FM97.5 / LIVE

ადიგენში სერაპიონ ზარზმელის დღე იზეიმეს [Video, Photo]

მთავარისიახლე, საზოგადოება 11.11.2018
დღეს, 11 ნოემბერს, ადიგენში სახალხო დღესასწული ‘ზარზმობა’ აღნიშნეს. სერაპიონ ზარზმელის ხსენების დღე ტაძარში საზეიმო წირვით დაიწყო და სხვადასხვა კულტურული თუ სპორტული ღონისძიებებით გაგრძელდა.

ადიგენში სერაპიონ ზარზმელის დღე იზეიმეს [Video, Photo]
ადიგენის, სოფელ ზარზმაში სერაპიონ ზარზმელის ხსენების დღეს, მისსავე აშენებულ ტაძარში საზეიმო წირვა-ლოცვა ახალციხისა და ტაო–კლარჯეთის მიტროპოლიტმა, მეუფე თეოდორემ და ხორნაბუჯელმა ეპისკოპოსმა დიმიტრიმ აღავლინეს.

დღესასწაული წირვის დასრულების შემდეგ სოფელ ზარზმის მიმდებარე ტერიტორიაზე კონცერტით გაგრძელდა. ზარზმობის დღესასწაულზე ადგილობრივი სიმღერისა და ცეკვის ანსამბლების გარდა მონაწილეობა მიიღო დედაქალქიდან ჩამოსულმა ანსამბლმა „მეტეხმა“.

ადგილობრივებს „ზარზმობის“ დღესასწაული საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა, რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ, რეგიონის გუბერნატორმა ბესიკ ამირანაშვილმა და ადიგენის მუნიციპალიტეტის ხელმძღვანელმა პირებმა მიულოცეს.

„მიხარია, რომ დღეს აქ თქვენთან ერთად ვესწრები ღონისძიებას. არაერთ ნიჭიერ ახალგაზრდას ვუსმენდი და ნამდვილად იშვიათად ასეთი ნიჭიერ ახალგაზრდები, ერთი რეგიონიდან, ერთი სოფლიდან. მინდა მოგილოცოთ დღევანდელი დღე და დაგიდასტუროთ ჩემი პატივისცემა“,–განაცხადა მაია ცქიტიშვილმა.



სახალხო დღესასწაულისადმი მიძღვნილი ღონისძიებები, ადიგენის ცენტრალურ სტადიონზე ფეხბურთის ფედერაციიდან მოწვეულ ვეტერან ფეხბურთელებსა და ადგილობრივ ვეტერანებს შორის საფეხბურთო მატჩით დასრულდა.

სახალხო დღესასწაულის აღნიშვნა სერაპიონ ზარზმელის ხსენების დღეს უკავშირდება. დღესასწაული ყოველი წლის 11 ნოემბერს აღინიშნება.

სერაპიონ ზარზმელი, რომელიც IX საუკუნეში მოღვაწეობდა, წარმოშობით კლარჯეთიდან იყო. მას ორი ძმა ჰყავდა. სერაპიონის დედა ადრე გარდაიცვალა და შვილები მამამ აღზარდა. რამდენიმე წელიწადში მამაც გარდაიცვალა, სერაპიონი მცირეწლოვან იოანესთან ერთად ოპიზის მონასტერში, მიქაელ პარეხელთან მივიდა და ბერად შედგა, მოგვიანებით კი მიქაელის ბრძანებით მღვდლად იკურთხა.

მიქაელ პარეხელის ბრძანებით, სერაპიონი, იოანე და კიდევ ოთხი ბერი გაემართნენ სამცხისაკენ ეკლესიის საშენებლად და თან წაიღეს ფერისცვალების ხატი, რომელიც ახლად აშენებულ ეკლესიაში უნდა დაესვენებინათ. იმხანად სამცხის დიდი მთავარი, გიორგი ჩორჩანელი, თვითონ ეწვია სერაპიონს და დიდი შემწეობა აღმოუჩინა; მონასტრისათვის უწყალობა მიწა და საშენი მასალა. მშენებლობა სამ წელიწადში დასრულდა. გიორგი ჩორჩანელმა მონასტერს მისცა ჯორ-სახედრები და შესწირა სოფლები. სერაპიონმა დაადგინა მონასტრის ტიპოკონი. სერაპიონი სიცოცხლის ბოლომდე მოღვაწეობდა ზარზმის მონასტერში. დაკრძალულია საკურთხევლის აღმოსავლეთით.

სახალხო დღესასწაული ადიგენის მუნიციპალიტეტის მერიის ორგანიზებით გაიმართა.
ადიგენში სერაპიონ ზარზმელის დღე იზეიმეს [Video, Photo]

ადიგენში სერაპიონ ზარზმელის დღე იზეიმეს [Video, Photo]

ადიგენში სერაპიონ ზარზმელის დღე იზეიმეს [Video, Photo]

ადიგენში სერაპიონ ზარზმელის დღე იზეიმეს [Video, Photo]

[ლუბა გიორგაძე, ნანა ინასარიძე – ადიგენი]


06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

05.07.2020 ეროვნული გამოცდები და რეკომენდაციები

05.07.2020 6 ივლისიდან პროფესიული კოლეჯები სასწავლო პროცესს განაახლებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

06.07.2020 სამცხე–ჯავახეთში 9 და 10 ივლისს სეტყვაა მოსალოდნელი

05.07.2020 ხვალ, 6 ივლისს, წყალი შეწყდება კურცხანის წყლით მოსარგებლე სოფლებში

04.07.2020 ‘მთელი მოსავალი განადგურდა’ – სტიქია ახალციხეში [ფოტო]

04.07.2020 სურსათის ეროვნული სააგენტოს ინფორმაცია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

მსგავს თემაზე

ადიგენში სერაპიონ ზარზმელის ხსენების დღეს ზეიმობენ
დღეს ადიგენში ზარზმობას აღნიშნავენ
11 ნოემბერს ადიგენში ზარზმობას აღნიშნავენ
ადიგენში სერაპიონ ზარზმელის ხსენების დღე აღნიშნეს [Video]
ადიგენში სერაპიონ ზარზმელის ხსენების დღეს აღნიშნავენ
ადიგენში ზარზმობის დღესასწაულისათვის ემზადებიან
დღეს ადიგენში ზარზმობას აღნიშნავენ