური რემონტი ჩატარდა. როგორც დაწესებულების მენეჯერი ნათელა გელაძე ამბობს, შენობა, დაახლოებით, ორი–სამი წლის წინ სამხარაულის ექსპერტიზის ბიუროს წარმომადგენლებმა შეისწავლეს. მათი დასკვნის მიხედვით ბაღი ავარიულია, თუმცა, რეაბილიტაციას ექვემდებარება.

„კედლები სპეციალური რკინებით შევკარით და ბზარები აღარ მომატებია. გვიხარია, რომ მომავალ წელს ჩვენს ბაღს გაარემონტებენ, ამის შემდეგ სამი ჯგუფის დამატებას კიდევ შევძლებთ, დამატებით დაახლოებით 80 ბავშვს მივიღებთ“, – ამბობს ნათელა გელაძე.

ახალციხის მერის პირველი მოადგილე გურამ მელიქიძე ამბობს, რომ მეორე ბაგა–ბაღისთვის 2019 წლის ბიუჯეტის პროექტში 500 000 ლარია გათვალისწინებული: „დასკვნა, რომ შენობა დასანგრევია, არ არსებობს. ამ ბაღის რეაბილიტაცია უნდა ჩატარდეს, თუმცა ზუსტად რა როგორ იქნება ამ ეტაპზე ვერ გეტყვით. თანხა ადგილობრივი ბიუჯეტიდან გაიწერება“.

გარდა მეორე ბაღისა, სარეაბილიტაციოა ახალციხის მეოთხე ბაგა–ბაღიც, თუმცა ამ შენობის ბედი ჯერ კიდევ გაურკვეველია. მომავალი წლის ბიუჯეტში ამ კუთხით თანხა გათვალისწინებული არ არის.

იაძის N12-ში მდებარე ბაღის ნაცვლად ახალი, ენერგოეფექტური შენობის ასაშენებლად 4 500 000 ლარი იყო საჭირო, რეგიონებში განსახორციელებელი პროექტების ფონდიდან კი ახალციხის მერიას დაფინანსებაზე 2016 წელს უარი უთხრეს.

„მეოთხე ბაღზე ჯერ სიახლე არ არის, ძვირად ღირებულია და თანხის მოძიების პროცესში ვართ. მოლაპარაკებებს ვაწარმოებთ დონორებთან, თუმცა ჯერჯერობით პასუხი არ გვაქვს“, – ამბობს გურამ მელიქიძე.

ბიუჯეტის პროექტის მიხედვით, 2019 წელს სკოლამდელი აღზრდის დაწესებულებების შენობა–ნაგებობების რეაბილიტაციისა და ინვენტარის შესაძენად 600 000 ლარია გათვალისწინებული.

ახალციხის მეორე  ბაგა–ბაღი, რომელშიც 150 ბავშვი სწავლობს, ავარიულია

[თინათინ ზაზაძე, ახალციხე]


13.08.2019 რას მოუტანს Erasmus + სამცხე-ჯავახეთის უნივერსიტეტს

13.08.2019 ახალციხელმა თამთა პეტაშვილმა ლიეტუვის სახელმწიფო დაფინანსება მოიპოვა

12.08.2019 ჯილდოს მსურველი პენსიონერი პედაგოგები სკოლაში ახალი კადრის შერჩევამდე დარჩებიან

10.08.2019 ახალციხელი მასწავლებელი დაჯილდოვდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.08.2019 ვინ იმღერებს 'ბორჯომობის' დღესასწაულზე

14.08.2019 დიდ პამაჯში ხანძარი ლიკვიდირებულია [ფოტო/ვიდეო]

14.08.2019 სამცხე-ჯავახეთში რაგბის განვითარების პერსპექტივებზე იმსჯელეს ®

14.08.2019 ბაკურიანში სამი ახალი საბაგირო აშენდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

2017 წელს ახალციხეში ენერგოეფექტური ბაღი აღარ აშენდება
2019 წელს ახალციხეში ორი საბავშვო ბაღი აშენდება
ახალციხეში ენერგოეფექტური ბაღი აშენდება
პირველი ენერგოეფექტური ბაღი ახალციხეში შენდება
ახალციხის 8 ბაღიდან 4 ჯერ ისევ შეშით თბება
ახალციხეში N1 ბაგა–ბაღის რეაბილიტაცია იგეგემება
ბაგა–ბაღის ავარიული შენობა სახლის ნაცვლად [Video]