FM97.5 / LIVE

აბასთუმანში ივანიშვილთან დაკავშირებული ოფშორული კომპანია სასტუმროს აშენებს

მთავარისიახლე, ეკონომიკა, საზოგადოება 15.11.2018
აბასთუმანში სანატორიუმ „ცისარტყელას“ ადგილზე ხუთვარსკვლავიანი სასტუმრო შენდება. სასტუმროს აშენებს პანამაში რეგისტრირებული ოფშორული კომპანია, რომელიც ბიძინა ივანიშვილთანაა დაკავშირებული.

აბასთუმანში ივანიშვილთან დაკავშირებული ოფშორული კომპანია სასტუმროს  აშენებს

აბასთუმანში, სანატორიუმ „ცისარტყელას“ ადგილზე მშენებარე ხუთვარსკვლავიანი სასტუმროსთვის საძირკველი უკვე გაჭრილია. „სამხრეთის კარიბჭეს“ აქ მშენებელი კომპანია „არალის“ წარმომადგენლები დახვდნენ: „სასტუმროს ვაშენებთ ხუთ ვარსკვლავიანს. ფონდი „ქართუ“ აფინანსებს“, – გვითხრა შპს „არალის“ 100%–იანი წილის მესაკუთრემ ოთარ თათეშვილმა.

ობიექტზე მშენებლებმა ადგილის დატოვება გვთხოვეს. მათ არც ფოტოს გადაღების საშუალება მოგვცეს და არც სხვა შეკითხვებზე გვიპასუხეს. სამშენებლო სამუშაოების შესახებ აქ არც საინფორმაციო ბანერი დაგვხვდა.

„ისიც კი არ ვიცი მანდ რა შენდება და ვინ აშენებს წარმოდგენა არ მაქვს“, – გვითხრა აბასთუმანში მერის წარმომადგენელმა გიორგი გედევანიძემ.
ვინ აშენებს სასტუმროს აბასთუმანში ამ შეკითხვაზე პასუხი ვერც ადიგენის მერიასა და საკრებულოში მივიღეთ. ადგილობრივები კი ამბობენ, რომ აქ სასტუმროს ბიძინა ივანიშვილი აშენებს. იგი კურორტზე, აგვისტოში, ოჯახთან ერთად ორ კვირაზე მეტ ხანს ისვენებდა და როგორც აბასთუმნელები გვიყვებიან, მან „ცისარტყელას“ ადგილზე სასტუმროს აშენება სწორედ მაშინ გადაწყვიტა.

სანატორიუმ „ცისარტყელას“ ტერიტორიაზე საჯარო რეესტრის ამონაწერებში ცვლილებებიც ამ პერიოდიდან ჩნდება.

ბოლო, 2018 წლის 10 ოქტომბრის ამონაწერის მიხედვით აბასთუმანში სანატორიუმის ადგილზე, 9 709 კვადრატულ მეტრს შპს „ცისარტყელა“ ფლობს. „ცისარტყელა“ თბილისში, ჭავჭავაძის 39 ა-ში, ქართუ ბანკის სათავო ოფისის მისამართზეა რეგისტრირებული. მას სამი მესაკუთრე ჰყავს: მალხაზ აბესაძე – 24.5 %, დევანოზ ინასარიძე – 24.5% და შპს „საქართველოს ტურიზმის განვითარების ფონდი“ – 51%.

„ცისარტყელას“ მესაკუთრეებს შორის, „საქართველოს ტურიზმის განვითარების ფონდი“ ცხრა სექტემბრიდან ჩნდება. მანამდე კი 50%–50% დევანოზ ინასარიძე და მალხაზ აბესაძე ინაწილებდნენ.

„საქართველოს ტურიზმის განვითარების ფონდიც“ ქართუ ბანკის სათავო ოფისის მისამართზეა რეგისტრირებული. მისი 100%–იანი წილის მესაკუთრე პანამაში რეგისტრირებული ოფშორული კომპანია, სააქციო საზოგადოება FRANKSTON INTERNATIONAL–ია.

FRANKSTON INTERNATIONAL–ი ბიძინა ივანიშვილის დეკლარაციაში მითითებული არ არის. თუმცა, ის რომ ოფშორში რეგისტრირებულ აღნიშნულ კომპანიას ივანიშვილი ფლობს, ეს 2016 წლის გაზაფხულზე გახდა ცნობილი. მაშინ ბოტანიკური ბაღის 29.7 ჰექტარი FRANKSTON INTERNATIONAL–ის შვილობილმა კომპანიებმა „თაბორი რიზორტმა“ და „ოლდ სიტი დეველოპმენტმა“ შეიძინეს. ამავე პერიოდში, აქ განსახორციელებელ პროექტებთან დაკავშირებით, გავრცელდა განცხადება, სადაც ეწერა, რომ „ოლდ სიტი დეველოპმენტის“ მიერ განხორციელებული პროექტების "ინიციატორი და ინვესტორი ბატონი ბიძინა ივანიშვილი იყო“.

„სამხრეთის კარიბჭემ“ პარტია „ქართული ოცნების“ თავმჯდომარეს აბასთუმანში მშენებარე სასტუმროსთან დაკავშირებით ინფორმაციის მისაღებად წერილობით, ექვსი დღის წინ, ცხრა ნოემბერს მიმართა, თუმცა, ამ დრომდე პასუხი არ მიგვიღია. შეკითხვაზე, აშენებს თუ არა ბიძინა ივანიშვილი სასტუმროს აბასთუმანში, პასუხი ვერც „ქართული ოცნების“ საზოგადოებასთან ურთიერთობის სამსახურში მივიღეთ.

„ჩვენ კერძო მშენებლობებს არ ვაფინანსებთ. შესაბამისად, თანხა გამოყოფილი არც აბასთუმანში სასტუმროს ასაშენებლადაა“, – გვითხრეს ფონდ „ქართუში“.

„სამხრეთის კარიბჭესთან“ კი აბასთუმნელები ყვებიან, რომ კურორტთან დაკავშირებით პარტიის თავმჯდომარეს დიდი გეგმები აქვს და მათი განხორციელება ივანიშვილმა საკუთარი სასტუმროს შენებით დაიწყო.

[ლუბა გიორგაძე, თამუნა უჩიძე, ადიგენი]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 პოლიცია აქციის მონაწილეებს დასაშლელად ნახევარ საათს აძლევს

18.11.2019 პარლამენტის მიმდებარედ სპეცრაზმია მობილიზებული

18.11.2019 ახალციხელი მხატვრის, მიხეილ იაძის ნამუშევრებს ალბომად გამოსცემენ

18.11.2019 სანიაღვრე არხების დაზიანებული ცხაურები ახალციხეში [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

აბასთუმანში ‘ცისარტყელას’ მიმდებარე ტერიტორია ნახევარ მილიონად იყიდება
აბასთუმანში მშენებარე ხუთვარსკვლავიანი სასტუმრო დამსვენებლებს 2020 წლიდან მიიღებს
ბიძინა ივანიშვილი აბასთუმანში სახლს იშენებს
ივანიშვილის სტუმრობის შემდეგ აბასთუმანში შვიდი პროექტის განხორციელება დაიწყო
ვისთვის შენდება აბასთუმანში სამსართულიანი კორპუსი
აბასთუმანში სასტუმროს მშენებლობაზე კიდევ ერთი  მუშა დაშავდა
აბასთუმანში  მიმდინარე პროექტები [Video]